ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᐅᒪᔭᐅᒋᐊᓕᓕᒫᑦ

ᓄᓇᓕᓕᒫᓂ ᐊᒻᒪᓗ ᓄᓇᓕᓐᓂ ᐱᕙᓪᓕᐊᓂᕐᒥᒃ ᐱᑦᔪᔨᕕᒃ ᓄᐃᑕᑦᓯᕗᖅ ᐊᑐᕆᐊᖃᓪᓚᕆᑦᑐᒥᒃ ᑲᓱᕐᓂᒥᒃ ᐊᑯᓐᓂᒥ ᒪᑭᑕᐅᑎᓂᒃ ᐱᕙᓪᓕᐊᑎᑦᓯᒍᑏᑦ ᓯᕗᓂᓕᐅᕐᑕᐅᒪᒍᑎ-ᖏᓐᓄᑦ ᑯᐯᒃᑯᑦ ᐊᒻᒪᓗ ᑲᕙᒪᑐᖃᒃᑯᑦ ᑲᕙᒪᖏᓐᓄᑦ ᐊᒻᒪᓗ ᑕᒫᓂ ᓄᓇᒥ ᖃᑭᓴᕐᑏᑦ ᐊᒻᒪᓗ ᐃᓄᐃᑦ ᒪᑭᑕᐅᑎᖏᓐᓄᑦ ᑎᒥᐅᔪᓄᑦ. ᐊᑦᑐᐊᔪᒻᒪᕆᐅᒻᒥᔪᖅ ᓄᓇᓕᓐᓂ ᐃᓅᖃᑎᒌᑦ-ᒪᑭᑕᐅᑎᖏᓐᓂᒃ ᐸᕐᓇᓂᕐᒧᑦ ᐊᒻᒪᓗ ᐱᓇᓱᐊᑦᓴᓂᒃ ᑲᔪᓯᑎᑦᓯᓂᕐᒧᑦ. ᐱᑦᔪᔨᕕᐅᑉ ᐱᓇᓱᑦᑕᖏᑦ ᐱᖓᓱᐃᓕᖓᔪᑦ ᐊᑖᓄᑦ ᑐᕐᖁᓯᒪᔪᑦ: ᓄᓇᓕᓕᒫᑦ ᐱᕙᓪᓕᐊᒍᑎᖏᑦ, ᓄᓇᓖᑦ ᐱᕙᓪᓕᐊᒍᑎᖏᑦ ᐊᒻᒪᓗ ᖃᑭᓴᐅᑎᓂᒃ ᐱᕙᓪᓕᐊᑎᑦᓯᓂᖅ.

ᑖᓐᓇ ᐱᑦᔪᔨᕕᒃ ᐊᒥᓲᓂᕐᓴᖏᓐᓂᒃ ᑮᓇᐅᔭᖃᕐᑎᑕᐅᕗᖅ ᑯᐯᒃᑯᑦ ᑲᕙᒪᖓᓄᑦ ᐊᖏᖃᑎᒌᓐᓂᐅᑉ ᐱᑦᔪᑎᓕᐅᑉ ᐃᓗᐃᒃᑲᓂᒃ ᑮᓇᐅᔭᕐᑖᑎᑦᓯᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ (ᓯᕗᓂᕐᒧᑦ ᐊᖏᖃᑎᒌᓐᓂᖅ) ᐊᑖᒍᑦ. ᑮᓇᐅᔭᒋᐊᓪᓚᓂᒃ ᐱᑎᑕᐅᓲᖑᒻᒥᔪᖅ ᐊᑦᔨᒌᖕᖏᑐᓂᒃ ᑯᐯᒃᑯᑦ ᐱᑦᔪᔨᕕᖏᓐᓂᒃ ᑐᕌᓪᓗᑯᑦᑕᓖᑦ ᐊᖏᖃᑎᒌᒍᑏᑦ ᐊᕐᖁᑕᐅᑎᓪᓗᒋᑦ, ᐊᒻᒪᓗ ᓄᓇᖃᕐᖄᓯᒪᔪᓕᕆᔨᒃᑯᓂᒃ ᐊᒻᒪᓗ ᐅᑭᐅᕐᑕᑐᒥᐅᓕᕆᔨᒃᑯᓂᒃ ᑳᓇᑕᒥ (INAC). ᔭᓄᐊᕆᒥ, (2015) ᑖᓐᓇ ᐱᑦᔪᔨᕕᒃ ᓄᑕᐅᓯᓕᑎᕆᓚᐅᔪᔪᖅ ᑮᓇᐅᔭᖃᕐᑎᑕᐅᓂᕐᒥᓄᑦ ᐊᖏᖃᑎᒌᓐᓂᒥᓂᒃ INAC-ᑯᓐᓂ ᐊᑐᕐᓂᐊᑎᓪᓗᒍ ᐊᕐᕌᒍᓂ ᑕᓪᓕᒪᓂ ᑲᔪᓯᑎᑦᓯᒍᑕᐅᒋᐊᓪᓚᓗᓂ ᓯᕗᓪᓕᐹᒥᒃ-ᑲᒪᒋᐊᓖᑦ ᒪᑭᑕᐅᑎᓂᒃ ᐱᕙᓪᓕᐊᑎᑦᓯᓂᒃᑯᑦ ᐱᑦᔪᔨᒍᑎᖏᓐᓂᒃ ᐊᒻᒪᓗ ᑮᓇᐅᔭᓄᑦ ᐃᑲᔪᕐᓯᐅᑎᓂᒃ ᑐᕌᖓᔪᓂᒃ ᓄᓇᓕᓕᒫᓂ ᖃᑭᓴᐅᑎᓂᒃ ᐱᒋᐊᕐᑎᓯᓂᕐᒧᑦ ᐊᒻᒪᓗ ᐊᖏᓪᓕᑎᕆᓂᕐᒥᒃ ᐱᓇᓱᒍᑎᓄᑦ.

KRG-ᑯᑦ RL-ᑯᓪᓗ ᐱᑦᔪᑦᔨᕕᖏᑦ KLDC-ᑯᓪᓗ ᓀᓕᑎᑦᓯᒪᔪᑦ ᑮᓇᐅᔭᑎᒍᑦ ᒪᑭᒪᒐᓱᐊᕐᓂᒧᑦ ᐱᕙᓪᓕᐊᑎᑦᓯᓂᕐᒧᑦ ᑮᓇᐅᔭᖁᑎᖏᑦ

ᓄᓂᕚᑦ ᓄᓇᕕᒃ ᑭᓯᑦᓯᑎᓄᑦ ᑕᑯᑦᓱᒍ 2015-ᒥ