ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐅᓯᒍᑎᓄᑦ ᐱᑦᔪᔨᒍᑏᑦ

ᐅᓯᔩᑦ ᐋᓐᓂᐊᔪᓂᒃ- ᐊᒻᒪᓗ ᐃᓄᓐᓂᒃ-ᐅᓯᒍᑎᓄᑦ ᐱᑦᔪᔨᒍᑏᑦ ᒪᓂᒻᒥᑎᑕᐅᕗᑦ ᓄᓇᓕᓐᓂ ᐃᓘᓐᓇᖏᓐᓂ. ᑕᕐᕋᒥ ᓄᓇᓖᑦ ᑲᒪᔨᐅᕗᑦ ᖃᐅᑕᒫᑦ ᐃᖏᕐᕋᑎᑕᐅᓂᖏᓐᓂᒃ ᐊᒻᒪᓗ ᓄᓇᒃᑰᔫᓂᒃ ᒪᑭᑕᑦᓯᓂᕐᒥᒃ ᓱᓕᐅᒻᒥᔪᖅ, ᒪᓕᑦᓱᒍ ᑎᓕᔨᒍᑎ B.20 ᐊᖏᖃᑎᒌᓐᓂᐅᑉ ᐱᑦᔪᑎᓕᐅᑉ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᖅ), ᑖᓐᓇ ᐱᑦᔪᔨᕕᒃ ᒪᓂᒻᒥᑎᑦᓯᔨᐅᒻᒥᑎᓪᓗᒍ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ ᑖᒃᑯᓂᖓ ᑕᒣᓐᓂᒃ ᐋᓐᓂᐊᔪᓂᒃ- ᐊᒻᒪᓗ ᐃᓄᓐᓂᒃ-ᐅᓯᒍᑎᓄᑦ ᐱᑦᔪᔨᒍᑎᓂᒃ. ᐅᓯᔩᑦ ᐋᓐᓂᐊᔪᓂᒃ- ᐊᒻᒪᓗ ᐃᓄᓐᓂᒃ-ᐅᓯᓂᒃᑯᑦ ᐱᑦᔪᔨᔨᖏᑦ, ᑲᑎᑦᓱᒋᑦ, ᐅᓯᖃᑦᑕᓚᐅᔪᔪᑦ 150,000 ᐅᖓᑖᓄᑦ ᐃᑭᔪᑦᓴᓂᒃ ᐊᕐᕌᒍᑕᒫᑦ ᐃᓘᓐᓇᖏᓐᓂ ᑕᕐᕋᒥ ᓄᓇᓕᓐᓂ.

ᐃᑭᒍᑏᑦ ᐊᒻᒪᓗ ᑕᕐᕿᓕᒫᖅ ᐃᑭᒍᓐᓇᐅᑏᑦ ᐊᑐᕐᑕᐅᓕᕋᓗᐊᕐᑎᓗᒋᑦ ᓄᓇᓕᓐᓂ ᐊᒥᓲᓂᕐᓴᓂ, ᓄᐃᑦᓯᒍᑕᐅᑦᓱᑎᒃ ᑮᓇᐅᔭᒐᓛᐱᓐᓂᒃ ᐃᑎᕐᓯᒍᑎᓂᒃ, ᐃᓄᓐᓂᒃ-ᐅᓯᒍᑏᑦ ᐃᓚᖓᑎᒍᑦ ᑮᓇᐅᔦᕈᑕᐅᕗᑦ ᑯᐯᒃᑯᑦ ᑲᕙᒪᖓᑕ ᓄᓇᓕᓕᒫᓂ ᐃᓄᓐᓂᒃ ᐅᓯᒍᑎᖃᕐᓂᒥᒃ ᐃᑲᔪᕐᓯᒍᑎᖓᑕ ᐊᑖᒍᑦ. ᑕᕐᕋᒥ ᓄᓇᓖᑦ ᐃᓚᖏᑦ ᑮᓇᐅᔭᕐᑖᑎᑕᐅᓲᖑᒻᒥᔪᑦ ᒪᓂᔭᐅᔪᓂᒃ KRG-ᑯᓂᒃ ᐊᕐᖁᑎᖃᕐᑎᓗᒋᑦ ᐱᖃᑎᒌᒍᑎᖃᕐᓂᒧᑦ ᐊᖏᖃᑎᒌᒍᑎᒥ ᐱᑦᔪᑎᓕᒻᒥ ᒪᑭᑕᐅᑎᓂᒃ ᐊᒻᒪᓗ ᓄᓇᓕᓐᓂᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕕᐅᑉ ᐃᓗᐊᓂ (ᓴᓇᕐᕈᑎᒃ ᐊᖏᖃᑎᒌᓐᓂᖅ) ᐃᓄᒃᑕᐅᑎᓂᒃ-ᐊᖁᑏᑦ ᐱᓇᓱᒐᖏᓐᓄᑦ ᑐᕌᕐᑎᓗᒋᑦ.