ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᒫᓂ ᐊᑦᑕᓇᖕᖏᓂᖅ

ᑕᕆᐅᒥ ᕿᓂᕐᓂᒥᒃ ᐊᒻᒪᓗ ᐱᐅᓕᑦᓯᓂᖅᒥᒃ(SAR) ᓄᓇᕕᒻᒥ ᐱᔭᕆᐊᑐᔪᒻᒪᕆᐅᕗᑦ: ᓄᓇ ᐊᓯᓕᒫᖏᓐᓄᑦ ᐅᖓᓯᑦᑐᒪᕆᐊᓗᒃ, 2,500 ᑭᓛᒥᑕᓂᒃ ᑕᑭᓂᓕᒻᒥᒃ ᓯᓂᖃᕐᓱᓂ ᐊᒻᒪᓗ ᐊᒥᓱᓂᒃ ᐃᒪᖃᕐᓱᓂ ᐃᕐᖃᓯᐅᕐᑕᐅᓯᒪᖕᖏᑐᓂᒃ. ᑖᓐᓇ ᐱᑦᔪᔨᕕᒃ ᑌᒣᒻᒪᑦ ᐊᑐᓂ ᓄᓇᓕᒻᒥᒃ ᐱᓇᓱᖃᑎᖃᓲᖑᕗᖅ ᓱᕐᖁᐃᓴᕐᓱᓂ ᓱᕙᓪᓕᓇᕐᑐᓂᒃ, ᐱᒋᐅᕐᓴᓯᒪᑦᓯᐊᑐᓂᒃ ᓄᓇᓖᑦ ᕿᓂᕐᓂᒥᒃ ᐊᒻᒪᓗ ᐱᐅᓕᑦᓯᓂᖅᒥᒃ SAR-ᓂᒃ ᐱᓇᓱᑦᑎᓴᖃᕐᓂᖏᓐᓂᒃ ᐊᐅᓚᑦᓯᔪᑦᓴᓂᒃ ᑌᒃᑯᓂᖓ ᓱᑲᑦᑐᔭᓂᒃ ᐅᒥᐊᓂᒃ ᐱᐅᓕᑦᓯᒋᐊᕐᑐᓗᓂ ᐁᓵᕈᑎᓂᒃ ᑲᑐᑦᔮᕆᑦᓱᒋᑦ KRG-ᑯᑦ ᐊᒻᒪᓗ ᒪᑭᕝᕕᐅᑉ ᓂᐅᕕᐊᕆᓚᐅᕐᓯᔭᖏᓐᓂᒃ 2004-ᒥ. 2011-ᒥᓂᒃ, ᑕᕆᐅᒥ ᕿᓂᕐᓂᒥᒃ ᐊᒻᒪᓗ ᐱᐅᓕᑦᓯᓂᖅᒥᒃ SAR-ᒃᑯ ᐱᒋᐅᕐᓴᐅᑏᑦ ᓂᐳᕐᑎᓯᔪᑦ ᐃᖏᕐᕋᒍᑎᓕᕆᔨᒃᑯᑦ ᑳᓇᑕᒥ ᐊᑦᑕᓇᕇᒃᑯᑎᓄᑦ ᐱᐅᓯᐅᖁᔭᖏᓐᓂᒃ ᐊᑐᕐᑎᑕᐅᓯᒪᓕᕐᑐᑦ ᐊᑦᑐᐊᑎᓪᓗᒋᑦ 50 ᐅᖓᑖᓄᑦ ᐅᒥᐊᓕᑦᑕᓄᑦ ᐅᒥᐊᕐᑐᑎᖏᓐᓄᓪᓗ. ᑕᕐᕋᒥᐅᑦ ᓄᓇᓕᖏᑦ ᑮᓇᐅᔭᑎᒍᑦ ᐊᕝᕕᐊᓗᑕᖃᕐᓂᖓᑦ ᐱᑦᔪᑎᒋᑦᓱᒍ, KRG-ᑯᑦ ᑎᒍᓯᓲᖑᕗᑦ ᐊᑭᓕᕐᑐᐃᔨᐅᓂᕐᒥᒃ ᑮᓇᐅᔭᕐᑑᑎᓂᒃ ᐊᕐᕌᒍᑕᒫᑦ ᓴᑑᑎᖃᕐᑎᓯᒍᑎᓄᑦ ᐅᒥᐊᓂᒃ ᓱᑲᑦᑐᔭᓂᒃ ᐁᑦᓯᕋᐅᑎᓂᒃ, ᐊᕐᕌᒍᑕᒫᓪᓗ ᕿᐊᕐᖑᔫᑦ ᐱᔪᓇᕐᓴᐅᑎᖏᓐᓄᑦ ᐊᒻᒪᓗ ᕿᐊᕐᖑᔫᑦ ᑕᐅᕐᓯᕈᑎᖏᓐᓄᑦ.

ᓱᓕᐅᒻᒥᔪᖅ, ᑖᓐᓇ ᐱᑦᔪᔨᕕᒃ ᑫᓪᓗᐊᕆᐊᓪᓚᓚᐅᔪᔪᖅ ᐃᑉᐱᒋᔭᐅᑎᑦᓯᒐᓱᐊᕐᓂᒥᒃ ᐊᑦᑕᓇᕐᑌᓕᓗᓂ ᐅᒥᐊᕐᑐᑐᑦᓴᐅᓂᕐᒥᒃ ᓄᓇᓯᒪᔪᕐᑎᒍᑦ ᓄᓇᕕᒻᒥ, ᐃᕐᐸᑎᑦᓯᒍᑎᒋᑦᓱᒍ ᖃᐅᔨᒪᑎᑦᓯᒍᑎᓂᒃ ᐊᑭᓐᓇᒥᐅᑕᓂᒃ ᐊᒻᒪᓗ ᓂᐱᖕᖓᑕᕐᓂᒃ ᓄᓇᓖᑦ ᐃᓗᐊᓂ ᐊᒻᒪᓗ ᐊᔭᐅᕈᑎᒋᑦᓱᒍ ᓄᓇᓖᑦ ᐆᒪᔪᕐᓂᐊᑎᓂᒃ ᓴᐳᒻᒥᓂᕐᒥᒃ ᐱᓂᐊᕐᓂᖃᕐᑎᓯᔨᖏᑦᑕ ᐊᑐᐃᓐᓇᕈᐃᓂᑦᓴᖓᓂᒃ ᑕᕆᐅᒥ ᐊᑦᑕᓇᕇᒃᑯᑎᒋᓗᒋᑦ ᓈᒻᒪᑐᓂᒃ ᐱᐅᓕᓐᓂᐊᒐᕐᓂᒃ.