ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᓄᐃᑦ ᓴᑑᒪᓂᖓᓂᒃ ᐱᑦᔪᔨᕕᒃ

ᐃᓄᐃᑦ ᓴᑑᒪᓂᖓᓂᒃ ᐱᑦᔪᔨᕕᐅᑉ ᐊᑑᑎᖓ ᐃᓕᖓᕗᖅ ᓄᓇᓕᓐᓂ ᐃᑉᐱᒍᓱᑦᑎᓯᒋᐊᓪᓚᓂᕐᒧᑦ ᐅᐃᒪᓇᕐᑐᓄᑦ ᐊᑐᐃᓐᓇᐅᓂᐅᑉ ᐱᒻᒪᕆᐅᓂᖓᓂᒃ ᐊᒻᒪᓗ ᓴᐳᒻᒥᓂᕐᒧᑦ ᑕᒪᑐᒧᖓ ᐊᑦᑐᐊᔪᓂᒃ ᓱᓇᓐᓂᐊᕈᑎᓂᒃ. ᐱᓗᐊᕐᑐᒥᒃ, ᑖᓐᓇ ᐊᓪᓚᕕᒃ ᓄᓇᓕᓐᓂᒃ ᐱᓇᓱᖃᑎᖃᓪᓚᕆᓲᖑᕗᖅ ᐊᑦᑐᐊᓱᓂ ᓂᑲᓀᓪᓕᑎᕆᓂᕐᒥᒃ ᐸᕐᓇᓯᒪᓂᕐᒥᒃ, ᐃᓄᑦᑎᒍᓪᓗ ᐊᒻᒪᓗ ᐱᖁᑎᑎᒍᑦ ᐃᓱᐊᖁᑎᖃᕐᓂᒥᒃ ᐊᑐᕐᑐᓴᓂᒃ ᐃᑯᐊᓚᒥᒃ ᓴᐴᓗᑕᕆᓗᒋᑦ, ᕿᓂᕐᓂᒥᒃ ᐊᒻᒪᓗ ᐱᐅᓕᑦᓯᓂᖅᒥᒃ ᐱᓇᓲᑎᒋᓗᒋᑦ.

ᑖᑦᓱᒪ ᐱᑦᔪᔨᕕᐅᑉ ᑮᓇᐅᔭᖏᑦ ᐊᒧᓲᖑᕗᑦ ᓯᕗᓂᕐᒧᑦ ᐊᖏᖃᑎᒌᓐᓂᒥᒃ ᐊᒻᒪᓗ ᐊᖏᖃᑎᒌᒍᑎᓂᒃ ᐊᑎᓕᐅᕐᕕᐅᓯᒪᔪᓂᒃ 2010-ᒥ ᐊᒻᒪᓗ 2011-ᒥ ᐱᑦᔪᑎᖃᕐᑎᓗᒋᑦ ᓄᓇᕕᒻᒥ ᐃᑯᐊᓚᒧᑦ ᐊᑦᑕᓇᖕᖏᓂᕐᒥᒃ ᐃᓘᓐᓀᓂ ᐸᕐᓇᓯᒪᐅᑎᒥᒃ. ᑮᓇᐅᔭᒋᐊᓪᓓᑦ ᑐᕌᕐᑐᑦ ᐊᒥᓲᖕᖏᑐᓄᑦ ᐱᓇᓱᐊᑦᓴᓄᑦ ᑕᒡᒐᓂ ᐊᕐᕌᒍᑕᒪ ᐊᒧᓚᐅᔪᒻᒥᔪᑦ ᐱᖃᑎᒌᓐᓂᑯᑦ ᐊᖏᖃᑎᒌᓐᓂᒥᒃ ᐱᑦᔪᑎᓕᒻᒥᒃ ᒪᑭᑕᐅᑎᓂᒃ ᐊᒻᒪᓗ ᓄᓇᓕᓐᓂᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕕᐅᑉ ᐃᓗᐊᓂ(ᓴᓇᕐᕈᑎᒃ ᐊᖏᖃᑎᒌᓐᓂᖅ).