ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᓇᕕᒻᒥ ᐃᓅᒐᓱᐊᕐᓂᐅᑉ ᐊᑭᑐᓂᖓᓄᑦ ᐊᑭᑭᓕᒋᐊᕐᑎᑦᓯᓂᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐱᖓᓲᔪᕐᑐᓂᒃ ᐱᓇᓱᐊᓲᖑᕗᖅ ᐃᑲᔪᕐᓯᒪᒍᑎᒋᒐᓱᐊᕐᑕᒥᓂᒃ ᐃᓅᒐᓱᐊᕐᓂᐅᑉ ᐊᑭᖓᓂ ᐊᒡᒌᒪᒐᓱᐊᕈᑎᓂᒃ ᓄᓇᕕᒻᒥᐅᓂ. ᐅᑯᐊ ᐃᑲᔪᕐᓯᒍᑎᒋᓲᖏᑦ:

 

ᑖᒃᑯᑎᒎᓇ ᐊᖏᖃᑎᒌᒍᑎᑎᒍᑦ ᐃᓅᒐᓱᐊᕐᓂᐅᑉ ᐊᑭᖓᓂᒃ ᐊᑭᑭᓪᓕᑎᕆᐅᑏᑦ ᓄᓇᕕᒻᒥ, ᑯᐯᑉ ᑲᕙᒪᖓᑦ 2019-ᒥ ᐊᑭᓖᓂᐊᕐᓂᕋᕐᓯᒪᔪᖅ $115.8 ᒥᓕᐊᓂᒃ ᐊᕐᕌᒍᓂ ᐱᖓᓲᔪᕐᑐᓂ. ᑖᒃᑯᐊ ᑮᓇᐅᔦᑦ ᐊᑐᕐᑕᐅᓛᕐᑐᑦ ᐃᑲᔪᕐᓯᒍᑎᐅᓗᑎᒃ ᓄᓇᕕᒻᒥᐅᓂᒃ ᐃᓅᒐᓱᐊᕐᓂᐅᑉ ᐊᑭᖓᓂᒃ ᐊᒡᒌᓯᒪᒍᑎᐅᓗᑎᒃ.
ᓄᓇᕕᒻᒥ ᐃᓅᒐᓱᐊᕐᓂᒧᑦ ᐊᑭᑭᓪᓕᑎᕆᐅᑏᑦ ᐃᑲᔪᕐᓯᒪᒍᑎᐅᒐᓱᐊᕐᑐᑦ ᑭᖕᖑᒪᑦᓯᓂᕐᐹᓂᒃ ᐃᓅᓯᖃᑦᓯᐊᓂᕐᒥᓗ ᑫᓪᓚᑐᐃᒍᑎᐅᑦᓱᑎᒃ ᐃᓱᒪᒋᑦᓱᒋᑦ ᐃᓄᐃᑦ ᐱᕐᖁᓯᖏᑦ ᐃᓗᕐᖁᓯᖓᓗ. ᑖᒃᑯᐊ ᐱᓇᓱᐊᕐᑎᓯᒍᑏᑦ ᖃᓄᐃᓕᖓᐅᓯᕆᓂᐊᕐᑕᖏᑦ ᑐᑭᑖᕈᑎᐅᓲᑦ ᒪᑭᕝᕕᒧᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ. ᖃᓄᐃᓕᐅᕐᑕᐅᒍᓯᖏᑦ ᐱᓇᓱᐊᕐᑎᓯᒍᑏᑦ ᐋᕐᕿᒋᐊᕐᑕᐅᖃᑦᑕᓲᑦ ᐃᓚᖓᓂᓪᓗ ᐊᑐᕈᓐᓀᑎᑕᐅᒍᓐᓇᓱᑎᒃ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᑖᒃᑯᓂᖓ ᐊᐅᓚᑦᓯᔨᐅᔪᖅ ᐊᑐᓕᕐᑎᓯᔨᐅᑦᓱᓂ. ᓇᓗᓇᖕᖏᑐᓂᒃ ᑐᓴᕐᑎᓯᒍᓯᕐᑕᓖᑦ ᖃᐅᔨᒪᒍᑎᑦᓴᓕᐊᒍᓯᒪᔪᓂᒃ ᐃᑲᔪᕐᓯᒪᒍᑏᑦ ᐃᑲᔪᕐᓂᖃᑦᓯᐊᒪᖔᑕ ᓱᕐᕃᓯᐊᕐᒪᖔᑕ ᖃᐅᔨᒪᒍᑎᑦᓴᐅᓱᑎᒃ.
 
ᐊᖏᖃᑎᒌᒍᑏᑦ ᓄᓇᕕᒻᒥ ᐃᓅᒐᓱᐊᕐᓂᐅᑉ ᐊᑭᖓᓂᒃ ᐊᑭᑭᓪᓕᑎᕆᐅᑏᑦ ᐊᖏᖃᑎᒌᒍᑎᖓ, ᒪᑭᕝᕕᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐊᒻᒪᓗ ᑯᐯᑉ ᑲᕙᒪᖓ ᐊᖏᖃᑎᒌᑦᓯᒪᔪᑦ ᑐᓴᕐᑎᓯᒍᑎᓕᐅᓛᕐᓱᑎᒃ ᖃᐅᔨᓯᒪᔭᒥᓂᒃ ᐊᓪᓚᖑᕐᑎᓯᓗᑎᒃ ᓄᓇᕕᒻᒥ ᐃᓅᒐᓱᐊᕐᓂᐅᑉ ᐊᑭᖓᓂᒃ ᖃᐅᔨᓴᕐᓗᑎᒃ ᐊᑑᑎᔪᓂᒃ ᐃᓄᓐᓂᒃ ᑖᒃᑯᓂᖓ ᐊᑮᑦ ᐊᑦᔨᒌᖕᖏᓂᖏᓐᓂᒃ ᓄᐃᑦᓯᒍᑎᑦᓴᓕᐅᕐᓗᑎᒃ. ᐊᕐᕌᒎᓐᓂ ᒪᕐᕉᓂ ᖃᐅᔨᓴᕐᓂᖅ ᐊᑑᑎᔭᐅᔪᖅ ᑲᓇᑕᒥ ᖃᐅᔨᓴᕐᓯᑎᓄᑦ ᓯᕗᓕᕐᑕᐅᓱᓂ ᐊᑦᔨᒌᖕᖏᓂᖏᓐᓂ ᖃᐅᔨᒐᓱᐊᕐᓱᑎᒃ ᓄᓇᓕᑐᙯᑦ ᖃᐅᔨᓴᕐᑕᐅᒍᑎᒋᓯᒪᔭᖏᓐᓂᒃ ᓚᕚᓪ ᐃᓕᓐᓂᐊᕕᕐᔪᐊᖓᓄᑦ ᖃᐅᔨᒍᑎᐅᓯᒪᔪᖅ ᐃᓅᒐᓱᐊᕐᓂᖅ ᓄᓇᕕᒻᒥ ᑯᐯᒻᒥᓗ ᐃᓘᓐᓇᖓᒍᑦ ᐊᑭᑐᓂᕐᓴᐅᓂᖓᓂᒃ ᓄᓇᕕᒻᒥ.
ᑖᒃᑯᐊ ᖃᐅᔨᓴᕈᑎᐅᔪᑦ ᐱᔭᕇᕐᑕᐅᓯᒪᓕᕐᐸᑕ ᒪᑭᕝᕕᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐊᒻᒪᓗ ᑯᐯᑉ ᑲᕙᒪᖓ ᐅᖄᖃᑎᒌᓛᕐᓂᕋᕐᓯᒪᔪᑦ ᐃᓱᐊᕐᑐᓂᒃ ᐊᑯᓃᕐᑐᒨᓕᖓᓂᐊᕐᑐᓂᒃ ᐋᕐᕿᒍᑎᑦᓴᐅᒍᓐᓇᑐᓂᒃ ᐃᓅᒐᓱᐊᕐᓂᐅᑉ ᐊᑭᖓᓂᒃ ᐊᑭᑭᓪᓕᑎᕆᓯᒪᓂᕐᒧᑦ ᐱᓇᓱᐊᕈᑎᐅᒐᔭᕐᑐᓂ ᓄᓇᕕᒻᒥ ᐃᓂᓪᓓᒐᔭᕐᓱᑎᒃ


ᐊᓂᕐᕋᒥ ᐱᐅᒃᑯᑏᑦ ᐃᑯᒪᐅᑎᒨᕐᑐᑦ ᐊᒻᒪᓗ ᒪᙯᓯᐅᑎᑖᕈᑏᑦ
ᐊᓂᕐᕋᒥ ᐱᐅᒃᑯᑏᑦ ᐃᑯᒪᐅᑎᒨᕐᑐᑦ ᒪᙯᓯᐅᑏᑖᕈᑏᓪᓗ ᐃᑲᔪᕐᓯᒪᒍᑎᐅᓲᑦ ᐊᑭᑐᔪᓂᒃ ᐊᓂᕐᕋᒥ ᐱᐅᓕᓂᐊᒐᕆᔭᐅᒋᐊᓕᓐᓂᒃ ᐊᒻᒪᓗ ᒪᙯᓯᐅᑎᑖᕈᑎᓂᒃ ᐃᖏᕐᕋᐅᑎᓂᒃ ᐱᐅᒃᑯᑎᓂᓪᓗ.

 

 

Cost of living in Nunavik in 2016, revised and expanded research report (PDF)