ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᕐᖁᑎᓂᒃ ᕿᑦᓱᑎᒐᓕᐅᕐᓂᖅ

ᔫᓂ 2012-ᒥ, ᑯᐯᒻᒥ ᐊᐅᓚᒍᑎᓕᕆᕕᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᐊᖏᖃᑎᖃᓚᐅᔪᕗᑦ ᐱᑦᔪᑎᓕᒻᒥᒃ, ᓯᕗᓪᓕᐹᒥ, ᐊᑭᓕᕐᑕᐅᓂᖓᓂᒃ ᑮᓇᐅᔭᕐᑎᒍᑦ ᐃᑲᔪᕐᓯᒪᓂᖅ ᒪᓂᓯᐹᓚᑏᑦ ᐊᕐᖁᑏᑦ ᐱᐅᓯᒋᐊᕐᑕᐅᓂᖏᑦ ᐊᒻᒪᓗ, ᑐᖓᓕᐊᓂ, ᑲᔪᓯᑎᑕᐅᓂᖏᑦ ᓯᒫᓐᑎᓕᐅᕐᑕᐅᓂᖏᑦ ᐊᕐᖁᑏᑦ ᑎᒻᒥᔪᕐᓂᐊᕕᓕᐊᕐᑐᑦ ᑎᒻᒥᔫᕐᓂᐊᕖᓪᓗ ᓯᓚᑎᖏᑦ ᑕᕐᕋᒥ ᓄᓇᓕᓐᓂ. ᑖᓐᓇ ᐊᖏᖃᑎᒌᒍᑎᒃ ᑲᔪᓯᑎᑦᓯᓚᖓᔪᖅ ᐊᕐᖁᓯᐅᕆᓂᕐᒥᒃ ᓯᒫᓐᑎᒥᒃ ᐱᒋᐊᕐᑐᕕᓂᖅ 2002-ᒥ ᐊᒻᒪᓗ 2007-ᒥ ᐱᕕᑦᓴᖃᕐᑎᓯᓚᖓᑦᓱᓂ 90 ᑭᓚᒥᑕᓂᒃ ᓯᕕᑐᓂᓕᒻᒥᒃ ᓇᐅᓕᒫᓄᑦ ᐊᑐᕐᑕᐅᓲᓂᒃ ᐊᕐᖁᑎᓂᒃ ᓯᒫᓐᑎᓕᐅᕐᑕᐅᓂᐊᕐᑎᓗᒋᑦ ᖁᓕᓪᓗ ᓯᑕᒪᓪᓗᓂ ᓄᓇᓕᓐᓂ. ᑖᓐᓇ ᓄᑖᖅ ᐱᖓᓲᔪᕐᑐᓂᒃ ᐊᕐᕌᒍᕐᓂ ᐊᖏᖃᑎᒌᒍᑎᒃ ᐊᑭᖃᕐᓂᐊᑐᖅ $13,133.940-ᒥ ᓄᑖᓂ ᐊᕐᖁᓯᐅᕐᓂᐊᑎᓪᓗᒋᑦ ᓯᒫᓐᑎᒥᒃ ᐊᒻᒪᓗ ᒪᓂᕋᐅᓴᕐᑕᐅᒋᐊᑦᓯᐊᓂᖏᑦ ᐋᕐᕿᒋᐊᕐᑕᐅᓂᖏᓪᓗ ᐊᕐᖁᑏᑦ ᓯᒫᓐᑎᓕᐅᕐᑕᕕᓃᑦ ᓄᓇᓕᓐᓂ 2002-ᒥᓂᑦ.