ᑲᑎᕕᒃ ᓄᓇᓕᓕᒫᑦ ᑲᕙᒪᖓ

2015 ᓄᓇᕕᒻᒥ ᐃᓄᐃᑦ ᐅᖃᒻᒪᕆᐅᑎᖓ

ᐊᖏᕐᑕᐅᓚᐅᒃ

ᐊᕐᕌᕈᓕᒫᕐᓯᐅᑎᒥᒃ ᑲᑎᒪᓂᖃᕐᑎᓗᒋᑦ ᒪᑭᕝᕕᒃᑯᑦ

ᒫᑦᔨ 26, 2015

ᐸᕐᓇᓯᒪᐅᑎᒃ
PARNASIMAUTIK

2015 ᓄᓇᕕᒻᒥ ᐃᓄᐃᑦ ᐅᖃᒻᒪᕆᐅᑎᖓ

ᐅᐱᒋᔪᑦ, ᐃᑲᔪᕐᑎᒌᑦᑐᑦ ᐊᔪᐃᓐᓇᐅᔨᖃᑎᒌᑦᓱᑎᓗ

ᑐᑭᓯᓇᕐᑎᓯᒍᑎᖓ

ᐅᕙᒍᑦ, ᐃᓄᐃᑦ ᓄᓇᕕᒻᒥ, ᐊᑑᑎᒋᐊᕐᓯᒪᓕᕋᑦᑕ ᐊᕐᖁᑎᒋᓚᖓᔭᕗᓐᓂᒃ ᐅᑎᑦᓯᐊᕈᓐᓇᓯᒍᑎᑦᓴᓂᒃ ᓄᑭᒋᓯᒪᔭᑦᑎᓄᑦ ᐃᓅᖃᑎᒌᑎᒍᑦ. ᐸᕐᓇᓯᒪᐅᑎᒃ ᐊᑦᔨᖃᕐᓯᒪᒐᓂ ᐱᓇᓱᐊᕐᓂᐅᕗᖅ ᐊᐅᓚᑦᔮᑎᕆᓂᕐᒥᒃ ᐃᑲᔪᕐᑎᒌᓕᕐᓂᒥᓪᓗ ᓄᓇᓕᒻᒥ ᐊᒻᒪᓗ ᓄᓇᓕᓕᒫᓅᓕᖓᔪᓄᑦ ᐱᓇᓱᐊᕐᑕᐅᔪᓂᑦ. ᐊᑐᕐᓗᒍ, ᐊᔪᐃᓐᓇᐅᔨᓚᖓᕗᒍᑦ ᖃᐅᔨᒪᔭᐅᑎᑦᓯᒍᑎᓂᒃ ᐊᒻᒪᓗ ᑕᒪᓪᓚUᓕᑎᑦᓯᒍᑎᑦᓴᓂᒃ ᐊᑦᔨᖃᙱᑐᓂᒃ ᐃᓗᕐᕈᓯᑦᑎᓂᒃ, ᐅᖃᐅᓯᑦᑎᓂᒃ ᐊᒻᒪᓗ ᐃᓅᑦᔪᓯᑦᑎᓂᒃ, ᐋᕐᕿᒋᐊᕆᒍᑎᑦᓴᓕᐅᕐᓂᒥᒃ ᑮᓇᐅᔭᑎᒍᑦ-ᒪᑭᑕᒐᓱᐊᕐᓂᒧᑦ ᐃᓚᒌᓄᑦ ᓄᓇᓕᓐᓄᓗ ᖃᓄᐃᓕᖓᔪᒦᒍᑎᐅᔪᓂᒃ, ᐊᒻᒪᓗ ᐱᕈᕐᓭᓂᑦᑎᓂᒃ ᓯᕗᓂᕐᒥ ᓂᕆᐅᓐᓂᖃᑦᓯᐊᓂᕐᓴᐅᒍᑎᑦᓴᓂᒃ ᕿᑐᕐᖓᑎᓐᓄᑦ.

ᖃᐅᔨᒪᒐᑦᑕ ᓄᓇᕕᒃ ᐃᓚᐅᒻᒪᑦ ᐅᑭᐅᕐᑕᑐᒥᐅᓄᑦ, ᓄᓇᑐᔫᓂᖓ ᑯVᑉ ᑕᕐᕌᓕᒫᖓᑦ 55 ᐃᑳᖓᔫᑉ ᖁᓛᓃᑦᑐᖅ ᐃᒪᕐᐱᖁᑎᖓᓗ ᓯᕕᑐᔪᑲᓪᓚᒥᒃ ᐅᖓᓯᑦᑐᒨᕐᒥᓱᓂ, ᓄᓇᒋᔭᐅᑦᓱᓂᓗ 11,000 ᐅᖓᑖᓃᑦᑐᓄᑦ ᐃᓄᓐᓄᑦ ᓄᓇᓯᒪᔪᓄᑦ 14-ᓂᑦ ᓄᓇᓕᓐᓂ, ᓯᓵᓯᐱᒥ ᐊᒻᒪᓗ ᓯᕿᓂᕐᒥ ᖃᓪᓗᓈᑦ ᓄᓇᖏᓐᓂᑦ;

ᐃᕐᖃᐅᒪᑦᓯᐊᓱᑕ ᐃᓅᓯᒪᒐᑦᑕ ᐱᒍᓐᓇᓯᐊᒻᒪᕆᑦᓯᒪᑦᓱᑕᓗ ᓄᓇᕕᒻᒥ ᑕᐅᓴᓐᑎᓃᑦᑐᓂ ᐅᑭᐅᒐᓴᐅᓕᕐᑐᓂᑦ;

ᐊᐅᓚᔨᒐᑦᑕ ᓯᕐᓕᕿᒍᑎᖃᕐᓯᒪᓕᕋᑦᑕ ᐱᐅᓯᖃᑎᑦᓴᔭᕆᙱᑕᑦᑎᓄᑦ ᑎᑭᑕᐅᓚᐅᕐᓯᒪᓂᐅᑉ ᐊᕐᓱᕈᕐᓇᑑᒍᑎᐊᓗᖏᑦᑕ ᐊᐅᓚᑕᖏᓐᓄᑦ Uᒃᑯᐊᑎᑐᑦ ᐊᒥᓱᐃᑦ ᓄᓇᖃᖅᑳᓯᒪᔫᒻᒥᔪᐃ ᓄᓇᕐᔪᐊᒥ;

ᓱᕐᖁᐃᓯᒐᑦᑕ ᓄᑭᖃᕈᑎᕗᑦ ᐊᕐᓱᕈᕐᓇᑐᒦᑦᑎᑕᐅᒻᒪᑕ ᐅᓪᓗᒥᐅᓕᕐᑐᖅ ᓄᓇᕐᔪᐊᒥ ᖃᐅᔨᒪᔭᐅᑎᑦᓯᓗᑐᕆᐊᖃᓕᕆᐊᒥᓪᓗ ᐅᐱᒍᓱᒍᓐᓇᓂᑦᑎᓂᒃ ᖃᕝᕙᑎᕆᒋᐊᖃᓕᕐᓱᑕᓗ ᑕᒪᓪᓚUᓕᑎᑦᓯᒋᐊᖃᓕᕐᓱᑕ ᐊᑦᔨᖃᙱᑐᓂᒃ ᐃᓄᑐᐃᓐᓇᐅᓱᑕ ᐃᓗᕐᕈᓯᕗᓐᓂᒃ, ᐅᖃᐅᓯᕗᓐᓂᒃ ᐊᒻᒪᓗ ᑭᓇᐅᓂᑦᑎᓂ ᐃᓕᑕᕆᔭᐅᒍᓐᓇᕈᑎᕗᓐᓂᒃ.

ᓱᓕᓂᕃᑦᓱᑕ ᓄᓇᖃᖅᑳᓯᒪᔫᓂᕐᒧᑦ ᐊᒻᒪᓗ ᐊᖏᖃᑎᒌᒍᑎᒃᑰᑐᓄᑦ ᐱᔪᓐᓇᐅᑎᖃᕋᑦᑕ ᓴᐳᒻᒥᔭᐅᑦᓯᐊᑐᓂᒃ ᑲᓇᑕᐅᑉ ᐱᖁᔭᕐᔪᐊᖓ-ᓄᑦ, 1982 ᐃᓕᑕᕆᔭᐅᑦᓱᑕᓗ ᓄᓇᖃᖅᑳᓯᒪᔪᑦᓴᔭᐅᑦᓱᑕ ᐃᓅᒋᐊᑦᑕ ᓄᓇᓕᕐᔪᐊᖑᖃᑎᒌᓄᐊᖓᔪᓂᑦ ᐱᓇᓱᐊᕈᑎᐅᔪᓂᑦ;

ᐃᑉᐱᒍᓱᑦᓯᐊᓱᑕ ᐊᕐᖁᓯᐅᕐᓯᒪᓕᕐᑐᒍᑦ ᑎᑭᐅᑎᒍᑎᒋᓂᐊᕐᓱᒋᑦ ᓱᓇᒥᑦᓯᓂᐊᕐᑐᓂᒃ, ᐃᓘᓐᓀᓂᑦ ᐃᓚᐅᑎᑦᓯᓯᐊᕐᑐᓂᒃ, ᑲᔪᓯᑎᑕᐅᑦᓯᐊᕈᓐᓇᕕᓕᓐᓂᒃ ᐊᑦᔨᒌᑦᑎᓯᑦᓯᐊᓂᖃᕐᓗᑎᓗ ᐱᓇᓱᐊᕐᑕᐅᒍᓯᒋᓚᖓᔭᖏᓐᓂᒃ ᐱᐅᓯᓕᐅᒥᒋᐊᕐᑎᓯᓂᕐᒧᑦ ᐃᓅᓯᑦᑎᓂᒃ, ᓄᓇᓕᑦᑎᓂᒃ ᓄᓇᖁᑎᑦᑎᓂᓪᓗ;

ᐃᕐᖃᐅᒪᑦᓯᐊᓱᑕ ᐊᖏᖃᑎᒌᑦᓯᒪᒐᑦᑕ ᐱᓇᓱᐊᕐᓂᑯᑦ ᑐᙵᕕᒋᓚᖓᒋᐊᖏᑦ ᐸᕐᓇᓯᒪᐅᑎᒧᑦ ᐃᓄᓕᒫᕐᑎᓯᓂᕕᓂᐅᑉ ᑐᓴᕐᑎᓯᒍᑎᖓ, ᐸᕐᓇᓯᒪᐅᑎᓕᐊᖅ ᓄᓇᕕᒻᒧᑦ ᐊᓯᖏᓪᓗ ᑐᙵᕕᒋᔭᐅᑦᓱᑎᒃ ᐊᓪᓚᖁᑎᒋᔭᐅᒻᒥᔪᐃᑦ ᓇᓗᓀᔦᒍᑎᒋᓗᒋᑦ ᐱᒻᒪᕆᐅᓂᕐᐸᐅᓱᑎᒃ ᐱᓇᓱᐊᕐᑕᐅᒋᐊᓕᖁᑎᕗᓐᓂᒃ ᓯᕗᓪᓕᐸᐅᑦᔭᐅᒋᐊᓕᖁᑎᕗᓐᓂᓗ ᐊᒻᒪᓗ ᓱᕐᖁᐃᓗᒋᑦ ᖃᓄᐃᓕᖓᒍᓯᒋᓂᐊᕐᑕᖏᑦ ᑕᒪᒃᑯᐊ ᐱᕙᓪᓕᐊᑎᑕᐅᒍᓯᒋᓂᐊᕐᑕᖏᑦᑕ ᓄᓇᕕᒻᒥ ᓈᒻᒪᒋᔭᐅᒍᓐᓇᓯᒍᑎᒋᓂᐊᕐᑕᖏᑦ ᐅᕙᑦᑎᓄᑦ;

ᐅᖃᓪᓚᕆᑦᓱᑕ ᐱᓇᓱᐊᖃᑎᖃᕐᓂᕗᑦ ᑲᕙᒪᓂᒃ ᐱᓇᓱᐊᕐᓂᒪᕆᒃᑯᑦ ᐱᕙᓪᓕᐊᒍᒪᔪᓂᓪᓗ ᐋᕐᕿᓯᒪᕕᖃᕆᐊᖃᕐᒪᑕ ᐊᑦᔨᒌᑦᑎᓯᓂᖃᑦᓯᐊᓂᕐᒥᒃ ᓲᓱᒌᐅᑎᑦᓯᐊᓂᕐᒥᓗ ᑕᒪᓐᓇ ᐱᕙᓪᓕᐊᓂᖅ ᓄᓇᖁᑎᒋᔭᕐᒥ ᓵᙵᔭᖃᑦᓯᐊᑎᓚᖓᒧᑦ ᐱᐅᓯᒋᐊᕆᓂᕐᒥᒃ ᐃᓅᓯᑦᑕ ᖃᓄᐃᑦᑐᒦᓐᓂᖓᓂᒃ, ᐃᑲᔪᕐᓯᒪᑦᓯᐊᑎᓚᖓᒧᑦ ᓄᓇᓕᒻᒥᑦ ᐱᕙᓪᓕᐊᓂᕐᒥᒃ ᓄᐃᑎᕆᑦᓯᐊᓚᖓᑎᓪᓗᒍᓗ ᐊᔪᕐᓴᖏᓐᓂᒥᒃ ᓄᓇᖁᑎᑦᑎᓂ;

ᓱᓕᓂᕃᕗᒍᑦ ᐊᖏᕐᓯᒪᓂᑦᑎᓂᒃ ᐱᓇᓱᐊᓚᖓᓂᕐᒥᒃ ᐱᒻᒪᕆᐅᓂᕐᐸᐅᓱᑎᒃ ᐱᓇᓱᐊᕐᑕᒋᐊᓕᖁᑎᕗᓐᓂᒃ ᓯᕗᓪᓕᐸᐅᑦᔭᐅᒋᐊᓕᖁᑎᕗᓐᓂᓗ ᓇᓗᓀᕐᑕᐅᔪᓂᒃ ᐊᓪᓚᓯᒪᑦᓱᑎᒃ ᐸᕐᓇᓯᒪᐅᑎᒧᑦ ᐃᓄᓕᒫᕐᑎᓯᓂᕕᓂᐅᑉ ᑐᓴᕐᑎᓯᒍᑎᖓᓂ ᐸᕐᓇᓯᒪᐅᑎᓕᐊᖅ ᓄᓇᕕᒻᒧᑦ-ᒥᓗ, ᐱᑕᖃᕆᐊᖃᕐᓂᕃᒍᑎᖏᓐᓂᓗ ᓀᓪᓕᑎᕐᓯᒪᑦᓱᑎᒃ ᐃᒣᓕᔪᓂᒃ:

ᑭᓇᐅᓂᕗᑦ

  • ᐃᓄᑐᐃᓐᓇᐅᕗᒍᑦ, ᐃᓘᓐᓇᓯᐊᖓᒍᑦ ᐊᔪᐃᓐᓇᕆᐊᖃᕐᐳᒍᑦ ᐃᓗᕐᕈᓯᑦᑎᓂᒃ ᐅᖃᐅᓯᑦᑎᓂᓪᓗ ᐱᐅᓕᓂᐊᑦᓯᐊᕋᓱᐊᕐᓗᑕ ᓲᖑᔫᑎᑦᓯᐊᓗᒋᒃ ᐃᓅᓯᑦᑎᓂ, ᓄᓇᓕᑦᑎᓂ ᓄᓇᓕᓕᒫᑎᒍᓪᓗ;
  • ᕿᒥᕐᕈᔭᐅᒋᐊᓪᓚᓗᑎᒃ ᓄᓇᐅᑉ ᐊᐅᓚᑕᐅᓂᖓᓄᑦ ᒪᓕᒉᑦ ᐃᓱᒪᒋᔭᐅᑎᓪᓗᒋᑦ ᓄᓇᓕᐅᑉ ᑭᙴᒪᒋᔭᖏᑦ ᓯᕗᓂᕐᒥᓗ ᑭᙴᒪᒋᓛᕐᑕᖏᑦ ᐊᑑᑎᒋᐊᖃᓪᓚᕆᑉᐳᖅ. ᓄᓀᓪᓗ ᐊᕕᑦᑐᓯᒪᓂᕐᒦᑐᑦ ᐊᑕᐅᓯᕐᒥ ᒪᕐᕈᒥᓗ ᐊᖏᓕᒋᐊᕐᑕᐅᓗᑎᒃ, ᕿᒥᕐᕈᓗᑕᓗ ᓄᓇᐅᑉ ᐃᑭᐊᖓᓃᑦᑐᓂᒃ ᐱᒍᓐᓇᐅᑎᑖᕋᓱᐊᕐᓂᒥᒃ ᓄᓇᕕᒻᒥᐅᓄᑦ ᐃᓄᓐᓄᑦ ᓄᓇᓂ ᐊᕕᑦᑐᓯᒪᓂᕐᓃᑐᓂ ᐊᑕᐅᓯᕐᒥ, ᒪᕐᕈᒥ ᐱᖓᓱᒥᓗ, ᓄᓇᒥᒃ ᑎᒍᒥᐊᕐᑏᑦ ᓄᑭᑖᕐᑎᑕᐅᒋᐊᓪᓚᓗᑎᒃ, ᐊᒻᒪᓗ ᓲᖑᓯᑎᑦᓯᒋᐊᕐᓗᑕ ᓄᓇᐅᑉ ᐊᑐᕐᑕᐅᒍᑎᖏᓐᓂᒃ ᐊᐅᓚᑕᐅᒍᓯᒋᓲᖏᓐᓂᓗ ᓄᓇᓕᓕᒫᑎᒍᑦ ᓄᓇᓕᑦᑎᒍᓪᓗ ᐊᐅᓚᑦᓯᒍᓐᓇᐅᑏᑦ ᓄᓇᓂᒃ ᐊᕕᑦᑐᓯᒪᓂᕐᒥ ᐱᖓᓱᒦᑦᑐᓂ ᓇᒻᒥᓂᖅ ᒪᑭᑕᒍᓐᓇᓯᓂᕐᒧᑦ ᐱᑦᔪᑎᑦᓴᖃᑦᓯᐊᕈᓐᓇᓯᓂᕐᒧᑦ ᖃᓄᐃᙱᓯᐊᕐᓂᒧᓪᓗ;
  • ᐊᑕᐅᑦᓯᑰᕐᓗᑎᑦ, ᐆᒪᒐᓱᐊᕐᓂᑐᐃᓐᓇᒧᑦ ᐊᖑᓇᓱᐊᕐᓂᐅᑉ ᓯᕗᓪᓕᐅᑎᑕᐅᒋᐊᖃᕐᓂᖓ ᐊᓯᓕᒫᖏᓐᓂᑦ, ᓄᓇᖁᑎᒋᔦᑦ ᑐᙵᕕᐅᒍᓐᓇᑐᑦ ᓯᕕᑦᑐᕆᐊᕐᑕᐅᓯᒪᔪᑦ ᓄᓀᑦ ᐸᕐᓀᒍᑎᐅᓯᒪᓂᖏᑦᑕ ᐊᑐᕐᑕᐅᖃᑦᑕᓂᖏᓪᓗ ᑐᑭᑖᕐᑐᐃᔪᓂᑦ ᑖᒃᑯᓂᖓᑦᓇᖅ ᐅᓇᒻᒥᒋᔭᖃᓕᐅᑎᓕᕐᑐᓂᒃ ᑕᑯᑦᓴᐅᑎᑦᓯᒋᐊᓪᓚᐳᑦ ᐊᑐᕐᓂᖃᑦᓯᐊᑐᓂᒃ ᐱᓇᓲᑎᒋᔭᐅᒍᓐᓇᑐᓂᒃ ᓂᕿᑲᑦᓯᐊᕈᓐᓇᓂᖅ ᓂᕿᐅᑉ ᐱᐅᔫᒋᐊᖃᕐᓂᖓᓗ ᐱᓇᓱᐊᕐᑕᐅᒍᓐᓇᓯᐊᖁᓗᒋᑦ ᑲᔪᓯᑎᑕᐅᑦᓯᐊᕈᓐᓇᓚᖓᔪᑎᒍᑦ;

ᓄᓇᓕᕗᑦ

  • ᐅᑎᕐᕕᒋᒋᐊᖃᕋᑦᑎᒋᑦ ᓄᐃᑎᒋᐊᓪᓚᓗᒋᑦ ᐃᓚᒌᒍᓯᑎᒍᑦ ᐃᓪᓕᕆᑦᓱᒋᑦ ᑐᙵᕕᒋᓗᐊᙳᐊᑕᕗᑦ ᐱᐅᓯᑐᖃᕗᓪᓗ. ᐃᓚᒌᑦ ᑐᑭᖃᕐᒪᑦ ᐃᓚᒋᔭᐅᓂᕐᒥᒃ ᐃᓚᒌᑦᑐᓄᑦ ᑕᒪᓐᓇᓗ ᖃᓄᐃᑦᑐᓴᔭᐅᓂᑦᑎᓂᒃ ᑐᑭᓯᓇᕐᑎᓯᑦᓱᓂ. ᑐᑭᓯᔭᐅᒍᓐᓇᓗᑕ Uᓯᒋᐊᖃᕐᑐᒍᑦ ᑕᒪᒃᑯᓂᖓ ᐱᐅᓯᕆᑦᓱᒋᑦ ᑐᙵᕕᒋᔭᑦᑎᓂᒃ ᐱᐅᓯᑐᖃᑦᑎᓂᓪᓗ, ᐊᑐᕐᑎᓗᒋᓗ ᐊᓂᕐᕋᕗᓐᓂ ᓄᓇᓕᕗᓐᓂᓗ;
  • ᐱᑕᖃᕆᐊᖃᕐᑐᒍᑦ ᓱᓇᒥᑦᓯᒍᓐᓇᓯᐊᕐᑐᓂᒃ, ᓈᒻᒪᓯᐊᕐᑐᓂᒃ, ᐊᑭᑐᓗᐊᙱᑐᓂᒃ ᐊᑦᑕᓇᙱᑐᓂᒃ ᐃᓪᓗᓂᒃ. ᑲᒪᒋᔭᐅᒍᓯᖏᑦ ᓇᐅᓕᒫᓄᑦ ᐃᓪᓗᒋᔭᐅᓲ ᕿᒥᕐᕈᒋᐊᓪᓚᑕᐅᒋᐊᖃᓕᕐᑐᑦ ᐊᒻᒪᓗ ᒪᓐᓇ ᐃᓪᓗᐃᓂᐊᓗᐊᕐᓂᐊᓗᒃ ᐅᐃᒪᐅᑉᔭᐅᓗᓂ ᑌᒣᓕᖓᒍᓐᓀᑎᑕᐅᒋᐊᖃᓕᕐᓱᓂ, ᑕᒪᓐᓇ ᐃᒣᓕᖓᒻᒪᑦ ᐱᑦᔪᑎᒋᔭᐅᓪᓚᕆᒻᒪᑦ ᐊᒥᓱᓄᑦ ᐃᓅᖃᑎᒌᓅᓕᖓᔪᓄᑦ ᐊᒻᒪᓗ ᖃᓄᐃᙱᓯᐊᕐᓂᒨᓕᖓᔪᓄᑦ ᐱᓀᓗᑕᕐᓄᑦ ᐊᒻᒪᓗ, Uᒫᑦᓭᓇᖅ, ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᐅᑏᑦ ᓄᓇᕕᐅᑉ ᐃᓄᖏᑦᑕ ᐊᑑᑎᓪᓗᑐᕐᑕᖏᓐᓅᓕᖓᑎᑕᐅᓯᒪᔪᑦ ᓲᖑᓯᒋᐊᕐᑕᐅᒋᐊᖃᕐᓱᑎᒃ;
  • ᐊᒥᓲᕗᑦ ᐃᓚᒌᖑᓈᕐᑎᓱᑎᑦ ᐃᓅᔪᐃᑦ ᐊᔪᕐᓴᒪᕆᓐᓂᒦᑦᓱᑎᒃ. ᐊᑭᑐᔪᕐᒥᐅᖑᓂᖅ ᐃᓅᒐᓱᐊᕐᓱᓂ ᐊᖑᓇᓱᒐᓱᐊᕐᓱᓂᓗ ᑲᑎᕐᓱᒍᑎᖃᕐᓱᓂ ᐱᓇᓱᒐᑦᓴᖃᙱᓚᕆᓐᓂᒥᒃ ᐱᓇᓱᐊᕐᑕᐅᓴᐅᑎᒋᒋᐊᖃᓕᕐᑐᖅ;
  • ᐱᕙᓪᓖᓚᕆᓚᖓᔪᒥᒃ ᑮᓇᐅᔭᕐᑕᓯᔭᐅᓗᓂ ᐃᓕᓐᓂᐊᓂᖅ ᓄᒃᑭᑎᕆᒍᑎᐅᒋᐊᓪᓚᓚᖓᔪᖅ ᐱᔪᓐᓇᕈᑎᖏᓐᓂᒃ ᓄᓇᕕᐅᑉ ᐃᓄᖏᑦᑕ. ᐃᓄᐃᑦ ᐃᓕᓐᓂᐊᓯᒪᔫᙱᑑᕐᖃᔭᙱᒪᑕ ᐃᓂᓯᑦᓯᐊᕈᓐᓇᓂᐊᑐᐊᕈᑦᑕ ᐃᓂᒋᒋᐊᓕᑐᖃᕗᓐᓂᒃ ᐊᓯᑦᔨUᓐᓇᓕᒫᕐᑐᒥ ᓄᓇᕐᔪᐊᒥ, ᓄᓇᓕᒻᒥ ᓄᓇᓕᓕᒫᑎᒍᓪᓗ ᑮᓇᐅᔭᓕᐅᕋᓱᐊᕈᑎᐅᔪᓂ ᐊᒻᒪᓗ ᖃᓄᐃᙱᓯᐊᕐᓂᓴᓂᒃ ᐱᑦᔪᑎᖃᑦᓯᐊᓂᕐᓴᓂᒃ ᐃᓅᓯᖃᕈᓐᓇᓯᓂᐊᑐᐊᕈᑦᑕ;
  • ᐅᑎᕐᑕᐅᔭᒍᑎᐅᖃᑦᑕᑐᐃᑦ ᐱᓀᓗᑕᕆᔭᐅᑦᓱᑎᒃ ᐃᓚᒌᓂᑦ ᓄᓇᓕᓐᓂᓗ ᐲᕐᖃᔦᙱᐅᒪᔫᔮᓕᕐᓱᑎᒃ ᑭᑦᑐᕋᕐᑎᑕᐅᒍᓐᓇᒪᑕ ᐱᑕᖃᕐᑎᑕᐅᒋᐊᓪᓚᓂᖏᑎᒍᑦ ᐱᖁᔭᖃᕐᓂᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓗ ᐱᑦᔪᔨᒍᑎᓂᒃ ᓄᓇᕕᐅᑉ ᐃᓄᖏᑦᑕ ᐊᑑᑎᓪᓗᑐᕐᑕᖏᓐᓅᓕᖓᑎᑕᐅᓕᕆᐊᕐᓯᒪᔪᓂᒃ. ᐃᓄᑑᓈᕐᑎᑐᑦ ᐃᓄᐃᑦ, ᐃᓚᒌᑦ, ᓄᓇᓖᑦ, ᓄᓇᓕᓕᒫᓅᓕᖓᔪᐃᑦ ᑎᒥᐅᔪᐃᑦ ᐊᒻᒪᓗ ᑲᕙᒣᑦ ᐃᓘᓐᓇᑎᒃ ᐊᑐᓂ ᐱᒻᒪᕆᐅᓈᕐᑎᑐᓂᒃ ᐱᔭᑦᓴᖃᕐᐳᑦ;
  • ᓄᓇᓕᒻᒥ ᑎᒥᐅᔪᐃᑦ, ᑲᑎᙵᔨᐅᕖᑦ, ᐱᓇᓱᐊᖃᑎᒌᑦᑐᐃᑦ ᐃᓄᑑᓈᕐᑎᑐᐃᓪᓗ ᐃᓄᐃᑦ ᓱᕐᖁᐃᓯᒻᒪᑕ ᐱᓇᓱᒍᑎᑦᓴᒥᓂᒃ ᑲᑐᑦᔨᖃᑎᒌᒍᑎᖃᕆᐊᖃᓕᕆᐊᒥᓂᒃ ᐊᒻᒪᓗ ᐱᓇᓱᐊᖃᑎᒌᓕᕐᓗᑎᓗ ᑎᑭᐅᑎᒋᐊᓕᒻᒥᓄᑦ ᓇᒻᒥᓂᖅ ᐋᕐᕿᓱᕐᓯᒪᓕᕐᑕᒥᓄᑦ. ᐊᑐᓂ ᓄᓇᓖᑦ ᐱᑕᖃᓪᓗᑐᕆᐊᓕᓐᓂᒃ ᐱᓇᓲᑎᑦᓴᐅᓚᖓᔪᓂᒃ ᐱᑕᖃᕐᒪᑕ ᐋᕐᕿᓱᕐᓯᒪᖃᑎᒌᑦᑎᑕᐅᒋᐊᖃᓚᖓᔪᓂᒃ. ᓄᓇᓕᒻᒥ ᐸᕐᓇᓯᒪᐅᑎᐅᑉ ᐱᓇᓱᐊᕐᑕᐅᒍᓯᖓ, ᑐᙵᕕᖃᕐᓱᓂ ᐃᑲᔪᕐᑎᒌᓐᓂᒥᒃ, ᒪᑭᑕᒋᐊᑦᓯᐊᓂᕐᒥᒃ ᐊᒻᒪᓗ ᓄᓇᓕᒻᒥᑦ ᐊᐅᓚᑦᓯᕕᖃᕐᓂᕐᒥᒃ, ᐊᐅᓚᑦᓯᒍᓯᐅᖃᑦᑕᕆᐊᖃᓪᓚᕆᓚᖓᔪᖅ ᑐᑭᑖᕐᑕᐅᒋᐊᓕᓐᓄᑦ, ᐋᕐᕿᓱᐃᒍᑎᐅᒋᐊᓕᓐᓄᑦ ᐊᒻᒪᓗ ᐱᓂᐊᕐᓂᑕᕆᔭᐅᒋᐊᓖᑦ ᑐᑭᓯᓇᕐᑎᑕᐅᒍᑎᒋᒋᐊᓕᖏᓐᓄᑦ;
  • ᑮᓇᐅᔭᑎᒍᑦ ᐱᕙᓪᓕᐊᓂᖅ ᐱᓇᓱᒐᑦᓴᖃᕐᓂᓗ ᓄᓇᓕᓐᓂᑦ ᓄᓇᕕᐅᑉ ᐃᓄᖏᓐᓄᑦ ᐱᓇᓱᐊᕐᑕᐅᔪᓂᑦ ᓯᕗᓪᓕᐸᐅᑦᔭᐅᒋᐊᖃᕐᐳᑦ;

ᓄᓇᕗᑦ

  • ᐱᓇᓱᒉᑦ ᖄᖏᕐᓂᑯᓕᐅᕋᓱᐊᕐᓃᓗ ᐱᕈᕐᕕᓴᖃᕐᐳᑦ ᓄᓇᓕᓕᒫᓂᑦ ᐅᔭᕋᓐᓂᐊᑐᑦ, ᓂᐅᕐᕈᑐᓕᕆᔪᑦ ᐊᒻᒪᓗ ᓇᐅᓕᒫᓄᐊᖓᔪᓂᑦ ᐱᒍᑦᔨᔪᑦ ᐱᓇᓱᐊᕐᑕᐅᕕᖏᓐᓂᑦ. ᐃᓚᐅᒍᓐᓇᕕᖃᕈᑎᑦᓭᑦ ᑕᒪᒃᑯᓇᓂ ᐱᕕᑦᓴᐅᓕᕐᑐᓂᑦ ᓄᓇᕕᒻᒥ ᐃᓄᖏᓐᓄᑦ ᐱᑕᖃᕆᐊᖃᓚᖓᕗᑦ ᓯᕗᓂ-ᒋᐊᒃᑲᓂᕐᒨᑐᓂᒃ, ᐱᑕᙯᓐᓇᑎᑕᐅᔪᓂᒃ ᐃᓕᓐᓂᐊᑎᑦᓯᓂᒃᑯᑦ ᐊᔪᐃᓐᓇᐅᔨᓂᕐᓂᒃ ᐱᑐᑦᑎᕆᒍᑎᐅᑎᓪᓗᒋᑦ ᐃᓕᓐᓂᐊᓂᓕᕆᓂᕐᒥ ᐱᓇᓱᐊᕐᑕᐅᔪᓄᑦ, ᐱᓇᓱᒐᓕᕆᓂᕐᒧᑦ ᐃᓕᓐᓂᐊᑎᑕᐅᓂᖏᓐᓄᓗ ᐱᓇᓱᐊᕐᑕᐅᔪᓄᑦ, ᐊᒻᒪᓗ ᐱᓇᓱᑦᑎᓄᑦ ᖄᖏᕐᓂᑯᓕᐅᕋᓱᑦᑐᓄᓪᓗ;
  • ᐱᑐᑦᑕᐅᓂᖅ ᐃᑯᒪᓕᐅᕈᑎᒻᒪᕇᑦ ᐱᑐᑦᓯᒪᕕᖏᓐᓄᑦ ᓄᑖᓪᓗ ᓄᐃᕙᓪᓕᐊᔪᐃᑦ ᐃᑯᒪᓕᐅᕈᓰᑦ, ᐃᖏᕐᕋᐅᑎᖃᕐᓂᖅ ᐊᒻᒪᓗ ᑐᓴᐅᒪᖃᑎᒌᒍᑏᑦ ᖃᓄᐃᓘᕐᐸᓕᐊᓂᐅᓚᖓᔪᓄᑦ ᐃᓱᒫᓗᒋᒐᑦᓴᐅᕗᑦ ᓯᕗᓂᕐᒥ ᓄᓇᓕᐅᑉ ᐱᓇᓱᐊᕐᓂᒪᕆᐅᓪᓗ ᐱᕙᓪᓕᐊᓂᕆᓚᖓᔭᖏᓐᓄᑦ. ᐱᓇᓱᐊᕐᑕᐅᒋᐊᖃᓚᖓᕗᑦ ᑕᒪᒃᑯᐊ Uᒫᑦᓭᓇᖅ ᐊᑕᐅᑦᓯᑯᑦ ᐱᑕᙯᓐᓇᑎᒻᒥᓗᒋᑦ ᐊᓯᐅᑐᐃᓐᓇᑎᑦᓯᒌᒃᑯᑎᑦᓭᑦ, ᑖᕗᖓᒋᐊᒃᑲᓂᖅ ᐆᒪᒐᓱᐊᕐᓂᒧᑦ ᓯᕗᓂᕐᒥᒃ ᐆᒪᔪᕐᓂᐊᕋᑦᓴᙯᓐᓇᕈᑎᑦᓭᑦ ᓂᕿᖃᓯᐊᕈᓐᓇᓂᖅ ᓂᕿᐅᑉ ᐱᐅᔫᓂᖓᓗ ᐃᓘᓐᓇᖏᓐᓂᑦ ᓄᓇᓕᑦᑎᓂᑦ;
  • ᐅᓪᓗᒥ ᐊᕐᓱᕈᕐᓇᑐᐃᑦ, ᐃᓚᒋᔭᐅᑎᓪᓗᒍ ᓯᓚᐅᑉ ᐊᓯᑦᔩᕙᓪᓕᐊᓂᖓ, ᓄᑖᓄᑦ ᐱᕙᓪᓕᐊᔪᓄᑦ ᐊᔭᐅᕐᑐᑕᐅᒍᑏᑦ, ᐊᒻᒪᓗ ᐃᓅᓱᑦᑑᓱᑎᒃ, ᓱᑲᑦᑐᒥᒃ ᐊᒥᓱᙳᕙᓪᓕᐊᔪᒻᒪᕆᐅᑦᓱᑎᒃ ᐃᓅᖃᑎᒌᑦ ᐱᑕᖃᕆᐊᖃᕐᑎᓯᓕᕐᒪᑕ ᐃᓱᒪᑦᓴᓯᐅᕈᑕᐅᓯᒪᑦᓯᐊᑐᓂᒃ ᐸᕐᓀᕆᓂᕐᓂᒃ. ᐱᒍᓐᓇᓯᐊᕐᑕᖏᑦ ᑐᑭᓯᒪᔭᖏᓪᓗ ᐃᓘᓐᓀᑕ ᐱᓇᓱᐊᖃᑎᒌᑦᑐᐃᑦ ᐊᑐᑦᓯᐊᑕᐅᒋᐊᖃᕐᐳᑦ ᓄᐃᑎᕆᒍᑎᐅᓗᑎᒃ ᐸᕐᓀᕆᒍᑎᓄᑦ ᐱᓇᓲᑎᐅᓂᐊᕐᑐᓂᒃ ᐃᒫᒃ ᐆᒪᔪᕐᓂᐊᕈᓐᓇᓂᖅ ᐃᓅᒐᓱᐊᕐᓂᒧᑦ ᓯᕗᓂᕐᒥᒃ ᐱᐅᓯᕆᔭᐅᒍᓐᓇᖏᓐᓇᓂᐊᕐᑎᓗᒍ ᐃᒫᓪᓗ ᐱᕙᓪᓕᐊᓃᑦ ᓄᐃᑎᕆᓪᓚᕆᑦᑎᓗᒋᑦ ᓱᕐᖁᐃᑐᓂᒃ ᐱᑕᙯᓐᓇᓚᖓᔪᓂᓪᓗ ᓄᓇᕕᒻᒥ ᐃᓄᐃᑦ ᓄᓇᓕᓕᒫᓪᓗ ᐱᕙᓪᓕᖁᑎᑦᓴᖏᓐᓂᒃ;
  • ᐃᓘᓐᓇᖏᑦ ᐃᓚᐅᑦᓯᐊᑎᓪᓗᒋᑦ ᐸᕐᓀᑐᖃᕆᐊᓕᒃ ᐊᐅᓚᑦᓯᔨᐅᕕᖃᕐᑎᓯᒍᑎᐅᔪᓕᒫᑦ ᓄᐃᑕᐅᓯᒪᔪᑦ ᔦᒻᔅ ᐊᒻᒪᓗ ᑯVᒃ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ ᐊᒻᒪᓗ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓄᑦ ᐱᓇᓱᐊᖃᑎᒌᒍᓐᓇᖁᓗᒋᑦ ᓴᐳᒻᒥᓯᒪᓂᕐᒥᒃ ᖃᐅᔨᒪᔭᐅᑎᑦᓯᓂᕐᒥᓗ ᐱᔪᓐᓇᐅᑎᒋᒌᕐᑕᕗᓐᓂᒃ ᐱᓇᓱᐊᕈᒪᔭᕗᓐᓂᓗ ᓄᓇᖁᑎᑦᑎᓂᑦ ᐃᓘᓐᓇᖓᓂᑦ.

ᐊᖏᕐᐳᒍᑦ ᐃᒣᓕᖓᔪᒥᒃ:

  • ᐱᓇᓱᐊᑦᓯᐊᒪᕆᓪᓗᒋᑦ ᐃᓘᓐᓇᖏᑦ ᑎᑭᐅᑎᒍᑎᐅᓚᖓᔪᐃᑦ ᐱᐅᓯᒋᐊᕆᓂᕐᒥᒃ ᖃᓄᐃᙱᓯᐊᕈᑎᑦᑎᓂᒃ ᒪᓕᑦᓱᒋᑦ ᐃᓗᕐᕈᓯᕗᑦ, ᐅᖃᐅᓯᕗᑦ ᐃᓅᑦᔪᓯᕗᓪᓗ;
  • ᑲᔪᓯᓗᒋᑦ ᐃᑲᔪᕐᓯᓃᑦ ᐱᑕᖃᕐᑎᓯᒍᑏᓪᓗ ᐃᓅᓱᑦᑐᕗᓐᓂᒃ ᐱᔪᓐᓇᕆᐊᓕᖏᓐᓂᒃ ᐃᓅᓯᕐᒥᓂᒃ ᑲᔪᓯᑦᓯᐊᕈᓐᓇᐅᑎᒋᓗᒋᑦ ᐅᓪᓗᒥ ᐱᐅᓯᐅᓕᕐᑐᓂ ᓄᓇᕐᔪᐊᒥ ᐃᓄᑐᐃᓐᓇᐅᒋᐊᒥᒃ ᐅᐱᒋᓂᖃᕐᓗᑎᒃ;
  • ᐊᑦᑕᓀᓪᓕᑎᓗᒋᑦ ᓯᕕᑐᓂᕐᓴᒥᒃ ᓈᒻᒪᓯᐊᕐᑐᒥᓪᓗ ᓄᓇᒥᒃ ᑐᙵᕕᖃᕈᑏᑦ ᐃᓅᒐᓱᐊᕐᓂᒧᑦ ᐆᒪᔪᕐᓂᐊᓂᒃᑯᑦ ᐱᓇᓱᐊᓲᑦᑎᓄᑦ ᓄᓇᓕᑦᑕᓗ ᐱᕙᓪᓕᐊᑎᑕᐅᒍᑎᑦᓴᖏᓐᓄᑦ;
  • ᓄᐃᑦᓯᒋᐊᒥᒃ ᓄᑖᒥᒃ ᐊᐅᓚᑦᓯᓂᖃᕈᓰᑦ ᐋᕐᕿᓱᕐᓯᒪᒍᓯᖓᓂᒃ ᓄᓇᕕᒻᒥ ᐱᑕᖃᕐᑎᓯᔪᒥᒃ ᑭᙴᒪᒋᔭᑦᑎᓂᒃ ᓄᓇᕕᒻᒥᐅᖑᑦᓱᑕ ᐃᓅᑦᓱᑕ, ᐃᓄᒋᔭᐅᑦᓱᑕ ᑯVᒻᒥ ᑲᓇᑕᒥᓪᓗ, ᐊᒻᒪᓗ ᓄᓇᖃᖅᑳᓯᒪᔫᓂᕐᒥᒃ ᐃᓕᑕᕆᔭᐅᑦᓱᑕ ᓄᓇᓕᕐᔪᐊᖑᖃᑎᒌᑦᑐᑦ ᐱᓇᓱᐊᕐᓂᖏᓐᓂᑦ;
  • ᐃᑲᔪᕆᐊᒥᒃ ᐱᓇᓱᐊᕐᓂᒪᕆᓐᓂᒃ ᐱᕙᓪᓕᐊᔪᓂᒃ ᑲᔪᓯᐅᑦᔭᐅᒍᓐᓇᓯᐊᑐᐊᕐᐸᑕ ᐅᕙᑦᑎᓂᒃ ᐊᑦᔨᒌᑦᑎᓯᓂᖃᕐᓂᐊᑐᐊᕐᐸᑕᓗ ᑭᓯᐊᓂ, ᐊᒻᒪᓗ ᓲᓱᒋᔭᖃᑦᓯᐊᑐᐊᕐᐸᑦ ᑭᓯᐊᓂ ᐃᓘᓐᓇᖏᓐᓂᒃ ᐊᕙᑎᓕᕆᓂᕐᒨᓕᖓᔪᑦ ᐃᓅᖃᑎᒌᓅᓕᖓᔪᓪᓗ ᓴᐳᒻᒥᔭᐅᒍᑎᖏᑦᑕ ᐊᐅᓚᑦᓯᒍᑎᐅᑦᓱᑎᒃ ᒪᓕᒐᖏᓐᓂᒃ ᓄᐃᑕᐅᓯᒪᑦᓱᑎᒃ ᓄᓇᑖᕈᑎᒋᑦᓱᒋᑦ ᐊᖏᖃᑎᒌᒍᑎᒋᓯᒪᔭᑦᑎᓄᑦ, ᐱᖁᔭᕐᓄᑦ ᒪᓕᒐᓕᐊᖑᓯᒪᔪᓄᓪᓗ;
  • ᓄᑭᖃᕋᑦᑕ ᐃᑲᔪᕐᑎᒌᒍᑎᖃᕐᓂᒥᒃ. ᐸᕐᓇᓯᒪᐅᑎᓕᕆᔩᑦ, ᐅᑯᓇᙵᑦ ᐱᓯᒪᓗᑎᒃ ᒪᑭᕝᕕᒃ ᑯᐊᐳᕇᓴᓐ, ᓄᓇᕕᒃ ᓄᓇᓕᓕᒫᑦ ᑲᑎᒪᔨᖏᑦ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᓂᕐᓄᑦ, ᑲᑎᕕᒃ ᐃᓕᓐᓂᐊᓂᓕᕆᓂᖅ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᓄᓇᒥ ᑎᒍᒥᐊᕐᑏᑦ ᑲᑐᑦᔨᖃᑎᒌᓐᓂᖓ, ᐊᕙᑕᖅ ᐱᐅᓯᑐᖃᓕᕆᕕᒃ ᐊᒻᒪᓗ ᓄᓇᕕᒻᒥ ᐅᕕᒐᕐᑐᐃᑦ ᑲᑐᑦᔨᖃᑎᒌᓐᓂᖓ, ᓄᐃᑕᐅᓛᕐᑐᑦ ᐃᑲᔪᕐᑎᒌᓛᕐᓗᑎᒃ ᓄᐃᑎᕆᕙᓪᓕᐊᓗᑎᓗ ᐋᕐᕿᓱᐃᒍᑎᑦᓴᓂᒃ ᐃᓘᓐᓇᑕ ᐊᕐᓱᕈᕐᓇᑐᒦᒍᑎᒋᖃᑦᑕᑕᕗᓐᓂᒃ ᓄᓇᓕᓕᒫᑎᒍᑦ ᓄᓇᓕᑦᑎᒍᓪᓗ.
  • ᒪᑭᕝᕕᒃ ᑎᓕᔭᐅᒍᑎᖃᕐᓯᒪᒻᒪᑦ ᐱᓇᓱᐊᓚᖓᓗᓂ ᖃᓄᐃᓘᕐᓂᐅᓚᖓᔪᓂᒃ ᐊᖏᖃᑎᖃᕋᓱᐊᕐᓂᒧᑦ ᑯVᒻᒥᒃ ᑲᓇᑕᒥᓪᓗ ᐱᓇᓱᐊᕐᓂᐅᓚᖓᔪᓄᑦ ᐃᑲᔪᕐᑕᐅᓗᑎᒃ ᐊᔪᕿᒋᐊᕐᑕᐅᖃᑦᑕᓗᑎᓗ ᐸᕐᓇᓯᒪᐅᑎᓕᕆᔨᓄᑦ ᐱᓇᓱᐊᕐᓗᑎᒃ ᐱᒻᒪᕆᐅᓂᕐᐸᐅᓱᑎᒃ ᐱᓇᓱᐊᕐᑕᐅᒋᐊᓕᖁᑎᑦᑎᓂᒃ ᓯᕗᓪᓕᐸᐅᑦᔭᐅᒋᐊᓕᖁᑎᑦᑎᓂᓗ. ᐊᖏᖃᑎᒌᒐᓱᐊᕐᓃᑦ ᓯᕗᓕᕐᑕᐅᓚᖓᔪᑦ ᒪᑭᕝᕕᒧᑦ, ᑭᒡᒐᑐᕐᓗᓂ ᓄᓇᕕᐅᑉ ᐃᓄᖏᓐᓂᒃ, ᐃᓚᐅᕕᖃᕐᑎᓗᒋᑦ ᑎᒥᐅᔪᖁᑎᕗᑦ ᒪᓕᓪᓗᑎᒃ ᐊᑐᓂ ᑎᓕᔭᐅᒪᒍᑎᒥᓂᒃ ᑲᒪᒋᔭᕆᒋᐊᓕᒻᒥᓂᓪᓗ.
  • ᒪᑭᕝᕕᒃ, ᓄᓇᕕᐅᑉ ᐃᓄᖏᓐᓂᒃ ᑎᒥᐅᔪᖁᑎᑦᑎᓐᓂᓗ ᓇᓪᓕᐅᑎᑦᑕᓯᐊᕐᑐᑎᒍᑦ ᑐᓴᐅᒪᑎᑦᓯᓂᖃᖃᑦᑕᓚᖓᔪᖅ.


2015 ᓄᓇᕕᒻᒥ ᐃᓄᐃᑦ ᐅᖃᒻᒪᕆᐅᑎᖓ

ᐅᖃᒻᒪᕆᐅᑎᖓ

2014 ᐃᓄᓕᒫᕐᑎᓯᓂᕕᓂᐅᑉ ᑐᓴᕐᑎᓯᐅᑎᖓ

ᓀᓪᓕᑎᕐᓯᒪᔪᒥᒃ ᑐᓴᕐᑎᓯᒍᑎ
ᐸᕐᓇᓯᒪᐅᑎᒧᑦ ᐃᓄᓕᒫᕐᑎᓯᓂᕕᓂᐅᑉ ᑐᓴᕐᑎᓯᐅᑎᖓ
ᓄᓇᕕᒻᒥ ᐱᓇᓱᐊᕐᓂᐅᔪᓄᑦ ᐊᓪᓚᑕᐅᓯᒪᐅᑏᑦ

2013 ᓱᓀᑦ ᐅᖃᕐᑕᐅᓚᐅᔪᓂᖏᑦ

ᐊᑯᓕᕕᒃ, 2013
ᑲᖏᕐᓱᐊᓗᑦᔪᐊᖅ, 2013
ᐃᕗᔨᕕᒃ, 2013
ᑕᓯᐅᔭᖅ, 2013
ᑰᑦᔪᐊᕌᐱᒃ, 2013
ᐳᕕᕐᓂᑐᖅ, 2013
ᑲᖏᕐᓱᔪᐊᖅ, 2013
ᑲᖏᕐᓱᒃ, 2013
ᐊᐅᐸᓗᒃ, 2013
ᖁᐊᕐᑕᖅ, 2013
ᐃᓄᒃᔪᐊᖅ, 2013
ᓴᓪᓗᐃᑦ, 2013
ᑰᑦᔪᐊᖅ, 2013
ᐅᒥᐅᔭᖅ, 2013
ᒪᓐᑐᔨᐊᓪᓚ, 2013
ᓯᓵᓯᐱ (ᒣᓚᓯᒃᑯᑦ), 2013

2013 ᓄᓇᓕᓐᓂ ᑲᑎᒪᓃᑦ

ᑐᑭᒧᐊᒍᑎᖓ
ᑐᑭᓯᓇᕐᑎᓯᕐᕐᑳᕈᑏᑦ
ᑭᓇᐅᓂᕗᑦ
ᓄᓇᓕᕗᑦ
ᓄᓇᖁᑎᕗᑦ
ᐊᒡᒍᕈᑎᖏᑦ ᑯᐯᒃᑯᑦ ᑲᕙᒪᖓᑕ ᑮᓇᐅᔭᕐᑑᑎᖏᓐᓄᑦ (ᐊᑭᓐᓇᒥᐅᑕᖅ)
ᐅᔭᕋᓐᓂᐊᓂᖅ: ᕿᓂᕐᓂᒥᒃ ᐱᒋᐊᕐᓱᒍ ᐅᔭᕋᓐᓂᐊᓂᕐᒧᑦ ᑎᑭᑦᓱᒍ (ᐊᑭᓐᓇᒥᐅᑕᖅ)
ᐊᕙᑎᒨᓕᖓᔪᓂᒃ ᕿᒥᕐᕈᓂᐅᑉ ᐱᕐᖁᓯᖓ (ᐊᑭᓐᓇᒥᐅᑕᖅ)
ᖃᓄᐃᓘᕐᑎᐅᓂᖏᑦ ᑲᒪᒋᒋᐊᓕᖏᓪᓗ (ᐊᑭᓐᓇᒥᐅᑕᖅ)
ᐅᑭᐅ ᕐᑕᑐᒥᐱᑐᑦᓯᒪᐅᑎᕕᐅᑉ ᑫᒥᒍᒪᔭ (ᐊᑭᓐᓇᒥᐅᑕᖅ)
ᐱᕙᓪᓕᐊᒍᑎᓂᒃ ᐱᓇᓱᓐᓃᑦ ᓄᓇᕕᒻᒥ ᐊᒻᒪᓗ ᑯᐯᒃ ᓄᓇᓕᒫᖓᓂ (ᓄᓇᙳᐊᖅ)
ᒥᕐᖑᐃᓯᕐᕖᑦ ᐊᒻᒪᓗ ᓴᐳᑦᔭᐅᒪᔪᑦ ᓄᓀᑦ ᓄᓇᕕᒻᒥ ᐊᒻᒪᓗ ᑯᐯᒃ ᓄᓇᓕᒫᖓᓂ (ᓄᓇᙳᐊᖅ)

2013 ᑲᒪᒍᑎᐅᑉ ᒥᑦᓵᓄᑦ ᖃᐅᔨᒪᔭᑦᓭᑦ

1: ᑭᓇᐅᓂᕗᑦ - ᐃᓗᕐᕈᓯᖅ ᓇᓗᓀᕐᑕᐅᒪᒍᓯᕐᓗ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
2: ᑭᓇᐅᓂᕗᑦ - ᓂᕿᑦᓴᓯᐅᕐᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
3: ᑭᓇᐅᓂᕗᑦ - ᓄᓇᖁᑎᒋᔦᑦ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
4: ᑭᓇᐅᓂᕗᑦ - ᐊᕙᑎᓅᓕᖓᔪᑦ ᓄᓇᖁᑎᓅᓕᖓᔪᓪᓗ ᐸᕐᓇᑕᐅᓯᒪᓂᖏᑦ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
5A: ᓄᓇᓕᕗᑦ - ᐃᓄᑐᙯᑦ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
5B: ᓄᓇᓕᕗᑦ - ᐃᓄᐃᑦ ᐊᕐᓀᑦ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
5C: ᓄᓇᓕᕗᑦ - ᐅᕕᒃᑫᑦ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
6: ᓄᓇᓕᕗᑦ - ᐃᓕᓐᓂᐊᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
7: ᓄᓇᓕᕗᑦ - ᐃᓗᓯᓕᕆᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
8: ᓄᓇᓕᕗᑦ - ᐃᓪᓗᖃᕐᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
9: ᓄᓇᓕᕗᑦ - ᐃᕐᖃᑐᐃᕕᓕᕆᓂᖅ ᐃᓅᖃᑎᒌᓪᓗ ᒪᓕᒐᖏᑦ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
10: ᓄᓇᓕᕗᑦ - ᓄᓇᓖᑦ ᐱᕙᓪᓕᐊᑎᑕᐅᓂᖓ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
11: ᓄᓇᓕᕗᑦ - ᓂᕿᓕᕆᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
12: ᓄᓇᓕᕗᑦ - ᐱᓇᓱᒐᑦᓴᓕᕆᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
13: ᓄᓇᖁᑎᕗᑦ - ᓂᐅᕐᕈᑐᓕᕆᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
14: ᓄᓇᖁᑎᕗᑦ - ᐅᔭᕋᓐᓂᐊᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
15: ᓄᓇᖁᑎᕗᑦ - ᐃᑯᒪᓕᐅᕐᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
16: ᓄᓇᖁᑎᕗᑦ - ᐃᖏᕐᕋᐅᑎᓕᕆᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)
17: ᓄᓇᖁᑎᕗᑦ - ᑐᓴᕈᑎᓕᕆᓂᖅ (ᐃᓄᒃᑎᑐᑦ ᓂᐱᓕᐅᕐᓯᒪᔪᖅ)

2010 ᐸᕐᓇᓯᒪᐅᑎᓕᐊᕐᒃ ᓄᓇᕕᒻᒧᑦ

ᐸᕐᓇᓯᒪᐅᑎᓕᐊᕐᒃ ᓄᓇᕕᒻᒧᑦ
ᐃᓚᕐᖁᐊᖅ 1: ᐊᖏᖃᑎᒌᒍᑏᑦ, ᖃᓄᐃᓕᒍᑎᐅᓯᒪᔪᑦ ᐱᕙᓪᓕᐊᔭᐅᓯᒪᔪᐃᓪᓗ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᒍᑎᖓ ᐊᑎᓕᐅᕐᑕᐅᓚᕐᓯᒪᓂᖓᓂ
ᐃᓚᕐᖁᐊᖅ 2: ᐱᓇᓱᐊᖃᑎᒌᑦᑐᑦ ᐱᕙᓪᓕᐊᓂᕐᑎᒍᑦ, ᐃᓄᐃᑦ ᓴᕐᕿᓯᒪᔭᖏᑦ ᑯᐯᒻᒧᑦ ᓴᓇᕐᕈᑎᐅᑉ ᐊᖏᖃᑎᒌᒐᓱᐊᕈᑕᐅᓂᖓᑕ ᐃᓗᐊᒍᑦ (English)
ᐃᓚᕐᖁᐊᖅ 3: ᖃᐅᔨᓴᕈᑕᐅᓯᒪᔪᑦ ᐱᐊᕃᑦ ᐃᓅᓱᑦᑐᐃᓗ ᓴᐳᑦᔨᔭᐅᓂᒃᑯᑦ ᐱᒍᑦᔭᐅᓂᕆᓲᖏᓐᓂᒃ ᐅᖓᕙᒥ ᑕᓯᐅᔭᕐᔪᐊᒥᓗ - ᓄᓇᕕᒻᒥ: ᑐᓴᕐᑎᓯᐅᑎᒃ, ᖃᐅᔨᔭᐅᔪᕕᓃᓪᓗ ᖃᐅᔨᓴᕐᓂᒧᑦ ᖃᓄᐃᓕᒋᐊᕈᑎᐅᖁᔭᐅᓯᒪᔪᓪᓗ ᓇᐅᑦᓯᑐᕐᑎᓄᑦ ᓇᐅᓕᒫᑦ ᐃᓅᓱᑦᑐᐃᓪᓗ ᐱᔪᓐᓇᐅᑎᖃᕐᓂᑯᑦ ᐃᑉᐱᒋᔭᐅᑦᓯᐊᕋᓗᐊᕐᒪᖔᑕ, ᕿᒥᕐᕈᓱᑎᒃ ᐱᐊᕃᑦ ᐃᓅᓱᑦᑐᐃᓪᓗ ᓴᐳᑦᔭᐅᓂᒃᑯᑦ ᐱᒍᑦᔭᐅᓂᖏᓐᓂᒃ ᐅᖓᕙᒥ ᑕᓯᐅᔭᕐᔪᐊᒥᓗ (English)
ᐃᓚᕐᖁᐊᖅ 4: ᐃᓪᓗᖃᕐᓂᐅᑉ ᖃᓄᐃᓕᖓᓂᖓ ᓄᓇᕕᒻᒥ: ᓇᐅᓕᒫᑦ ᖃᓄᐃᖕᖏᓯᐊᕆᐊᖃᕐᓂᖓᒍᑦ ᓯᕗᓪᓕᐸᐅᑦᔭᐅᔭᕆᐊᓕᒃ (English)
ᐃᓚᕐᖁᐊᖅ 5: ᐊᑭᑭᓪᓕᒋᐊᕆᓂᖅ ᐃᓅᒐᓱᐊᕐᓂᒥᒃ ᓄᓇᕕᒻᒥ ᑯᐯᒃᑯᑦ-ᒪᑭᕝᕕᑯᑦ- ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᐊᖃᑎᒌᑦᑎᑕᖏᑦ (English)
ᐃᓚᕐᖁᐊᖅ 6: ᖃᓄᐃᓕᒋᐊᖁᔨᒍᑎᒃ: ᐃᓱᕐᕉᑏᑦ ᐱᓇᓱᐊᕐᑕᐅᓂᖓᑕ ᓄᑕᐅᓯᓕᑎᕐᑕᐅᓂᑦᓴᖓ 2011-2015 ᑲᑎᕕᒃ ᓄᓇᓕᓕᒫᑦ ᑲᕙᒪᖓ (English)
ᐃᓚᕐᖁᐊᖅ 7: ᐊᖏᖃᑎᒌᒍᑎᒃ - ᓄᓇᕕᒻᒥ ᐊᕐᖁᑎᓂᒃ ᕿᕐᓱᑎᕆᓂᖅ 2010-2014 ᑲᑎᕕᒃ ᓄᓇᓕᓕᒫᑦ ᑲᕙᒪᖓ (English)
ᐃᓚᕐᖁᐊᖅ 8: ᖃᓄᐃᓕᖓᒍᒪᐅᓯᖅ ᓂᐅᕐᕈᑐᓕᕆᓂᖅ ᐱᓪᓗᒍ ᐊᑐᐃᓐᓇᕈᕐᑕᐅᔪᑦ ᑲᑎᕕᒃᓄᓇᓕᓕᒫᑦ ᑲᕙᒪᖓᓄᑦ
ᐃᓚᕐᖁᐊᖅ 9: ᐊᓯᕐᕿᓂᐅᖕᖏᑐᒥᒃ ᐅᑭᐅᕐᑕᑐᒥ ᓂᐅᕐᕈᑲᑦᑕᑎᑦᓯᓂᖅ ᓄᓇᕕᒻᒥᐅᑉ ᐃᓚᒋᓗᒋᑦ ACCORD-ᑯᓐᓄᑦ ᑯᐯᒃᑯ ᑕᕐᕋᖓᓂ (English)

ᐸᕐᓇᓯᒪᐅᑎᒥ ᐃᓚᐅᖃᑕᐅᔪᑦ

ᐅᐸᓗᙰᔭᕈᑏᑦ ᐊᓪᓚᖁᑎᖏᑦ

ᐸᕐᓇᓯᒪᐅᑎᐅᑉ ᒥᑦᓵᓄᑦ ᖃᐅᔨᒪᒍᑎᑦᓭᑦ ᑕᒡᒐᓂ ᓄᐃᔪᑦ ᑕᑯᑦᓴᐅᒥᔪᑦ ᐅᕙᓂ www.parnasimautik.com.