ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᕿᓂᕐᓂᖅ ᐊᒻᒪᓗ ᐱᐅᓕᑦᓯᓂᖅ

ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯᑦ (KRPF) ᑎᒥᐅᑦᓱᑎᒃ ᑲᒪᔨᐅᕗᑦ ᓄᓇᒥ ᕿᓂᕐᓂᒥᒃ ᐊᒻᒪᓗ ᐱᐅᓕᑦᓯᓂᕐᒥᒃ ᐱᓇᓱᐊᕈᑎᓂᒃ ᓄᓇᕕᐅᑉ ᐃᓗᐊᓂ ᐱᓇᓱᖃᑎᖃᑦᓯᐊᕆᐊᖃᕐᓱᑎᒃ ᓄᓇᓕᓐᓂ, ᓄᓇᓕᓕᒫᓂᓗ ᐊᒻᒪᓗ ᑯᐯᒻᒥ ᐊᖓᔪᕐᖄᓂᒃ. 2012-ᒥᓂᒃ, KRPF-ᑯᑦ ᐃᓚᒋ ᔭᐅᓪᓚᕆᓕᕐᑐᑦ ᑲᑐᑦᔨᔪᓄᑦ ᐱᐅᓕᑦᓯᒋᐊᕐᑐᑐᓂᒃ ᑐᑭᒧᐊᑦᑎᓯᔨᒃᑯᓄᑦ (ᑳᓇᑕᒥᐅᑦ ᐅᓇᑕᕐᑎᖏᑦᑕ ᐊᐅᓚᑕᖏᓐᓄᑦ ᐃᑲᔪᕐᑎᖃᕐᓱᑎᒃ ᑳᓇᑕᒥᐅᑦ ᓯᑦᔭᖏᓐᓂᒃ ᐸᐸᑦᓯᔨᓂᒃ) ᐊᑦᑐᐊᑎᓪᓗᒍ ᓂᒫᓪᓚᕈᑎᓄᑦ ᓇᓪᓕᐅᑎᔪᖃᕐᐸᑦ ᐅᒥᐊᑦ ᐅᕝᕙᓘᓐᓃᑦ ᖃᖓᑦᑕᔫᑦ ᐱᓂᕐᓗ ᓂᒐᓚᖏᓐᓂᒃ ᑕᒪᑐᒪ ᓄᓇᖁᑎᐅᑉ ᐃᓗᐊᓂ ᐊᕙᑖᓂᓗ. ᓄᓇᒃᑯᑦ ᓄᓇᐅᓪᓗ ᓯᓂᖏᑎᒍᑦ ᐃᖏᕐᕋᔪᑦ ᓄᓇᕕᒻᒥ ᑲᒪᖃᑦᑕᕆᐊᓖᑦᐱᑕᖃᕋᓗᐊᕐᒪᖔᕐᒥᒃ ᐱᐅᓯᑐᐃᓐᓇᓂᒃ ᐊᓐᓇᐅᒪᓂᕐᒥᒃ ᐱᒋᐅᕐᓂᐅᒍᑎᓂᒃ ᐊᒻᒪᓗ ᐊᑦᑕᓇᕐᓯᑌᓕᒍᑎᓂᒃ ᖃᐅᔨᒪᒍᓯᕐᓂᒃ, ᐊᒻᒪᓗ ᓇᑦᓴᖏᓐᓇᖃᑦᑕᕆᐊᖃᕐᓱᑎᒃ ᐱᐅᓕᓐᓂᐊᒐᕐᓂᒃ ᐊᑐᕆᐊᓕᒻᒥᓂᒃ.