ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐳᓖᓰᑦ ᐱᓇᓱᓐᓂᖓᑦ

ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯᑦ (KRPF) ᑐᓂᔨᓲᖑᕗᑦ ᐊᑌᓐᓇᑐᓂᒃ ᐳᓖᓰᑦ ᐱᑦᔪᔨᐅᑎᖏᓐᓂᒃ ᐱᓇᓱᕝᕕᐊᐱᖃᕐᓱᑎᒃ ᐊᑐᓂ ᓄᓇᓕᓐᓂ. ᓄᓇᓕᓐᓂ ᐱᓇᓱᕝᕕᐊᐱᖏᑦ ᐃᓄᖃᓲᑦ ᐱᖓᓱᓂᒃ ᐳᓖᓯᓂᒃ, ᐊᑦᔨᐅᖏᒃᑲᓗᐊᕐᑎᓗᒋᑦ ᑰᔾᔪᐊᕌᐱᒃ, ᐃᓄᒃᔪᐊᒃ, ᓴᓪᓗᐃᑦ ᐳᕕᕐᓂᑐᖅ ᐊᒻᒪᓗ ᑰᔾᔪᐊᖅ, ᑖᒃᑯᐊ ᐃᓛᒃᑯᑦ ᓯᑕᒪᓂᒃ, ᑕᓪᓕᒪᓂᒃ, ᐱᖓᓲᔪᕐᑐᓂᒃ, ᓯᑕᒪᐅᔪᖕᖏᒐᕐᑐᓂᒃ ᐊᒻᒪᓗ ᓯᑕᒪᐅᔪᕐᑐᓂᒃ ᐳᓖᓯᖃᕐᒪᑕ. KRPFᑯᑦ ᐊᓪᓚᕕᒻᒪᕆᖏᑦ ᑰᔾᔪᐊᒦᑦᑐᑦ.

ᓄᓇᕕᒻᒥ ᑭᓪᓕᓯᓂᐊᕈᑎᓂᒃ ᐱᓇᓱᑦᑏᑦ ᐱᖕᖑᑎᑕᐅᓯᒪᔪᑦ 2009-ᒥ ᑫᓪᓗᐊᓚᖓᑎᓪᓗᒋᑦ ᖃᐅᔨᒪᔭᒥᓂᒃ ᐊᒻᒪᓗ ᐱᓯᑎᐅᒍᑎᒥᓂᒃ ᐁᑦᑐᑑᑎᑦᓯᐊᓂᕐᒥᒃ KRPF-ᑯᑦ ᐊᒻᒪᓗ ᑯᐯᒃᑯᑦ ᐳᓖᓯᖏᑦᑕ (SQ) ᐊᑯᓐᓂᖓᓂ. ᐊᑕᐅᓯᕐᒥᒃ KRPF-ᑯᓐᓂᒃ ᐱᔪᒥᒃ ᐊᒻᒪᓗ ᓯᑕᒪᓂᒃ SQ-ᑯᓂᒃ ᐱᔪᓂᒃ ᐃᓄᖃᕐᓱᑎᒃ ᑰᔾᔪᐊᒥ ᑐᖕᖓᕕᓕᓐᓂᒃ, ᓄᓇᕕᒻᒥ ᑭᓪᓕᓯᓂᐊᕈᑎᓂᒃ ᐱᓇᓱᑦᑏᑦ ᑲᒪᓲᖑᕗᑦ ᐋᖓᔮᓐᓇᑐᓂᒃ ᓂᐅᕐᕈᓯᕐᑐᓂᒃ ᐊᒻᒪᓗ ᐃᒥᐊᓗᓐᓂᒃ ᑕᒪᐅᒣᓐᓇᖅ ᓂᐅᕐᕈᓯᕐᑐᓂᒃ, ᐊᒻᒪᓗ ᓄᓕᐊᕐᓂᒧᑦ ᐊᑦᑐᐊᔪᓂᒃ ᐱᓂᕐᓗᕈᑎᓂᒃ. ᓱᓕᐅᒻᒥᔪᖅ KRPF-ᑯᑦ ᐱᓗᑲᑦᑐᓂᒃ ᖃᐅᔨᒪᓇᓱᑦᑎᒥᒃ ᐳᓖᓯᖃᕐᒥᔪᑦ ᑲᒪᕙᓪᓗᑐᐃᓐᓇᑐᒥᒃ ᐋᖓᔮᓐᓇᑐᓂᒃ ᓂᐅᕐᕈᓯᕐᓂᐅᑉ ᐊᒻᒪᓗ ᐃᒥᐊᓗᓐᓂᒃ ᑕᒪᐅᓀᓐᓇᖅ ᓂᐅᕐᕈᓯᕐᓂᐅᑉ ᑲᒪᒍᑎᑕᖏᓐᓂᒃ. ᑖᑦᓱᒪ ᐱᓇᓱᒐᖓ ᑮᓇᐅᔭᖃᕐᑎᑕᐅᔪᖅ ᐅᖓᓗᒃ ᐊᑦᑕᓇᖕᖏᓂᕐᓴᓂᒃ ᓄᓇᓕᖃᕐᓂᒥᒃᐱᓂᐊᕐᓂᖃᕐᑎᓯᔩᑦ ᐊᑖᒍᑦ.  ᑖᑦᓱᒪ ᐳᓖᓯᐅᑉ ᐱᓇᓱᒋᐊᓕᖏᑦ ᐃᓚᖃᓲᑦ ᓄᓇᓕᓐᓂᒃ ᓄᐊᑦᓯᓂᕐᒥᒃ ᖃᐅᔨᒪᒍᑎᑦᓴᓂᒃ ᐊᑐᕈᓐᓇᑐᓂᒃ ᕿᓂᕈᑎᓂᒃ ᐅᕝᕙᓘᓐᓃᑦ ᑎᒍᔨᓐᓂᒍᑎᓂᒃ ᑲᔪᓯᑎᑦᓯᒍᑎᒋᓗᒋᑦ ᑲᕙᒫᐲᑦ ᐱᖁᔮᐱᖏᑦᑕ ᐊᑖᒍᑦ.

ᓄᓇᓕᑐᖃᑦᓴᔦᑦ ᑕᐱᕇᑦ ᐊᑦᔨᐅᖏᑦᑐᑦ ᐳᓖᓰᑦ (A-CFSEU) ᐊᓯᒋᒻᒥᔭᖏᑦ ᑲᑐᑦᔨᓂᒃᑯᑦ ᐳᓖᓯᖃᕐᓂᒥᒃ ᐱᒋᐊᕈᑕᐅᓯᒪᑦᓱᑎᒃ ᐃᓚᐅᕕᐅᑎᓪᓗᒋᑦ ᐊᑕᓂᐅᑉ ᑳᓇᑕᒥ ᕿᒻᒥᔪᐊᓕᖏᓐᓄᑦ ᐳᓖᓯᓄᑦ, SQ-ᑯᓄᑦ ᐊᒻᒪᓗ ᓄᓇᓕᑐᙯᑦ ᐳᓖᓯᖏᓐᓄᑦ ᓇᓂᑐᐃᓐᓇᖅ ᑯᐯᒻᒥ.

 

 

 

logo_KRPF