ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᓕᒌᑦ ᓄᓇᕕᒻᒥᐅᑦ-ᑯᐯᒃ

 

ᖃᓄᐃᑦᑐᔭᐅᓂᖏᑦ

ᑯᐯᒃ ᐊᐅᓪᓚᑎᑦᓯᖃᑦᑕᓯᒪᔪᖅ ᐱᖕᖑᐊᑎᓂᒃ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᓄᑦ (AWG) 1972-ᒥ, 1974-ᒥ, 1976-ᒥ ᐊᒻᒪᓗ ᐱᒋᐊᓪᓚᓯᒪᒻᒥᓱᓂ 1986-ᒥ ᐱᒋᐊᕐᓱᒍ. 2000-ᒥᓂᒃ, ᐃᓕᒌᑦ ᓄᓇᕕᒃ-ᑯᐯᒃ (TNQ) ᐃᓚᐅᖃᑕᐅᓂᕐᒥᒃ ᑲᔪᓯᑎᑦᓯᓯᒪᔪᑦ ᐊᕐᕌᒎᒃ ᒪᕐᕉᒃ ᑕᒫᑦ.

ᐃᓕᒌᑦ ᓄᓇᕕᒃ-ᑯᐯᒃ 2016-ᒥ ᐃᓐᓄᓯᒪᓛᕐᑐᑦ 64-ᓂᒃ ᐱᖕᖑᐊᑎᓂᒃ, ᐱᖓᓲᔪᕐᑐᓂᒃ ᐃᓗᕐᖁᓯᕐᒥᒃ ᑕᑯᓐᓇᑎᑦᓯᔨᓂᒃ, 13-ᓂᒃ ᓴᖑᐊᑦᓯᔨᓂᒃ ᐊᒻᒪᓗ ᓯᑕᒪᐅᔪᖕᖏᒐᕐᑐᓂᒃ ᐱᖕᖑᐊᕆᐊᕐᑐᓯᒪᔪᑦ ᐱᓇᓱᑦᑎᖏᓐᓂᒃ. ᐱᖕᖑᐊᑎᕗᑦ ᐃᓚᐅᓛᕐᑐᑦ ᑕᓪᓕᒣᓄᑦ ᐱᖕᖑᐊᕈᓯᕐᓄᑦ ᐊᑦᔨᒌᖕᖏᑐᓄᑦ: ᐅᑭᐅᕐᑕᑐᒥᐅᑦ ᐱᖕᖑᐊᕈᓯᖏᑦ, ᖁᐸᓄᐊᖕᖑᐊᒧᑦ ᐸᑦᑕᓂᖅ, ᓄᓇᒃᑯᑦ ᓯᑐᕋᐅᓯᔭᐅᑎᓄᑦ ᓱᑲᓕᐅᑎᓂᖅ, ᑎᓃ ᐱᖕᖑᐊᕈᓯᖏᑦ, ᓵᒥ ᐸᑦᑕᓂᖅ ᐊᒻᒪᓗ ᑕᓪᓗᕈᑎᓄᑦ ᓱᑲᓕᐅᑎᓂᖅ. ᒫᓐᓇᒧᑦ ᑎᑭᑦᓱ, ᐱᖕᖑᐊᑎᕗᑦ ᐱᓯᑎᐅᓂᐅᕙᑦᑐᑦ ᐅᑭᐅᕐᑕᑐᒥᐅᑦ ᐱᖕᖑᐊᕈᓯᖏᓐᓄᑦ ᐊᒻᒪᓗ ᑎᓃ ᐱᖕᖑᐊᕈᓯᖏᓐᓄᑦ, ᑖᒃᑯᐊ ᐱᐅᓯᑐᖃᐅᑦᓱᑎᒃ ᐱᖕᖑᐊᓂᐅᑎᓪᓗᒋᑦ ᐊᓕᐊᒋᔭᐅᑦᓱᑎᒃ ᐊᑦᔨᒌᖕᖏᑐᓂᒃ ᐃᓗᕐᖁᓯᑦᓴᔭᓕᓐᓄᑦ ᓇᓂᑐᐃᓐᓇᓕᒫᖅ ᓯᓚᕐᔪᐊᑉ ᐅᑭᐅᕐᑕᑐᖓᓂ.

ᐃᓕᒌᑦ ᓄᓇᕕᒃ-ᑯᐯᒃ ᐃᓗᕐᖁᓯᕐᒥᒃ ᑕᑯᓐᓇᑎᑦᓯᔨᖏᑦ ᐃᓚᐅᓲᖑᕗᑦ ᐃᓗᕐᖁᓯᕐᓅᓕᖓᔪᓂᒃ ᐁᑦᑐᑑᑎᓂᕐᒧᑦ, ᖃᐅᑕᒫᓪᓗ ᑕᑯᓐᓇᐅᒐᕐᑎᓯᓲᖑᑦᓱᑎᒃ ᐊᒻᒪᓗ ᑕᑯᓐᓴᐅᖓᕐᑎᓯᒻᒪᕆᓕᕐᒪᑕ ᐱᖕᖑᐊᖃᑕᐅᓲᖑᕗᑦ AWG-ᓂ. ᑲᑎᓯᒍᓐᓇᓯᓲᑦ ᐊᓯᓂᒃ ᓄᓇᕐᔪᐊᒥ ᐊᒻᒪᓗ ᓇᐅᑐᐃᓐᓇᓂ ᓄᓇᕐᔪᐊᓂ ᐱᖕᖑᐊᑎᓂᒃ ᐊᒻᒪᓗ ᑕᑯᑎᑦᓯᓲᖑᑦᓱᑎᒃ ᐱᓯᑎᐅᒍᑎᒥᓂᒃ ᐊᒻᒪᓗ ᐱᔪᕆᐅᑎᖃᕐᓂᒥᓂᒃ ᓄᓇᕕᒻᒥᐅᑦ ᐃᓗᕐᖁᓯᖓᓂᒃ, ᐃᓕᓐᓂᐊᖃᑦᑕᓱᑎᓪᓗ ᐊᓯᒥ ᓯᓚᕐᔪᐊᑉ ᐅᑭᐅᕐᑕᑐᖓᓂᒥᐅᑦ ᐃᓗᕐᖁᓯᖏᓐᓂᒃ.

facebook   youtube logo 50 

ᓄᓇᕕᒃ-ᑯᐯᒃ ᒪᓕᒉᑦ ᐱᓂᐊᕐᓂᒧᑦ

ᒪᓕᒉᑦ ᐱᓂᐊᕐᓂᒧᑦ ᐊᒻᒪᓗ ᐃᓂᕐᑎᕆᐅᑎᓄᑦ

 

ᐊᓕᐊᓱᑦᓱᑎᒃ ᐃᑲᔪᕐᓯᒪᔪᑦ ᐃᓕᒌᑦ ᓄᓇᕕᒃ-ᑯᐯᒃᑯᓐᓄᑦ