ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᐅᒪᔭᐅᒋᐊᓕᓕᒫᑦ

ᑲᕙᒫᐱᓐᓂ ᐃᓄᓕᒫᓂᒃ ᐱᒍᑦᔨᒍᑎᓂᒃ ᐱᑦᔪᔨᕕᐅᑉ ᑎᓕᔭᐅᒪᒍᑎᒻᒪᕆᖓ ᐃᑲᔪᕐᓂᒨᓕᖓᕗᖅ ᓄᓇᓕᓐᓂᒃ ᐱᔭᖃᕐᓂᖓᑎᒍᑦ ᓇᑉᐸᑎᕐᓯᒪᔪᓂᒃ ᐊᒻᒪᓗ ᐱᓇᓲᑎᓂᒃ ᐊᑐᕆᐊᓕᓐᓂᒃ ᐱᕙᓪᓕᐊᓂᖓᓄᑦ ᐊᒻᒪᓗ ᑎᒍᓯᓂᖓᑎᒍᑦ ᑲᒪᔨᐅᒍᑎᓕᒫᓂᒃ ᑕᒪᒃᑯᐊ ᒪᓕᑦᑎᖏᓐᓂᒃ. ᐃᓘᓐᓇᑎᒃ ᐱᑦᔪᔨᕕᐅᑉ ᐱᓇᓱᓐᓂᓕᒫᖏᑦ ᑕᒪᓐᓇ ᐱᑦᔪᑎᒋᑦᓱᒍ ᑲᔪᓯᑎᑕᐅᓲᖑᕗᑦ ᑕᕐᕋᒥ ᓄᓇᓖᑦ ᐱᓇᓱᖃᑎᒋᑦᓯᐊᓱᒋᑦ, ᑖᒃᑯᐊ ᐃᓚᐅᖃᑕᐅᓂᖓᑦ ᐊᑐᕆᐊᖃᓪᓚᕆᑦᑎᓗᒍ ᐱᑦᓯᐊᓂᖓᓄᑦ. ᓱᓕᐅᒻᒥᔪᖅ, ᑖᓐᓇ ᐱᑦᔪᔨᕕᒃ ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒪᓲᖑᒻᒥᔪᖅ ᐱᒋᐅᕐᓴᑎᑦᓯᓲᖑᑦᓱᓂᓗ ᑲᕙᒫᐲᑦ ᐱᓇᓱᑦᑎᖏᓐᓂᒃ ᑕᒪᑐᒨᓇ ᑐᕌᕐᓱᓂ ᐱᓕᐅᒥᑎᑦᓯᓂᕐᒧᑦ ᖃᐅᔨᒪᓂᖓᓐᓂᒃ ᐱᓇᓱᐊᒐᕐᓂᒃ ᒥᑦᓯᓕᓐᓂᒃ ᑲᕙᒫᐱᐅᑉ ᐊᐅᓚᑕᖏᓐᓄᑦ ᐊᒻᒪᓗ ᑕᕐᕋᒥ ᓄᓇᓕᓐᓂᒃ ᐃᒻᒥᓂᕿᒋᐅᕐᐸᓕᐊᑎᑦᓯᓂᕐᒧᑦ.

ᑖᓐᓇ ᐱᑦᔪᔨᕕᒃ ᑲᔪᓯᑎᑦᓯᔨᐅᒻᒥᔪᖅ ᐊᒥᓱᐃᓂᒃ ᐱᓂᐊᕐᓂᖃᕈᑎᓂᒃ ᐊᒻᒪᓗ ᐱᓇᓱᐊᑦᓴᓂᒃ ᐊᖏᖃᑎᒌᒍᑏᑦ ᐊᑖᒍᑦ ᑲᕙᒪᓂ ᑕᒣᓐᓂ, ᐃᓚᖃᕐᑎᓗᒋᑦ ᐃᓱᕐᕉᑏᑦ ᐱᓂᐊᕐᓂᖓᓂᒃ ᐃᓕᖓᔪᒥᒃ ᑲᕙᒫᐱᓐᓂ ᓇᑉᐸᑎᕐᓯᒪᔪᑦ ᐱᐅᓯᒋᐊᕈᑎᖏᓐᓄᑦ, ᐅᕐᓱᐊᓘᑉ ᑖᒃᓯᖓᑕ ᐊᒻᒪᓗ ᑯᐯᒃᑯᑦ ᐃᑲᔪᕐᓯᐅᑎᖓᑕ ᐱᓂᐊᕐᓂᖓᓂᒃ, ᐱᕙᓪᓕᐅᑏᑦ ᐱᓂᐊᕐᓂᖓᓂᒃ ᐃᓕᖓᔪᒥᒃ ᓄᓇᓕᐅᑉ ᓇᑉᐸᑎᕐᓯᒪᔪᖏᓐᓂᒃ ᐱᐅᓯᒋᐊᕆᓂᕐᒧᑦ, ᐊᒻᒪᓗ ᐊᕐᖁᑎᓂᒃ ᕿᑦᓱᑎᒐᓕᐅᕐᓂᐅᑉ ᐱᓇᓱᑦᑕᐅᓂᖓᓂᒃ.

ᑮᓇᐅᔦᑦ ᐊᑐᕐᑐᑦ ᐱᐅᒡᒍᑎᒻᒪᕆᓐᓂᒃ ᐱᓇᓱᐊᕈᑎᓄᑦ ᑖᑦᓱᒪ ᐱᑦᔪᔨᕕᐅᑉ ᑲᔪᓯᑎᑕᖏᓐᓄᑦ ᐊᒧᓲᖑᕗᑦ ᐊᖏᖃᑎᒌᒍᑎᓂᒃ ᐊᑦᔨᒌᖕᖏᑐᓂᒃ ᐊᑦᑐᐊᔪᓂᒃ ᑕᒪᒃᑯᐊ ᐱᓂᐊᕐᓂᑕᖏᓐᓄᑦ ᐊᒻᒪᓗ ᐱᓇᓱᐊᑦᓴᖏᓐᓄᑦ ᖁᓛᓂ ᐅᖃᕐᑕᐅᕋᑖᓄᑦ. ᑮᓇᐅᔦᑦ ᐊᑐᕐᑐᑦ ᐱᑦᔪᔨᕕᐅᑉ ᐃᖏᕐᕋᓂᖓᓄᑦ ᐊᒧᓲᖑᕗᑦ ᐱᓇᓱᐊᑦᓴᓂᒃ ᐊᐅᓚᑦᓯᔨᐅᓂᕐᒧᑦ ᐊᑭᓖᑎᑦᓯᒍᑎᓂᒃ KRG-ᑯᑦ ᐊᑭᓕᕐᑕᐅᑎᓲᖏᓐᓂᒃ ᑖᒃᑯᐊ ᐊᖏᖃᑎᒌᒍᑏᑦ ᐊᑖᒍᑦ, ᐊᒻᒪᓗ