ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓯᑯᐃᑦ ᓅᑦᑕᓂᖏᑦ

ᖃᐅᔨᓴᕐᓂᖅ ᓯᑯᐃᑦ ᖃᓄᐃᖓᓂᖏᓐᓂᑦ ᓴᓂᐊᓂ ᐅᒥᐊᒃᑯᕖᑦ ᐅᒥᐅᔭᕐᒥ, ᖁᐊᕐᑕᒥ ᑰᒃᔪᐊᒥᓗ, 2009-ᒥᓂᑦ ᑎᑭᑦᓱᒍ 2014

ᐊᑖᒍᑦ ᑖᑦᓱᒪ ᐱᓇᓱᐊᕐᓂᐅᑉ ᑌᔭᐅᔪᖅ ᓯᓚᐅᑉ ᐊᓯᑦᔨᐸᓪᓕᐊᓂᖓ ᐊᒻᒪᓗ ᐅᒥᐊᒃᑯᕖᑦ: ᓱᕐᕋᑕᐅᓃᑦ ᓱᖏᐅᑎᓂᕐᓗ ᑖᓐᓇᓗ ᓯᕗᓕᕐᑕᐅᒪᔪᖅ ᑯᐯᒃᑯᑦ ᐃᖏᕐᕋᐅᑎᓕᕆᔨᖏᑦᑕ ᑐᕐᖃᑕᕐᕕᖏᓐᓄᑦ (ᐅᓯᔭᐅᒍᑎᓕᕆᔩᑦ) ᐱᓇᓱᐊᖃᑕᐅᑎᓪᓗᒋᑦ ᐊᒥᓱᒐᓓᑦ ᐃᑲᔪᕐᖃᑕᐅᔪᐃᑦ ᐃᓚᐅᑎᓪᓗᒍ ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᒻᒪᓗ ᑲᓇᑕᓕᒫᒥ ᖃᐅᔨᓴᕐᓂᑯᑦ ᐋᑉᐳᙰᕐᓴᑎᒃᑯᑦ (ᐋᑉᐳᙰᕐᓴᓂᕐᒧᑦ ᖃᐅᔨᓴᕐᑏᑦ), ᖃᐅᔨᓴᕐᓂᒧᑦ ᐱᐅᒃᑯᑏᑦ ᐃᓕᐅᕐᖃᑕᐅᓚᐅᔪᔪᑦ ᐃᓚᒋᓐᓂ ᓄᓇᕕᐅᑉ ᓄᓇᓕᖏᓐᓂ ᖃᐅᔨᓴᕐᑕᐅᓂᖓᓄᑦ ᓯᓚᐅᑉ ᓯᑯᐃᓪᓗ ᖃᓄᐃᓕᖓᓂᖏᑦ.  ᑕᒪᓐᓇ ᑖᑦᓱᒪ ᐱᓇᓱᐊᕐᓂᐅᑉ ᑐᕌᒐᓗᐊᙳᐊᖓ ᐃᓕᖓᔪᖅ ᓇᓗᓀᕐᓯᒐᓱᐊᕐᓂᒧᑦ ᓱᕐᕋᑕᐅᓂᕐᓂᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓄᑦ ᐊᒻᒪᓗ ᓄᓇᓕᓐᓂ ᐅᒥᐊᒃᑯᕕᖃᕐᓂᑯᑦ ᐃᓱᐊᖁᑏᑦ ᐊᒻᒪᓗᒐᓴᒃ ᓱᖅᑳᑎᕆᓃᑦ ᐱᒋᐊᕐᑕᐅᓛᕐᒥᔪᑦ ᐊᑯᓃᕐᑐᓴᓕᐅᕐᓂᖅ ᑕᒪᒃᑯᓂᖓ ᐅᒥᐊᒃᑯᕕᓐᓂ ᓯᕗᓂᕆᔭᐅᑦᓱᓂ ᐊᒻᒪᓗ ᐃᓕᒪᓇᕐᑑᖁᓇᒋᑦ ᐊᑐᕐᑎᐅᔪᓄᑦ.

ᓇᒻᒥᓂᖃᕐᓂᑯᑦ ᑕᒪᒃᑯᓂᖓ ᐅᒥᐊᒃᑯᕕᑦᑎᒍᑦ ᐃᓱᐊᖁᑎᓂᒃ ᓄᓇᕕᒻᒥ, ᑖᓐᓇ KRG  ᑐᕂᓐᓇᑐᒥᒃ ᐃᓱᒫᓗᖃᑕᐅᒻᒪᑦ ᑕᒡᒐᓂ ᐱᓇᓱᐊᕐᓂᒥ ᐊᒻᒪᓗ ᐃᓚᒋᔭᐅᑦᓯᐊᖃᑦᑕᑐᖅ, ᐊᓯᖏᓪᓗ ᐱᒐᓗᐊᕐᒥᑎᓪᓗᒋᑦ, ᓄᐊᑦᓯᖃᑦᑕᐅᑦᓱᓂ ᓄᓇᓕᑦᑎᒍᑦ ᓄᓇᓕᓕᒫᕐᑎᒍᓪᓗ ᐱᐅᓯᑐᖃᖃᕐᓂᑯᑦ ᖃᐅᔨᒪᓂᕆᔭᔪᓂᑦ, ᐱᔭᐅᑎᑦᓯᖃᑦᑕᓂᒃᑯᑦ ᐊᒻᒪᓗ ᓄᐃᑕᑎᑦᓯᒐᓱᐊᕐᓂᑯᑦ ᓄᐃᑕᐅᔪᓂᑦ ᓄᓇᓕᓐᓂᑦ ᐊᒻᒪᓗ ᐊᑐᕐᑎᐅᔪᓄᑦ, ᐊᒻᒪᓗᒐᓴᒃ ᐋᕐᕿᑕᐅᒪᔪᕐᑎᒍᑦ ᐃᑲᔪᕐᓯᒪᓗᓂ ᓄᓇᓕᓐᓄᑦ ᐳᓚᕆᐊᕐᑎᓄᑦ ᑲᔪᓯᔭᐅᔪᓂᒃ ᐱᓇᓱᐊᕐᓂᑎᒍᑦ ᐊᑦᔨᒌᖖᑐᐃᑦ ᐱᓇᓱᐊᖃᑕᐅᔪᑦ.  ᐱᒋᐊᕋᓱᐊᕐᓗᓂ ᑲᑐᑦᔮᖃᕐᓂᒥᑦ ᖃᐅᔨᒪᐅᑎᓂᒃ ᓄᐊᑕᐅᒪᓕᕐᑐᓂᒃ ᐊᑖᒍᑦ ᑖᑦᓱᒪ ᐱᓇᓱᐊᕐᓂᐅᑉ ᐅᓪᓗᒥᒨᓕᖓᔪᓂᒃ, ᑖᓐᓇ KRG ᓄᐊᑦᓯᓯᒪᓕᕐᑐᖅ ᐊᒥᓱᒐᓈᓛᓂᒃ ᐊᑦᔨᖑᐊᓂᒃ ᐊᑦᔨᓕᐅᕐᑕᕕᓂᕐᓂᒃ ᓄᓇᓖᑦ ᐃᓚᖏᓐᓂ ᐊᑦᔨᓕᐅᕈᑎᓕᕐᑕᐅᒪᔪᓂᑦ ᓴᓂᐊᓐᓂ ᐅᒥᐊᒃᑯᕖᑦ ᖁᐊᕐᑕᒥ, ᐅᒥᐅᔭᕐᒥ ᑰᒃᔪᐊᒥᓗ.
ᖃᓄᐃᑦᑐᑐᐃᓐᓇᖅ ᑐᓴᐅᒪᔭᐅᒋᐊᓕᒃ ᓄᐃᑕᔪᑦ ᖁᓛᓂᐅᓂᕐᓴᖅ ᐊᑦᔨᖑᐊᑉ ᓄᐃᑎᑕᐅᒪᔪᖅ ᐊᑦᔨᓕᐅᕈᑎᒧᑦ.  ᕿᓚᒻᒥᒃ ᐱᓯᒪᔪᓂᑦ ᑐᑭᓯᒪᐅᑏᑦ ᑕᒡᒐᓂ ᑕᓕᕐᐱᐊᓃᑦᑐᑦ ᐱᓯᒪᔪᑦ ᑲᓇᑕᒥ ᐊᕙᑎᓕᕆᔨᓂᑦ.  ᐃᒪᐅᑉ ᑭᓪᓕᖏᓐᓄᑦ ᐃᓕᖓᔪᐃᑦ ᖃᐅᔨᒪᐅᑏᑦ ᐱᔭᐅᓯᒪᔪᐃᑦ ᑲᓇᑕᒥᐅᑦ ᐃᒪᕐᒧᐊᓕᖓᒐᔪᓄᑦ ᐱᒍᑦᔨᔨᖏᓐᓂᒃ.  ᑖᓐᓇ ᑎᒃᑯᐊᖓᓂᖓᑕ ᐋᕐᕿᓯᒪᓂᖓ ᒪᓕᑐᐃᓐᓇᑐᖅ ᐊᑦᔨᓕᐅᕈᑎᐅᑉ ᖃᓄᐃᓕᖓᓂᖓᓂᒃ ᐊᒻᒪᓗ ᑖᓐᓇ ᐱᑎᑦᓯᖑᐊᖅ ᓵᙵᔪᖅ ᐊᓄᕆᐅᑉ ᒥᑦᓵᓄᑦ.

ᖃᐅᔨᓴᕈᑏᑦ ᓯᑯᐃᑦ ᖃᓄᐃᓕᖓᓂᖏᓐᓂᑦ ᐅᑯᓄᖓ ᓄᓇᓕᓐᓄᑦ:

ᑰᒃᔪᐊᖅ

2014
2012
2011
2010
2009

ᖁᐊᕐᑕᖅ

2012
2011
2010
2009

ᐅᒥᐅᔭᖅ

2014
2012
2011
2010
2009