ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐅᑭᐅᕐᑕᑐᒥ ᐱᙳᐊᓂᕐᔪᐊᓕᕆᓂᖅ

ᐅᑭᐅᕐᑕᑐᒥ ᐅᑭᐅᒥ ᐱᖕᖑᓂᕐᔪᐊᑦ ᐃᑉᐱᒋᔭᐅᓂᖃᒻᒪᕆᓲᑦ, ᓯᓚᕐᔪᐊᒥᐅᑦ ᐱᓕᐅᑎᓂᕆᓲᖏᑦ ᐱᖕᖑᐊᑎᓪᓗᒋᑦ ᑕᕐᕋᒥᐅᑦ ᐱᖕᖑᐊᑏᑦ. ᓯᓚᕐᔪᐊᓕᒫᒥ ᑕᕐᕋᒥ ᐊᒥᓱᐃᓂᒃ ᐱᓕᐅᑎᓂᖃᕐᕕᐅᓲᖅ ᐊᒻᒪᓗ ᐃᓗᒡᒍᓯᑎᒍᑦ ᓱᖃᑦᓯᓂᖃᕐᓱᑎᒃ. ᐱᖕᖑᐊᓂᕐᔪᐊᖅ ᒪᓂᔨᓯᒪᐅᑕᐅᓲᖅ ᐱᕕᑦᓴᖃᕐᑎᓯᐅᑕᐅᑦᓱᓂ ᓲᖑᓯᓕᕐᑎᓯᒋᐊᕐᓂᒥᒃ ᐱᓕᐅᑎᓃᑦ ᑎᒥᑎᒍᑦ ᐱᕙᓪᓕᐊᓂᖏᓐᓂᒃ ᐃᓚᐅᔪᑦ ᐱᖕᖑᐊᕈᓯᒥᓂᒃ ᐱᓕᐅᑎᒍᑎᖃᕐᑎᓗᒋᑦ, ᐱᕙᓪᓖᒍᑕᐅᒋᐊᕐᕕᐅᓱᓂ ᐱᖕᖑᐊᓂᑎᒍᑦ ᐱᓕᐅᑎᔪᓂᒃ, ᐃᑲᔪᕐᑎᒌᑦᑎᓯᒋᐊᕐᓂᒥᒃ, ᐊᒻᒪᓗ ᐱᕙᓪᓕᑕᐅᒋᐊᕐᒥᑎᓪᓗᒋᑦ ᐃᓗᒡᒍᓯᖅ ᐊᒻᒪᓗ ᐱᐅᓯᑐᖃᖅ.
ᑕᓪᓕᒪᐅᔪᖕᖏᒐᕐᑐᑦ ᐅᑭᐅᕐᑕᑐᒥᐅᑦ ᐱᖕᖑᐊᑎᒥᓂᒃ ᐃᓚᐅᑎᑦᓯᓲᑦ ᓵᓚᒋᐅᑎᒐᓱᐊᓚᖓᔪᓂᒃ ᐱᖕᖑᐊᓂᕐᔪᐊᒥ: ᐊᓛᔅᑲ, ᔫᑳᓐ, ᓄᐊᔅ ᕗᐃᐊᔅ ᑎᐊᔨᑐᐊᔩᑦ, ᐊᓪᐴᑕᐅᑉ ᑕᕐᕋᖓ, ᓄᓇᕗᑦ, ᐊᑯᑭᑦᑐᖅ, ᔭᒫᓪ (ᕈᓯᐊ), ᓄᓇᕕᒃ (ᑯᐯᒃ) ᐊᒻᒪᓗ ᓴᑉᒥ (ᓯᑳᓐᑎᓀᕕᐊ). ᐱᓕᐅᑎᑎᑕᐅᓲᑦ ᐱᔪᓐᓇᑕᖏᑦ ᐃᑉᐱᒋᔭᐅᑎᓪᓗᒋᑦ ᐅᑭᐅᕐᑕᑐᒥ ᓄᓇᖏᑎᒍᑦ, ᐆᑦᑑᑎᒋᑦᓱᒋᑦ ᐅᑭᐅᕐᑕᑐᒥᐅᑦ ᐱᖕᖑᐊᕈᓯᖏᑦ ᐊᒻᒪᓗ ᑎᓃᑦ. ᑖᒃᑯᐊ ᐱᖕᖑᐊᓂᑎᒍᑦ ᐱᓕᐅᑎᓃᑦ ᐱᖕᖑᐊᓂᕐᔪᐊᒥ ᐊᑦᔨᒌᖕᖏᐅᑎᓕᓐᓂᒃ ᑲᑎᓚᖀᕙᑦᑐᑦ; ᑖᓐᓇ ᓯᓚᕐᔪᐊᒥ ᑖᓐᓇᑑᑦᓱᓂ ᐱᖕᖑᐊᓂᑎᒍᑦ ᐱᓕᐅᑎᓂᕐᓂᒃ ᑲᑎᓚᖀᒍᑕᐅᓲᖅ ᐱᒻᒪᕆᑎᒍᑦ ᐃᓕᑕᕐᓯᔭᐅᓯᒪᑎᓪᓗᒋᑦ ᑖᒃᑯᐊ ᕿᒻᒪᑯᒍᑎᑎᒍᑦ ᐱᖕᖑᐊᕈᓯᖏᑦ.
ᓄᓇᓕᓕᒫᒥᐅᑦ ᐃᓚᐅᒍᓐᓇᓯᒪᓕᕐᑎᓗᒋᑦ ᒪᕐᕉᒃ ᐊᕐᕌᒎᒃ ᓈᑐᐊᕐᒪᓃᒃ ᐊᑑᑎᑦᑕᓂᖓ ᐱᖕᖑᐊᓂᕐᔪᐊᒧᑦ ᐃᓚᐅᕙᒍᓐᓇᓯᑦᓱᑎᒃ 2000-ᒥ ᕗᐃᑦᐅᐊᔅ, ᔫᑳᓐᒥ, ᓄᓇᕕᒃ-ᑯᐯᒃ ᐱᖕᖑᐊᑎᖏᑦ ᓲᖑᓯᕙᓪᓕᐊᑐᐃᓐᓇᓯᒪᔪᑦ, ᑕᒪᖏᓐᓂᒃ ᑎᒥᒥᑎᒍᑦ ᐱᖕᖑᐊᕈᓯᒥᑎᒍᑦ ᐊᒻᒪᓗ ᐃᓕᓐᓇᖓᑦᓯᐊᕈᓐᓇᓂᕐᒥᑎᒍᑦ. ᐃᑲᔪᕐᓯᒍᒪᓪᓗᒋᑦ ᐊᑐᐃᓐᓇᕈᕐᑎᑎᓪᓗᒋᑦ ᐱᖕᖑᐊᑏᑦ ᐊᒻᒪᓗ ᐱᓯᑎᖕᖑᑎᒋᐊᕐᓱᒋᑦ, ᐱᖕᖑᐊᓂᓕᕆᕕᒃ ᑲᔪᓯᑎᑦᓯᓲᖅ ᓄᓇᓕᓐᓂ, ᓯᑦᔭᑎᒍᑦ ᐊᒻᒪᓗ ᓄᓇᓕᓕᒫᑎᒍᑦ ᐱᓕᐅᑎᓂᖃᕐᑎᓯᑦᓱᓂ ᐊᕐᕌᒎᓐᓂ ᒪᕐᕉᓂ ᐊᑐᐃᓐᓇᕈᕐᑎᓯᑎᑦᓯᓱᓂ ᐱᖕᖑᐊᓂᕐᔪᐊᖃᕐᓇᐅᑉ ᐊᑯᓐᓂᖏᓐᓂ. ᐱᖕᖑᐊᑏᑦ ᐃᓚᐅᔪᖕᖑᑐᑦ ᓄᓇᕕᒃ-ᑯᐯᒃ ᐱᖕᖑᐊᑎᖏᓐᓄᑦ ᓇᓪᓕᑳᕐᑕᐅᕙᑦᑎᓗᒋᑦ ᑐᖕᖓᕕᒋᑦᓱᒋᑦ ᑎᒥᒥᑎᒍᑦ ᐱᖕᖑᐊᓯᑎᐅᓂᖏᑦ, ᐱᓕᐅᑎᖃᑕᐅᑦᓱᑎᒃ ᖃᓄᐃᓕᖕᖓᖃᔭᖕᖏᓂᖏᑦ ᐊᒻᒪᓗ ᓯᕗᓕᕐᑎᐅᒍᓐᓇᓂᖏᑦ.
Ministère de l’Éducation, et de l’Enseignement supérieur (ᐃᓕᓴᕐᓂᖅ ᐊᒻᒪᓗ ᐃᓕᓴᕐᓂᖅ ᐳᕐᑐᓂᕐᓴᖅ), ᑲᑎᕕᒃ ᐃᓕᓴᕐᓂᓕᕆᕕᒃ, ᒪᑭᕝᕕᒃ ᑯᐊᐳᔦᓴᓐ ᐊᒻᒪᓗ ᐃᓄᐃᑦ ᑎᒻᒥᔫᖏᑦ ᐱᒻᒪᕆᐅᑦᓱᑎᒃ ᐱᓇᓱᐊᖃᑎᒌᒍᑎᖃᕐᐸᑐᑦ. ᓄᓇᕕᒃ-ᑯᐯᒃ ᐱᖕᖑᐊᑎᖏᑦ ᐁᑦᑐᑕᐅᕙᒻᒥᔪᑦ ᑲᔪᓯᒍᑎᑦᓴᓂᒃ ᐊᓯᖏᓐᓂᑦ ᓄᓇᓕᓕᒫᓂ ᑎᒥᓂᑦ ᐊᒻᒪᓗ ᐱᓯᓂᓯᓂᑦ.

www.arcticwintergames.org/

Logo resized