ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᐅᒪᔭᐅᒋᐊᓕᓕᒫᑦ

ᓄᑕᐅᓯᓕᑎᕈᓐᓇᑐᓂᒃ ᐱᑦᓴᖁᑎᓂᒃ, ᐊᕙᑎᒥᒃ, ᓄᓇᓂᒃ ᐊᒻᒪᓗ ᒥᕐᖑᐃᓯᕐᕕᓂᒃ ᐱᑦᔪᔨᕕᒃ ᐊᒥᓱᐃᓕᕐᕿᖓᔪᓂᒃ ᑲᒪᒋᐊᖃᓲᖑᕗᖅ ᐊᕕᑦᑐᓯᒪᑎᓪᓗᒋᑦ ᑕᓪᓕᒪᓄᑦ ᐱᓇᓱᐊᒐᒻᒪᕆᓐᓄᑦ:

•    ᐃᓄᐃᑦ ᐆᒪᔪᕐᓂᐊᓂᖓᓂᒃ, ᐃᖃᓗᓐᓂᐊᓂᖓᓂᒃ ᐊᒻᒪᓗ ᒥᑭᒋᐊᕐᓂᐊᓂᖓᓂᒃ ᓴᐳᒻᒥᐅᑏᑦ ᐱᓂᐊᕐᓂᖓ.
•    ᒥᕐᖑᐃᓯᕐᕕᓂᒃ ᐱᕙᓪᓕᐊᓂᖅ ᐊᒻᒪᓗ ᐃᖏᕐᕋᑎᑦᓯᓂᖅ
•    ᐆᒪᔪᐃᑦ ᐱᓂᐊᕐᓂᖓ.
•    ᐊᕙᑎᓕᕆᓂᖅ.
•    ᓄᓇᓂᒃ ᐊᒻᒪᓗ ᓄᓇᓕᒫᓂ ᐸᕐᓇᓯᒪᓂᖅ.

 

ᑖᑦᓱᒪ ᐱᑦᔪᔨᕕᐅᑉ ᐱᓇᓱᑦᑕᖏᓐᓄᑦ ᑮᓇᐅᔦᑦ ᐊᑦᑐᐊᔪᑦ ᒥᕐᖑᐃᓯᕐᕕᓄᑦ, ᐊᕙᑎᒧᑦ, ᐆᒪᔪᓂᒃ ᓄᖑᑎᕆᑦᑌᓕᓂᕐᒧᑦ ᐊᒻᒪᓗ ᓄᓇᐅᑉ ᐊᑐᕐᓂᓴᖏᓐᓂᒃ ᐸᕐᓇᓂᕐᒧᑦ ᐱᕙᑦᑐᑦ ᑯᐯᒃᑯᑦ ᑲᕙᒪᖓᓂᒃ ᐊᕐᖁᑎᖃᕐᓱᑎᒃ ᐊᖏᖃᑎᒌᓐᓂᒥᒃ ᐱᑦᔪᑎᓕᒻᒥᒃ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᖅ). ᑮᓇᐅᔦᑦ ᑐᕌᕐᑐᑦ ᐃᓄᐃᑦ ᐆᒪᔪᕐᓂᐊᓂᖓᓂᒃ, ᐃᖃᓗᓐᓂᐊᓂᖓᓂᒃ ᐊᒻᒪᓗ ᒥᑭᒋᐊᕐᓂᐊᓂᖓᓂᒃ ᓴᐳᒻᒥᐅᑎᓄᑦ, ᑕᕆᐅᕐᒥᐅᑕᓂᒃ ᐆᒪᔪᓂᒃ ᓄᖑᑎᕆᑦᑌᓕᓂᕐᒧᑦ, ᐃᐱᕃᓐᓇᑕᐅᓯᒪᔪᓂᒃ ᐅᔭᕋᓐᓂᐊᕋᑦᓴᓯᐅᑏᑦ ᓄᓇᑐᕐᓕᕕᓂᖏᓐᓂᒃ ᓴᓗᒻᒪᓭᓂᕐᒧᑦ ᐊᓯᖏᓐᓄᓗ ᐊᕙᑎᒥᒃ ᐱᓇᓱᐊᕈᑎᓄᑦ ᐱᓲᖑᒻᒥᔪᑦ ᐊᕐᖁᑎᖃᕐᓱᑎᒃ ᑕᒪᒃᑯᓄᖔᓕᖓᔪᓂᒃ ᐊᖏᖃᑎᒌᒍᑎᓂᒃ ᑐᕐᖃᑕᕐᕕᒥ ᓇᐹᕐᑐᓕᓐᓄᑦ, ᐆᒪᔪᓄᑦ ᐊᒻᒪᓗ ᒥᕐᖑᐃᓯᕐᕕᓄᑦ, ᑐᕐᖃᑕᕐᕕᒥᓗ ᐃᑯᒪᐅᑎᖃᕐᓂᒧᑦ ᐊᒻᒪᓗ ᓯᓚᒥ ᐱᑦᓴᓕᕆᓂᕐᒧᑦ, ᐊᒻᒪᓗ ᐃᖃᓗᓐᓂᐊᕕᓕᕆᔨᑯᓂᒃ ᐊᒻᒪᓗ ᐃᒪᕐᐱᓕᕆᔨᒃᑯᓂᒃ ᑳᓇᑕᒥ ᐊᒻᒪᓗ ᓴᑐᕐᑎᓯᓂᕐᒥᒃ-ᐱᓇᓱᑦᑎᓂᒃ ᓄᓇᕕᒻᒥ (Restor-Action Nunavik). ᑮᓇᐅᔦᑦ ᑐᕌᕐᑐᑦ ᐱᓇᓱᑦᑕᐅᔪᑦ ᐃᓚᓪᓗᑯᖏᓐᓄᑦ ᐱᖃᑦᑕᓚᐅᔪᒻᒥᔪᑦ ᐊᓯᖏᓐᓂᑦ ᐱᓯᒪᔪᑦ.