ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖓ

ᓱᓇᒋᓐᓈ ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖓ?

ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖓ ᐋᕐᕿᓱᒋᐊᕐᑕᐅᓯᒪᔪᖅ ᓄᓇᕕᒻᒥᐅᓄᑦ ᓂᑦᔭᓗᑦᑖᕈᓐᓇᑐᓄᑦ ᑭᓯᐊᓂ ᐱᓕᓂᐅᓪᓗᐊᖏᑦᑐᓄᑦ ᐊᒻᒪᓗ ᐱᒋᐅᕆᐊᓪᓛᕈᒪᔪᓄᑦ ᓂᑦᔭᓗᑦᑖᑎᐅᓂᕐᒥᒃ ᐃᓚᐅᓕᐅᒥᒍᑎᒋᓗᒍᓗ ᓄᓇᓕᒻᒥᓄᑦ. ᓄᓇᕕᒃ ᓂᑦᔭᓗᑦᑖᓯᑎᒃ ᑐᕌᖓᑎᑕᐅᓗᐊᖕᖑᐊᑑᒐᓗᐊᖅ ᐅᕕᒃᑲᓄᑦ (ᐃᓕᓐᓂᐊᑎᓄᑦ ᐊᒻᒪᓗ ᐃᓕᓐᓂᐊᕆᐊᓲᖑᒍᓐᓀᑐᓄᑦ), ᓱᖃᑦᓯᑎᑦᓯᓃᑦ ᐅᒃᑯᐃᖔᕐᑎᑕᐅᓚᖓᔪᑦ ᓄᓇᕕᒻᒥᐅᓄᑦ ᖃᑦᓯᑐᐃᓐᓇᓄᑦ ᐅᑭᐅᓕᓐᓄᑦ.

ᑲᑎᒪᓂᐊᕈᓰᑦ ᑐᓂᓯᖃᑦᑕᓚᖓᔪᑦ ᐱᒋᐊᖕᖓᐅᑎᓂᒃ ᐊᓇᐅᓪᓚᕆᐅᕐᓴᓂᕐᓂᒃ, ᑯᑭᑦᑕᐸᕆᐅᕐᓴᑎᑦᓯᓂᕐᓂᒃ ᐊᒻᒪᓗ ᐃᑦᔪᓂᕐᓴᓂᒃ ᐊᑦᓱᓈᓕᓐᓂᒃ ᑯᑭᑦᑕᐸᐅᑎᓂᒃ ᐃᓕᓐᓂᐊᑎᑦᓯᓂᕐᒥᒃ. ᐃᓂᓪᓚᑎᕐᑕᐅᓯᒪᖃᑦᑕᓚᖓᔪᑦ ᐊᑦᔨᒌᖕᖏᑐᓄᑦ ᐅᑭᐅᓕᓐᓄᑦ ᐃᓕᓐᓂᐊᓇᐅᕇᕐᓯᒪᓕᕐᑎᓗᒍ ᐊᒻᒪᓗ ᐃᓕᓐᓂᐊᑎᑦᓯᕕᖃᖃᑦᑕᓗᑎᑦ ᐃᓱᐊᕐᑑᒐᓱᐊᕐᑐᓂᒃ ᐃᓂᐅᔪᓂᒃ. ᐊᑦᔨᒋᖕᖏᓂᕐᓴᖏᓐᓂᒃ ᓂᑦᔭᓗᑦᑖᕈᑎᓂᒃ ᐊᒥᓱᓂᒃ ᐊᑦᔨᒋᖕᖏᓂᕐᓴᖏᓐᓂᒃ ᐃᓕᓐᓂᐊᑎᑦᓯᓂᖃᑐᐃᓐᓇᕆᐊᖃᕐᒥᔪᖅ ᐆᑦᑑᑎᒋᓗᒋᑦ ᓃᓂᒉᑦ, ᓂᑦᔭᐅᓯᔭᐅᑏᑦ, ᐃᖕᖏᓃᑦ ᐊᒻᒪᓗ ᐃᓚᐅᑎᑕᐅᑐᐃᓐᓇᕆᐊᓕᒃ ᐃᑯᒪᓕᕆᓂᖅ ᐊᒻᒪᓗ ᓂᑦᔮᕈᑎᓕᕆᓃᑦ ᓯᕗᓂᑦᑎᓂᒃ, ᐊᑐᐃᓐᓇᖃᕐᑎᑕᐅᑐᐊᕐᐸᑕ ᑮᓇᐅᔭᕐᓂᒃ, ᐅᓪᓗᖃᕐᑎᑕᐅᓂᒃᑯᑦ ᐊᒻᒪᓗ ᐊᑐᐃᓐᓇᓯᕕᖃᕐᑎᑕᐅᑦᓯᐊᓂᒃᑯᑦ. ᐱᖕᖑᐊᓂᓕᕆᓂᕐᒥᒃ ᐱᒍᑦᔨᕕᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG) ᑲᒪᒋᔭᖃᕐᑐᖅ ᐊᑐᓕᕐᑎᓯᓂᕐᒥᒃ ᑕᒪᑦᓱᒪᐅᑉ ᐱᓇᓱᐊᕐᑕᐅᓂᖓᓂᒃ.

 

ᐃᓅᖃᑎᒌᑎᒍᑦ ᑐᕌᒐᕆᔭᖓ

ᐃᓅᖃᑎᒌᑎᒍᑦ ᓂᑦᔭᓗᑦᑖᓂᕐᒥᒃ ᐃᓕᓐᓂᑎᑦᓯᓗᑎᑦ, ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖓ ᐊᒥᓱᖕᖑᐃᒋᐊᕐᓂᖃᕋᓱᐊᓚᖓᔪᖅ ᐱᕕᑦᓴᖃᕐᑎᓯᓂᕐᒥᒃ ᐊᒻᒪᓗ ᐱᒍᒫᓚᖀᒐᓱᐊᕐᓂᒥᒃ ᐱᒋᐅᕐᓭᑎᑦᓯᓂᖃᕐᓗᑎᑦ ᐃᓄᓐᓂᒃ ᓄᓇᓕᒻᒥᒃ ᐱᓯᒪᔪᓂᒃ ᓂᑦᔭᓗᑦᑖᑎᓂᒃ. ᖃᓄᐃᑦᑑᓂᖓ ᐊᒻᒪᓗ ᐋᕐᕿᓱᒋᐊᕐᑕᐅᓯᒪᓂᖓᑕ ᐱᒋᐅᕐᓴᑎᑦᓯᓂᐅᑉ ᐊᒥᓲᖕᖏᑐᓄᑦ ᐃᓕᓐᓂᐊᑐᑦᓴᓄᑦ ᐃᓄᓐᓄᑦ ᓂᑦᔭᓗᑦᑖᑎᓄᑦ ᑐᓂᔨᓯᒪᒍᑕᐅᓚᖓᔪᖅ ᐃᓕᓐᓂᐊᑎᑦᓯᔨᓄᑦ ᐊᒻᒪᓗ ᐱᒍᓐᓇᑐᓪᓚᕆᓐᓄᑦ ᓂᑦᔭᓗᑦᑖᓂᕐᒥᒃ ᑐᑭᒧᐊᕐᑎᑕᐅᓂᖃᕐᓗᑎᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᖕᖑᐊᓂᓕᕆᓂᖓᑕ ᐱᒍᑦᔨᕕᖓᑕ ᓂᑦᔭᓗᑦᑖᓂᕐᒥᒃ ᖃᓄᐃᓘᒋᐊᖁᔨᔨᖓᓄᑦ. ᒪᓕᓪᓗᒋᑦ ᐃᓕᓐᓂᐊᑐᑦ ᐱᒍᓐᓇᓂᖏᑦ ᐱᒋᐅᕐᓴᔭᐅᓗᑎᑦ, ᐃᓄᐃᑦ ᓂᑦᔭᓗᑦᑖᑏᑦ ᐱᕕᑦᓴᖃᕐᑎᓯᓯᖃᑦᑕᓚᖓᔪᑦ ᖃᐅᔨᒪᔭᕐᒥᓂᒃ ᓄᓇᓕᒻᒥᐅᓂᒃ ᐃᓕᓐᓂᐊᑎᑦᓯᖃᑦᑕᓗᑎᑦ ᓂᑦᔭᓗᑦᑖᓂᕐᒥᒃ ᐊᓕᐊᒋᔭᓕᓐᓄᑦ ᐱᖕᖑᐊᕆᐅᕐᓴᑎᑦᓯᖃᑦᑕᓗᑎᑦ ᐊᑦᔨᒌᖕᖕᖏᑐᓂᒃ ᓂᑦᔭᓗᑦᑖᕈᑎᓂᒃ.

ᓄᓇᕕᒃ ᓂᑦᔭᓗᑦᑖᓯᑎᒃ ᐅᒃᑯᐃᑎᕆᓚᖓᔪᖅ ᐃᓚᐅᒍᒪᔪᓄᑦ ᐊᖏᔪᐊᓗᒻᒥᒃ ᓂᑦᔭᓗᑦᑖᓂᕐᓅᓕᖓᔪᓂᒃ, ᑲᔪᖏᕐᓭᓂᒃᑯᑦ ᐱᒍᓐᓇᕕᓕᒫᖏᓐᓄᑦ, ᐊᖏᓕᒋᐊᕐᑎᓯᓂᒃᑯᑦ ᐱᖕᖑᐊᓂᕐᒥᑕ ᖃᓄᐃᓘᕈᓐᓇᓂᖏᓐᓂᒃ ᐊᒻᒪᓗ ᑎᒍᓯᖃᑦᑕᓂᒃᑯᑦ ᒪᓕᒐᑦᓴᓯᐊᖁᑎᒋᔭᕐᒥᑕ ᐱᖕᖑᐊᕈᓯᖏᓐᓂᒃ. ᑎᒍᓯᐊᕐᓯᒪᓂᒃᑯᑦ ᐃᓄᐃᑦ ᐃᓗᕐᖁᓯᖓᓂᒃ, ᐃᑉᐱᒋᓱᑎᑦᓯᓂᒃᑯᑦ ᐃᒻᒥᓂᒃ ᖃᓄᐃᓘᕈᓐᓇᓂᖏᓐᓂᒃ ᓂᑦᔭᓗᑦᑖᓂᒃᑯᑦ, ᐃᒻᒥᓂᒃ ᓈᒻᒪᒋᓂᒃᑯᑦ ᐊᒻᒪᓗ ᖃᔪᓯᑦᓯᐊᕈᓐᓇᓂᒃᑯᑦ, ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖓ ᖁᕝᕙᒋᐊᕆᓯᒪᒐᓱᐊᕐᑐᖅ ᐱᐅᔪᒨᓕᖓᔪᓂᒃ ᐃᓅᓯᕐᒥᒃ ᐱᕕᑦᓴᖃᕐᑎᓯᓂᒃᑯᑦ ᐃᓚᐅᔪᓂᒃ ᐊᒻᒪᓗ ᑐᑭᖃᕐᓇᓯᐊᕐᑐᓂᒃ ᐃᑲᔪᕐᓯᓂᕐᒥᒃ ᓄᓇᓕᐅᔪᓂᒃ.

 

ᐃᒻᒥᓂᕿᒍᓐᓇᓂᖅ ᐊᒻᒪᓗ ᒪᑭᑕᑎᑕᐅᖏᓐᓇᓂᖓ ᐃᓄᐃᑦ ᐃᓕᕐᖁᓯᖓ

ᑕᑯᓐᓇᒋᔭᖃᕐᓂᒃᑯᑦ ᐱᕙᓪᓕᐊᑎᑦᓯᓂᕐᒥᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖏᑦ ᓄᓇᓕᓕᒫᓂᒃ, ᓂᑦᔭᓗᑦᑖᓂᕐᒥᒃ ᐃᓕᓐᓂᐊᑎᑦᓯᔩᑦ ᐳᓚᕋᖃᑦᑕᓚᖓᔪᑦ ᓄᓇᓕᓐᓂᒃ ᐱᒍᒪᔪᓂᒃ ᑐᓂᓯᓂᖃᕆᐊᑐᖃᑦᑕᓗᑎᑦ ᐱᒋᐅᕐᓭᓂᕐᒥᒃ ᓄᓇᓕᒻᒥᐅᓂᒃ ᓂᑦᔭᓗᑦᑖᑎᓂᒃ ᐊᒻᒪᓗ ᐱᒋᐅᕐᑎᒐᓱᐊᕐᓗᒋᑦ ᐃᒻᒥᓂᒃ ᐊᐅᓚᑦᓯᒍᓐᓇᓂᕐᒥᒃ ᓄᓇᓕᒻᒥᒃ ᓂᑦᔭᓗᑦᑖᓂᓕᕆᓂᕐᒥᒃ ᐃᓕᒃᑯᑦ.

2017-ᖑᑎᓪᓗᒍ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᖕᖑᐊᓂᓕᕆᓂᕐᒥᒃ ᐱᒍᑦᔨᕕᖓᑕ ᓂᑦᔭᓗᑦᑖᓂᕐᒥᒃ ᖃᓄᐃᓘᒋᐊᖁᔨᔨᖓ ᐸᕐᓇᓯᒪᓚᖓᔪᖅ ᐳᓚᕋᖃᑦᑕᓂᕐᒥᒃ ᓄᓇᓕᓐᓄᑦ ᓄᓇᕕᒻᒦᑐᓄᑦ ᓄᐊᑦᓯᒋᐊᕐᑐᖃᑦᑕᓗᓂ ᐱᒍᒪᒐᔭᕐᑐᓂᒃ ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᕆᔭᖓᓂᒃ ᐊᒻᒪᓗ ᓇᓗᓀᔦᓂᖃᖃᑦᑕᓗᓂ ᐱᒍᓐᓇᓂᖃᑦᓯᐊᑐᓂᒃ ᓄᓇᓕᒻᒥᐅᓂᒃ ᓂᑦᔭᓗᑦᑖᑎᓂᒃ.

 

ᑲᑐᑦᔨᖃᑎᒌᓐᓂᖅ - ᐱᔭᐅᓯᒪᕐᖄᕆᐊᓖᑦ ᐃᖏᕐᕋᓯᐊᕈᓐᓇᓂᕆᓚᖓᔭᖓᓄᑦ ᓄᓇᕕᒃ ᓂᑦᔭᓗᑦᑖᓯᑎᒃ ᓂᑦᔭᓗᑦᑖᓂᐅᑉ ᐱᓇᓱᐊᕐᑕᐅᓂᖓᓄᑦ

ᐱᒻᒪᕆᐅᓂᖓ ᓴᐳᑎᔭᐅᒋᐊᖃᕐᓂᐅᑉ ᐊᑦᔨᒌᖕᖏᑐᓄᑦ ᓄᓇᓕᓕᒫᓂᒃ ᐊᒻᒪᓗ ᓄᓇᓕᒻᒥᒃ ᑎᒥᐅᔪᓄᑦ ᐅᖃᕆᐊᓪᓚᕆᐊᑐᖕᖏᑐᖅ. ᑕᒪᑦᓱᒪᐅᑉ ᓴᐳᑎᔭᐅᓂᕆᔭᖓᑕ ᐱᓇᓱᐊᕐᑕᐅᓂᐅᔫᑉ ᐊᒻᒪᓗ ᐃᑉᐱᒋᔭᐅᑦᓯᐊᕋᓱᐊᕐᓂᖏᑦᑕ ᐅᕕᒃᑲᐅᔪᑦ ᓄᐃᑕᑎᑕᐅᑦᓯᐊᕈᓐᓇᕕᖃᕐᑐᖅ. ᐊᓪᓚᓯᒪᔪᐃᑦ ᓄᓇᕕᒃ ᓂᑦᔭᓗᑦᑖᓯᑎᒃ ᐃᑲᔪᖃᑎᒌᑦᑐᑦ ᐊᒻᒪᓗ ᓀᓈᕐᑐᒥᒃ ᖃᓄᖅ ᐃᑲᔪᕐᓯᒪᓂᕆᔭᖏᑦ ᓄᐃᑕᐅᒋᐊᕕᑦᑐᑦ ᖃᒻᒥᑯᑦ.

 

ᐊᐱᕆᐅᑎᑦᓴᖃᕈᕕᑦ ᐅᕝᕙᓘᓐᓃᑦ ᑐᓴᕆᐊᑦᓯᐊᕈᒪᒍᕕᑦ:

2016 10 25 NunavikRocks Profile Image

facebook