ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᕙᑎᓕᕆᓂᖅ

ᑖᓐᓇ ᐱᑦᔪᔨᕕᒃ ᓰᒥᒑᖑᕗᖅ ᑐᕐᖃᑕᕐᕕᒧᑦ ᒪᑭᑕᒍᓐᓇᑐᓂᒃ ᐱᕙᓪᓕᐊᓂᕐᒧᑦ, ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᐊᑭᓂᐊᕐᓂᒧᑦ, ᑕᒪᑐᒧᖓᓗ ᓄᓇᒧᑦ ᐊᒻᒪᓗ ᓄᓇᓕᓐᓄᑦ ᐊᕙᑎᓕᕆᕐᒧᑦ ᐊᑦᑐᐊᔪᑦ ᑲᒪᒍᑎᑦᓭᑦ ᐱᑦᔪᑎᒋᑦᓱᒋᑦ, ᐃᓚᖃᕐᑎᓗᒍ ᑲᒪᓂᕐᒥᒃ ᓄᐃᑕᓪᓚᕆᑦᑐᓂᒃ ᐊᕙᑎᓕᕆᓂᒃᑯᑦ ᐃᓱᒫᓗᓐᓇᑐᓂᒃ.

 

ᑖᓐᓇ ᐱᑦᔪᔨᕕᒃ ᐯᕆᑦᓯᔨᐅᕗᖅ ᐱᓇᓱᓐᓂᖓᓂᒃ ᑎᒥᐅᔪᐃᑦ ᐱᖕᖑᑎᑕᐅᓯᒪᔪᑦ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥ (JBNQA) ᐃᓚᖓᑕ 23 ᐊᑖᒍᑦ, ᑖᒃᑯᐊ ᐃᓚᖃᕐᑎᓗᒋᑦ ᑲᕙᒪᑐᖃᕐᑯᑎᒍᑦ ᐊᕙᑎᒥᒃ ᐊᒻᒪᓗ ᐃᓄᓐᓂᒃ ᓱᒻᒣᒍᑎᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ, ᑲᑎᕕᒃ ᐊᕙᑎᐅᑉ ᐱᐅᔫᒋᐊᖃᕐᓂᖓᓄᑦ ᑐᑭᑖᕐᑎᓂᒃ ᐊᒻᒪᓗ ᑲᑎᕕᒃ ᐊᕙᑎᒥᒃ ᖃᐅᔨᒪᔩᑦ ᑲᑎᒪᔨᖏᓐᓄᑦ-ᑯᓂᒃ ᓄᐃᑕᑦᓯᔨᓂᒃ ᐱᓗᐊᕐᑐᒥᒃ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ ᑕᕐᕋᒥᐅᑦ ᓄᓇᓕᖏᓐᓄᑦ ᐊᒻᒪᓗ KRG-ᑯᓄᑦ ᐊᑦᑐᐊᔪᖃᓕᕐᒪᑦ ᐊᕙᑎᒥᒃ ᐊᒻᒪᓗ ᐃᓄᓐᓂᒃ ᓴᐳᒻᒥᓂᕐᒧᑦ ᓄᓇᕕᐅᑉ ᐃᓗᐊᓂ. JBNQA ᒪᓕᑦᓱᒍ, KRG-ᑯᑦ ᑎᓕᔨᓲᖑᕗᑦ ᑲᑎᒪᔨᓂᒃ ᑖᒃᑯᓄᖓ ᑎᒥᐅᔪᓄᑦ.

 

ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᖅ ᑕᕐᕋᒥ ᓄᓇᓕᓐᓂᒃ
ᑖᓐᓇ ᐱᑦᔪᔨᕕᒃ ᓄᐃᑕᑦᓯᔨᐅᕗᖅ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ ᑕᕐᕋᒥᐅᑦ ᓄᓇᓕᖏᓐᓄᑦ ᐱᓇᓱᖃᑎᖃᕐᓱᓂ KRG-ᑯᑦ ᑲᕙᒫᐱᓐᓂ ᐃᓄᓕᒫᓂᒃ ᐱᒍᑦᔨᒍᑎᓕᐅᕐᓂᒥᒃ ᐱᑦᔪᔨᕕᖓᓂᒃ ᒪᓕᑦᓱᒍ ᑎᓕᔨᒍᑎ B.10 ᐊᕐᖁᑎᖃᕐᓱᑎᒃ ᐊᖏᖃᑎᒌᓐᓂᒥᒃ ᐱᑦᔪᑎᓕᒻᒥᒃ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᖅ) ᐱᑦᔪᑎᓕᒃ ᐱᕕᓂᕐᓂᒃ ᕿᒪᒡᒐᑯᓂᒃ ᐊᐅᓚᑦᓯᓂᕐᒥᒃ, ᑭᓈᓂᕐᓗᑯᓂᒃ ᑲᑭᐊᑦᓯᓕᑎᕆᓂᕐᒥᒃ, ᐊᕙᑎᒥ ᐅᐃᒪᓇᕐᓯᔪᓂᒃ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᑕ ᓱᕐᕋᑕᖏᓐᓂᒃ.

 

ᓄᓇᕕᒻᒥ ᐃᒋᑕᑦᓭᑦ ᐊᐅᓚᑕᐅᓂᖏᓐᓄᑦ ᐸᕐᓀᒍᑏᑦ

ᓄᓇᕕᒻᒥ ᐱᕕᓃᑦ ᕿᒪᒡᒐᑯᐃᑦ ᐊᐅᓚᑕᐅᓂᖓᓄᑦ ᐸᕐᓇᓯᒪᐅᑎᐅᑉ ᑲᔪᓯᑎᑕᐅᓂᖓᓂᒃ ᑖᓐᓇ ᐸᕐᓇᓯᒪᐅᑎ ᑫᓪᓗᐊᑐᖅ ᒪᑭᑕᔭᓪᓗᐊᓂᒃ ᓴᓂᕐᓂᒃ ᐃᑯᓪᓚᑎᑦᓯᒍᓯᕐᓂᒃ ᓄᓇᓖᑦ ᐃᓗᐊᓂ, ᐆᑦᑑᑎᒋᓗᒋᑦ ᐊᑐᕆᐊᓪᓚᖃᑦᑕᓂᖅ, ᐊᑐᕐᑐᓴᕈᐃᒋᐊᓪᓚᓂᖅ ᐊᒻᒪᓗ ᐃᒍᓇᕐᑎᓯᓂᖅ ᓴᓂᑯᓂᒃ, ᐊᒻᒪᓗ ᒥᑭᓪᓕᑎᕆᓂᖅ ᓄᐃᑖᑎᕐᕕᖏᓐᓂ, ᐊᒻᒪᓗ ᐱᓕᐅᒥᑎᑦᓯᓂᖅ ᐃᓄᐃᑦ ᑲᖐᓱᓐᓂᖓᓂᒃ. ᐱᕕᓃᑦ ᕿᒪᒡᒐᑯᖏᓐᓂᒃ ᐊᐅᓚᑦᓯᓂᖅ ᐱᕙᓪᓕᕆᐊᕐᓯᒪᓕᕈᓂ ᐊᑯᓂᒋᐊᓪᓚᒃ ᐊᑐᕈᓐᓇᓯᑎᑦᓯᓚᖓᔪᖅ ᑲᕙᒫᐲᑦ ᓴᓂᕐᓂᒃ ᓄᓇᒥ ᓴᐅᔨᕕᖏᓐᓂᒃ, ᐃᑯᓪᓚᐅᒥᑎᑦᓯᓗᓂᓗ ᓴᓂᑯᓂᒃ ᐃᑯᐊᓪᓚᑕᐅᒋᐊᓕᓐᓂᒃ ᐊᒻᒪᓗ ᑎᐹᕿᔪᓂᒃ, ᐊᒻᒪᓗ ᐱᕙᓪᓕᕈᑕᐅᒻᒥᓗᓂ ᐊᕙᑎᒥᒃ ᓴᐳᒻᒥᓂᕐᒧᑦ ᓄᓇᓖᑦ ᐃᓗᐊᓂ. ᑮᓇᐅᔦᑦ ᑖᑦᓱᒥᖓ ᐸᕐᓇᓯᒪᐅᑎᒥᒃ ᑲᔪᓯᑎᑦᓯᒍᑎᑦᓭᑦ ᐱᕋᑕᖕᖏᑲᓗᐊᕐᑎᓗᒋᑦ ᑲᔪᓯᑎᑦᓯᒍᑕᐅᓚᖓᓗᑎᒃ ᑯᒻᒪᓲᑎᓕᒫᓂᒃ ᐊᒻᒪᓗ ᐋᕐᕿᑕᐅᒋᐊᓕᓕᒫᓂᒃ ᐊᐅᓚᑦᓯᒍᑎᑦᓴᓂᒃ ᐸᕐᓇᓯᒪᐅᑏᑦ ᐊᑖᒍᑦ, ᓯᕗᒧᐊᕈᑎᓪᓚᕆᓐᓂᒃ ᐱᔭᐅᔪᖃᕈᓐᓇᓚᐅᔪᔪᖅ.

ᓄᓇᕕᒻᒥ ᐃᒋᑕᑦᓭᑦ ᐊᐅᓚᑕᐅᓂᖏᓐᓄᑦ ᐸᕐᓀᒍᑏᑦ

 

ᐳᔪᕐᓗᐃᑦ ᓱᒃᑯᓇᕐᑐᑦ

ᐱᓇᓱᕝᕕᒃ ᐃᑲᔪᕐᐸᑐᖅ ᑯᐯᑉ ᑲᕙᒪᖓᓂᒃ ᐊᒻᒪᓗ ᑲᕙᒪᑐᖃᒃᑯᑦ ᐱᓇᓱᕝᕕᖏᓐᓂᒃ ᐃᑉᐱᒍᓱᑦᑎᖃᕐᓱᓂ ᐳᔪᕐᓗᐃᑦ ᓱᒃᑯᓇᕐᑐᑦ ᓴᓗᒻᒪᓴᕐᑕᐅᑎᓪᓗᒋᑦ. ᐃᑲᔪᕐᐸᒥᔪᖅ ᓄᓇᓖᑦ ᑲᕙᒫᐱᖏᑦᑕ ᐱᓇᓱᑦᑎᖏᑦ ᐃᓕᓐᓂᐊᑎᑕᐅᑎᓪᓗᒋᑦ ᐊᐅᓚᑦᓯᒍᓯᓂᒃ ᓱᒃᑯᓇᕐᑐᓂᒃ.

ᓄᓇᕕᒻᒥ ᐊᕙᑎᒧᐊᖓᔪᓄᑦ ᐅᐃᒪᓇᕐᓯᔪᖃᕐᐸᑦ ᑐᓴᕐᑎᓯᐅᑏᑦ ᐱᑕᑦᓯᑐᒉᑦ

 

ᐃᐱᕃᓐᓇᑕᐅᓯᒪᔪᑦ ᐅᔭᕋᓐᓂᐊᕋᑦᓴᓂᒃ ᕿᓂᕐᑏᑦ ᓇᔪᒐᕕᓂᖏᑦ
ᑖᓐᓇ ᐱᑦᔪᔨᕕᒃ 2007-ᒥᓂᒃ ᐊᐅᓚᑦᓯᔨᐅᕗᖅ ᓴᓗᒻᒪᓭᓂᕐᒥᒃ ᐃᐱᕃᓐᓇᑕᐅᓯᒪᔪᓂᒃ ᐅᔭᕋᓐᓂᐊᕋᑦᓴᓯᐅᕐᑏᑦ ᓇᔪᒐᕕᓂᖏᓐᓂᒃ ᑕᑯᑦᓴᓂᒃ ᑕᒪᖏᓐᓂ ᓛᐸᑐᐊᑉ ᐱᑦᓴᑕᓕᖓᓂ ᐊᒻᒪᓗ ᐅᖓᕙᐅᑉ ᐱᑦᓴᑕᓕᖓᓂ. ᑌᒣᑦᑐᐃᑦ ᓇᔪᒐᕕᓃᑦ ᐊᑦᑕᓇᕐᑐᓂᒃ ᓴᓂᕐᓂᒃ ᐱᑕᖃᖏᓐᓇᑐᑦ ᓇᓗᓀᕐᑕᐅᖃᑦᑕᓚᐅᔪᔪᑦ ᓄᓇᒥ KRG-ᑯᑦ ᐊᒻᒪᓗ ᒪᑭᕝᕕᑯᑦ ᐱᓇᓱᑦᑎᓯᑎᓪᓗᒋᑦ 2001-ᒥ ᐊᒻᒪᓗ 2002-ᒥ. ᓴᓗᒻᒪᕆᐊᕐᓂᖓᓂᒃ ᐱᓇᓱᓐᓂᖅ ᑮᓇᐅᔭᖃᕐᑎᑕᐅᔪᖅ ᓴᑐᕐᑎᓯᓂᕐᒥᒃ-ᐱᓇᓱᓐᓂᖅ ᓄᓇᕕᒻᒥ-ᑯᓐᓄᑦ (Restor-Action Nunavik) ᐅᔭᕋᓐᓂᐊᑏᑦ ᑎᒥᖏᑦᑕ ᑲᑐᑦᔨᒍᑎᖓ ᐊᒻᒪᓗ ᑐᕐᖃᑕᕐᕕᒥᓗ ᐃᑯᒪᐅᑎᖃᕐᓂᒧᑦ ᐊᒻᒪᓗ ᓯᓚᒥ ᐱᑦᓴᓕᕆᓂᕐᑯᓐᓄᑦ.

 

ᓄᓇᕕᒻᒥ ᐃᓄᐃᑦ ᖃᐅᔨᓴᐅᑎᓂᒃ ᖃᐅᔨᒪᔨᖓᑦ
ᐊᕐᕌᒍᓂ-ᐊᒥᓱᐃᓂ ᐱᓂᐊᕐᓂᖃᕈᑎᒧᑦ ᐃᓚᐅᑎᓪᓗᒍ, ᐃᓄᐃᑦ ᖃᐅᔨᓴᐅᑎᓂᒃ ᖃᐅᔨᒪᔨᖓᑕ ᐱᓇᓱᒐᖓᓂᒃ ᐱᖕᖑᑎᑕᐅᔪᖃᓚᐅᔪᔪᖅ ᐊᑐᓂ ᓯᑕᒪᓂ ᐃᓄᐃᑦ ᓄᓇᒻᒪᕆᖏᓐᓂ ᑳᓇᑕᐅᑉ ᐃᓗᐊᓂ, ᐱᓪᓗᑯᒋᐊᓕᓐᓄᑦ ᑐᑭᒧᐊᑦᑎᓯᓂᖅ ᐊᒻᒪᓗ ᓴᐳᑦᔨᔨᖃᕐᓂᖅ ᓄᐃᑕᑎᑕᐅᑎᓪᓗᒍ ᐃᓄᐃᑦ ᑕᐱᕇᑦ ᑳᓇᑕᒥᒃᑯᓂᒃ. ᓄᓇᕕᒻᒥ, KRG-ᑯᑦ ᑎᒥᐅᕗᑦ ᓇᔪᕐᑎᖃᕐᑎᑕᐅᑦᓱᑎᒃ ᑖᑦᓱᒥᖓ. ᓄᓇᓕᓕᒫᑦ ᖃᐅᔨᒪᔨᖓᑕ ᐊᑑᑎᖓ ᐃᓕᖓᔪᖅ ᑲᓱᕐᓂᖃᕈᑕᐅᓂᕐᒧᑦ ᐊᑯᓐᓂᒥ ᐃᓱᒪᑕᕐᑎᓄᑦ ᐊᒻᒪᓗ ᓄᓇᓕᓐᓄᑦ, ᑐᓴᐅᒪᑎᑦᓯᓂᕐᒧᓗ ᐱᓇᓱᑦᑕᐅᔪᑦ ᑐᕌᕐᑕᖏᓐᓂᒃ ᐊᒻᒪᓗ ᑌᒪ ᓄᐃᑕᖏᓐᓂᒃ, ᐊᒻᒪᓗ ᓇᓗᓀᕐᓯᓂᕐᒧᑦ ᐃᓅᓱᑦᑐᐃᑦ ᐃᓚᐅᒍᓐᓇᓯᒍᑎᑦᓴᖏᓐᓂᒃ ᖃᐅᔨᓴᕈᑎᓄᑦ

 

 

Assessment and Remediation of Abandoned Mining Exploration Sites in Nunavik (English)

Progress Report for year 2005-2006

Progress Report March 2005

Progress Report for year 2006-2007

Summary Report on the 18 Major Abandoned Mineral Exploration Sites in Nunavik October 2007

Summary Report on Rehabilitation Work at the 18 Major Abandoned Mineral Exploration Sites in Nunavik Carried out in the Summer of 2008 and Update on the General Response Plan December 2008

General Response Plan 2008-2012 for the Rehabilitation of 18 Major Mineral Exploration Sites in Nunavik

Summary Report on the Rehabilitation Work at the 18 Major Abandoned Mineral Exploration Sites in Nunavik Carried out During the Summer of 2009 and Update on the General Response Plan December 2009

Summary Report on the Rehabilitation Work at the 18 Major Abandoned Mineral Exploration Sites in Nunavik Carried out During the Summer of 2009 and Update on the General Response Plan April 2011

Nunavik Abandoned Miineral Exploration Sites Rehabilitation Project 2012-2013 Activity Report

Nunavik Abandoned Mineral Exploration Sites Rehabilitation Project 2013-2014 Activity Report

Rehabilitation of Abandoned Mineral Exploration Sites in Nunavik 2014-2015 Activity Report

Rehabilitation of Abandoned Mineral Exploration Sites in Nunavik 2015-2016 Activity Report