ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐆᒪᔪᓂᒃ ᐊᕐᖃᓓᒍᑎᖃᕐᓂᖅ

ᐆᒪᔪᐃᑦ ᐱᓂᐊᕐᓂᖓ ᐃᓕᖓᔪᖅ ᐆᒪᔪᓂᒃ ᓴᐳᒻᒥᓂᕐᒧᑦ ᑲᔪᓯᑎᑕᐅᓲᖑᕗᖅ ᐊᑐᕐᓱᓂ ᐆᒪᔪᓂᒃ ᓴᐳᒻᒥᔨᓄᑦ ᐃᑲᔪᕐᑎᐅᓂᕐᒧᑦ ᑎᓕᔭᐅᒪᒍᑎᒥᒃ ᐋᕐᕿᑕᐅᓯᒪᔪᒥᒃ ᐊᕐᖁᑎᖃᕐᓱᑎᒃ ᐊᖏᖃᑎᒌᓐᓂᒥᒃ ᐱᑦᔪᑎᓕᒻᒥᒃ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᖅ) ᐊᑖᒍᑦ ᐊᒻᒪᓗ ᐊᐅᓚᑦᓯᔨᐅᓂᕐᒧᑦ ᐊᖏᖃᑎᒌᒍᑎᒥᒃ ᐃᖃᓗᓐ-ᓂᐊᕕᓕᕆᔨᑯᓂᒃ ᐊᒻᒪᓗ ᐃᒪᕐᐱᓕᕆᔨᒃᑯᓂᒃ ᑳᓇᑕᒥ (FOC) ᓄᓇᖃᕐᖃᓯᒪᔪᑦ ᐃᒪᕐᒥ ᐱᕙᓪᓕᖁᑎᑦᓴᓂᒃ ᐊᒻᒪᓗ ᐃᒪᕐᐱᓂᒃ ᐊᐅᓚᑦᓯᔨᐅᓂᖓᓄᑦ ᐱᓂᐊᕐᓂᖓᑕ ᐊᑖᒍᑦ ᐋᕐᕿᑕᐅᓯᒪᔪᒥᒃ.

 

ᐊᒥᓱᐃᓄᑦ-ᐱᓇᓱᐊᒐᕐᓄᑦ ᐆᒪᔪᐃᑦ ᓵᖕᖓᔭᐅᒍᐅᓯᖓᑦ ᑲᓱᕐᑎᓯᓯᒪᔪᖅ ᑕᕆᐅᒥ ᐆᒪᔪᒻᒪᕆᓐᓂᒃ ᓄᖑᑎᕆᑦᑌᓕᓂᐅᑉ ᑐᕌᕐᑕᖏᓐᓂᒃ (ᑲᕙᒪᑐᖃᒃᑯᑦ ᐊᐅᓚᒐᖏᑦ) ᓄᓇᒥᐅᑕᕐᓂᒃ ᐃᒪᑦᓯᐊᒥᐅᑕᓂᓪᓗ ᐆᒪᔪᓂᒃ ᓄᖑᑎᕆᑦᑌᓕᓂᐅᑉ ᑐᕌᕐᑕᖏᓐᓄᑦ (ᑯᐯᒃᑯᑦ ᐊᐅᓚᒐᖏᑦ). ᐆᒪᔪᐃᑦ ᑲᒪᔨᖏᑦᑕ ᐱᓇᓱᐊᑦᓴᖏᑦ ᐅᖃᕐᑕᐅᓯᒪᑦᓯᐊᑐᑦ ᐆᒪᔪᓂᒃ ᓴᐳᒻᒥᐅᑏᑦ ᐸᕐᓇᓯᒪᐅᑎᖓᓂ ᓄᓇᕕᒻᒨᓕᖓᔪᒥ.  ᑖᒃᑯᐊ ᑲᒪᔩᑦ ᖃᐅᑕᒫᑦ ᐊᒻᒪᖏᓐᓇᓕᒫᕐᑐᑦ ᐊᓐᓂᑐᕐᑎᓄᑦ ᐊᓯᖏᓐᓄᓗ ᓄᓇᓕᒻᒥᐅᓄᑦ, ᐃᑉᐱᒍᓱᑦᑎᐅᓱᑎᓪᓗ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥ  ᐃᓚᐅᔫᖕᖏᑐᑦ ᒪᙯᖕᖑᐊᓱᑎᒃ ᐃᖃᓗᓐᓂᐊᓂᖏᓐᓂᒃ ᐊᒻᒪᓗ ᐆᒪᔪᕐᓂᐊᓂᖏᓐᓂᒃ, ᐊᒻᒪᓗ ᐱᓇᓱᐊᕈᓯᑕᒫᑦ ᑐᓴᕐᑎᓯᒍᑎᖃᓲᖑᑦᓱᑎᒃ ᐆᒪᔪᕐᓂᐅᓂᒃᑯᑦ ᐊᒻᒪᓗ ᓂᕿᑦᓴᓂᐊᕐᓂᑯᑦ ᐱᓇᓱᑦᑕᐅᖃᑦᑕᑐᓂᒃ ᐊᒻᒪᓗ ᐅᖃᓕᒪᐅᑎᒃᑯᑦ ᑲᑎᒪᖃᑕᐅᒍᐊᕐᑑᒥᑦᓱᑎᒃ ᑐᕐᖃᑕᕐᕕᒥ ᓇᐹᕐᑐᓕᓐᓄᑦ, ᐆᒪᔪᓄᑦ ᐊᒻᒪᓗ ᒥᕐᖑᐃᓯᕐᕕᓄᑦ ᐆᒪᔪᓂᒃ ᓴᐳᒻᒥᔨᖏᓐᓄᑦ ᐊᒻᒪᓗ FOC-ᑯᑦ ᐃᖃᓗᓐᓂᐊᕕᓐᓂᒃ ᓴᐳᒻᒥᔨᖏᓐᓄᑦ.

 

ᑖᓐᓇ ᐱᑦᔪᔨᕕᒃ ᑫᓪᓗᐊᕈᑎᓕᒃ ᐱᖕᖑᑎᑦᓯᖁᔨᓂᕐᒥᒃ ᐊᑯᓂᕆᔪᒫᕐᓂᐊᑐᒥᒃ ᐱᒋᐅᕐᓴᐅᑏᑦ ᐱᓂᐊᕐᓂᓴᖓᓂᒃ ᐃᓕᖓᔪᒥᒃ ᐆᒪᔪᐃᑦ ᑲᒪᔨᖏᓐᓄᑦ ᐃᓚᖃᕋᔭᕐᑎᓗᒍ ᑕᓯᐅᕐᑎᖃᕐᓂᒥᒃ ᐊᒻᒪᓗ ᓇᓪᓕᑭᑕᕐᓗᓂ ᐱᒋᐅᕐᓴᖃᑦᑕᓂᕐᒥᒃ ᐊᒻᒪᓗ ᐱᓇᓱᖃᑦᑕᓂᕐᒥᒃ.