ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐅᓯᔩᑦ ᐋᓐᓂᐊᔪᓂᒃ- ᐊᒻᒪᓗ ᐃᓄᓐᓂᒃ- ᐅᓯᓂᒃᑯᑦ ᐱᑦᔪᔨᒍᑎᖏᑦ

ᐅᓯᔩᑦ ᐱᒍᑦᔨᐅᑎᒃ ᐃᓄᑐᖃᕐᓂᒃ ᐊᒻᒪᓗ ᐃᓄᓐᓂᒃ ᑎᒥᒥᒍᑦ ᖃᓄᐃᒍᑎᓕᓐᓂᒃ ᑲᔪᓯᑎᑕᐅᒋᐊᓚᐅᕐᓯᒪᕗᖅ ᓄᓇᕕᒻᒥ 2005-ᒥ. ᐅᓪᓗᑕᒪᕐᓯᐅᑎᖏᑦᑕ ᐃᖏᕐᕋᓂᖏᑦ ᐊᒻᒪᓗ ᓄᓇᒃᑰᔫᑦ ᓯᖁᒥᓯᒪᔪᕐᓂᐊᑕᐅᓂᖏᑦ ᑲᒪᒋᔭᐅᓲᑦ ᓄᓇᓕᓐᓂ ᐱᓪᓗᑯᒋᐊᓕᓐᓂᒃ ᐃᑲᔪᕐᓯᔭᐅᒍᑎᖃᕐᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓂ ᑭᖕᖒᒪᓇᓕᕐᒪᑦ. ᑯᐯᒃ ᑲᕙᒪᒃᑯᑦ ᐊᑕᐅᓯᖕᖑᑎᑦᓯᓯᒪᓕᕐᑐᖅ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓂᑦ ᑲᒪᔪᓂᒃ ᑎᒥᒥᒍᑦ ᖃᓄᐃᒍᑎᓖᑦ ᐱᒍᑦᔨᓂᖏᓐᓂᒃ ᖁᓕᓪᓗ ᓯᑕᒪᓪᓗᓂ ᑕᕐᕋᒥ ᓄᓇᓕᓐᓂ ᑎᓕᔭᐅᒪᐅᑎᒧᑦ ᐱ.20-ᒧᑦ ᓯᕗᓂᕐᒧᑦ ᐊᖏᖃᑎᒌᒍᑎᒥ ᐁᕆᓕ 1, 2006-ᒥ, ᐃᓚᖃᕐᑎᓗᒍ ᑲᒪᒋᔭᐅᒋᐊᖃᕐᓂᖓᓂ ᓄᐃᑦᓯᒋᐊᖃᕐᓂᒥᓂᒃ ᑭᓇᑐᐃᓐᓇᑯᓐᓄᑦ  ᐊᐅᓚᒍᑎᓕᕆᓂᕐᒥ ᐱᒍᑦᔨᓂᕐᓂ. ᑌᑰᓇ, ᓇᐅᓗᓐᓃᑦ ᑕᕐᕋᒥ ᓄᓇᓕᒃ ᐊᑐᐃᓐᓇᖃᕐᑎᓯᓚᐅᔪᖕᖏᑐᖅ. ᐅᓪᓗᒥ ᑕᓪᓕᒪᐅᔪᖏᒐᕐᑐᓄᑦ ᐊᑐᕐᑕᐅᒍᓐᓇᑐᖅ  ᑎᒥᒥᒍᑦ ᖃᓄᐃᒍᑎᓖᑦ ᐊᒻᒪᓗ ᑭᓇᑐᐃᓐᓇᑯᓐᓄᑦ ᐊᑐᕐᑕᐅᒍᓐᓇᑐᖅ ᐃᖏᕐᕋᐅᑎᒃ ᐊᑐᐃᓐᓇᐅᑎᑕᐅᓕᕐᑐᖅ ᑕᓪᓕᒪᐅᔪᖏᒐᕐᑐᓂ ᓄᓇᓕᓐᓂ. ᐃᓕᒃᑰᑐᖅ ᑎᒥᒥᒍᑦ ᖃᓄᐃᒍᑎᓖᑦ ᐊᒻᒪᓗ ᑭᓇᑐᓐᓇᑯᓐᓄᑦ ᐊᑐᕐᑕᐅᒍᓐᓇᑐᖅ ᐊᐅᓚᒍᑎᒃ ᐱᒍᑦᔨᓂᖓ ᑲᔪᓯᑎᑕᐅᓕᕐᑐᖅ ᐊᑯᓕᕕᒻᒥ.