ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑎᒍᔭᐅᒪᔪᓂᒃ ᐸᐸᑦᓯᓂᖅ ᐊᒻᒪᓗ ᐊᐅᓪᓚᐅᔨᓂᖅ

ᑮᓇᐅᔭᕐᑎᒍᑦ ᐅᖁᒣᓗᑕᖅ ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯᑦ (KRPF) ᓇᑦᓴᑕᖓᑦ ᐱᑦᔪᑎᖃᕐᑎᓗᒍ ᐸᐸᑦᓯᓂᕐᒥᒃ ᐊᒻᒪᓗ ᐊᐅᓪᓚᐅᔨᓂᕐᒥᒃ ᑎᒍᔭᐅᒪᔪᓂᒃ ᒪᓕᑐᐃᓐᓇᐳᖅ ᖃᑦᓯᑦ ᑎᒍᔭᐅᓂᖓᓂᒃ, ᐊᓂᑎᑕᐅᒍᓐᓇᒪᖔᑦ ᑐᓵᒍᑕᐅᓂᖓᓂᒃ ᐊᒻᒪᓗ ᐃᕐᖃᑐᕐᑕᐅᓂᖓᓂᒃ ᑕᒪᐅᖓ ᓄᓇᒧᑦ ᑎᑭᑦᑕᑐᓄᑦ ᐃᕐᖃᑐᐃᔨᓄᑦ. ᐊᑭᖏᑦ ᐊᓪᓛᑦ ᐃᒻᒪᖃᐅᑦᓵᓱᒋᑦ 15%-ᒥᒃ ᓄᐃᑕᑦᓯᔪᕆᔭᐅᔪᑦ KRPF-ᑯᑦ ᐃᖏᕐᕋᓂᕐᒥᓄᑦ ᑐᕌᒐᖏᓐᓂ. KRPF-ᑯᑦ ᐱᓇᓱᖃᑎᖏᓪᓗ ᓱᓕ ᓇᓗᓀᕐᓯᒍᓐᓇᓯᕋᑕᖕᖏᑐᑦ ᒫᓐᓇᓴᐅᑎᒋᒃ ᐋᕐᕿᕈᑎᑦᓴᓂᒃ ᑖᒃᑯᐊ ᑮᓇᐅᔭᕐᑑᑕᐅᔪᑦ ᐃᑭᓕᐅᒥᒍᑎᑦᓴᖏᓐᓂᒃ. ᑮᓇᐅᔭᕐᑐᑕᐅᖕᖏᓚᕿᔪᑦ ᑕᒪᑐᒨᓇ ᒪᓂᔨᒐᔭᕐᑐᑦ ᑮᓇᐅᔭᒋᐊᓪᓚᓂᒃ ᐊᑐᕈᓐᓇᑐᓂᒃ ᐱᐅᓯᒃᑯᑦ ᐳᓖᓰᑦ ᐱᑦᔪᔨᒍᑎᑐᐃᓐᓇᖏᓐᓄᑦ. KRPF-ᑯᑦ ᐃᓐᓄᐃᒍᓐᓇᖏᐅᒪᖃᑦᑕᓚᐅᔪᔪᑦ ᐸᐸᑦᓯᔩᑦ ᐃᓂᖏᓐᓂᒃ ᓄᓇᓕᓐᓂ ᐃᓄᐃᕈᓯᒪᔪᓂᒃ ᖃᖓᑐᐃᓐᓇᑲᓪᓛᑯᑦ ᐊᕐᕌᒎᑉ ᐃᓗᐊᓂ. ᐃᓚᖓᓂᒃ, ᐳᓖᓰᑦ ᓂᐳᕐᑎᓯᒍᓐᓇᖃᑦᑕᓚᐅᔪᔪᑦ ᑌᒫᒃ ᐱᑦᔪᔨᒍᑕᐅᒋᐊᓕᓐᓂᒃ ᐃᓚᐅᑎᓪᓗᒍ ᐱᐅᓯᒃᑯᑦ ᐱᓇᓱᐊᑦᓴᕆ ᓲᒥᓄᑦ, ᐊᓯᖏᑎᒍᑦ, ᐱᓇᓱᑦᑏᑦ ᐱᔭᐅᑐᐃᓐᓇᒨᖃᑦᑕᑎᓪᓗᒋᑦ ᓯᕿᓂᕐᒥᐅᑦ ᓄᓇᖓᓂᒃ ᐱᑎᑕᐅᖃᑦᑕᓱᑎᒃ ᐊᑦᔨᓂᒃ ᓄᓇᓕᓐᓂ ᐸᐸᑦᓯᔨᕐᑖᖑᓯᒪᔪᑦ ᑮᓇᐅᑦᔭᓵᕆᓲᖏᓐᓄᑦ