ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐱᓂᕐᓗᕈᑎᕕᓃᑦ ᑲᒪᒋᔭᐅᕕᖓᑕ ᐊᓪᓚᕕᖓ

ᐱᓂᕐᓗᕈᑎᓂᒃ ᐊᐅᓚᑦᓯᔩᑦ ᐊᓪᓚᕕᖓ ᑲᒪᔨᐅᕗᑦ ᐊᓂᒍᕐᑎᓯᓂᕐᒥᒃ ᐱᓂᕐᓗᕈᑎᒥᒃ ᐅᖃᕈᑎᓂᒃ ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯᑦ ᐊᒻᒪᓗ ᑲᕙᒫᐱᒻᒥ ᐱᖁᔮᐱᓐᓂᒃ ᒪᓕᑦᑕᐅᑎᑦᓯᔩᑦ ᓄᐃᑕᖏᓐᓂᒃ. ᐱᓂᕐᓗᕈᑎᒥᒃ ᐅᖃᕈᑎᒥᒃ ᐁᑦᑐᑕᐅᓯᒪᓕᕋᒥ ᐊᑦᑐᐊᑎᓪᓗᒍ ᑲᕙᒫᐱᐅᑉ ᐱᖁᔮᐱᖓᓄᑦ ᐅᕝᕙᓘᓐᓃᑦ ᐊᕐᖁᑎᒻᒪᕆᓐᓂ ᐊᑦᑕᓇᕐᑌᓕᓂᕐᒧᑦ ᒪᓕᒉᑦ ᐃᓚᖓᓄᑦ, ᐃᓄᒃ 30-ᓂᒃ ᐅᓪᓗᓂᒃ ᐱᕕᑦᓴᖃᓲᖑᕗᖅ ᐅᖃᕈᓐᓇᓱᓂ ᐱᓂᕐᓗᕈᑎᓂᒃ ᐊᐅᓚᑦᓯᔩᑦ ᐊᓪᓚᕕᖓᓄᑦ ᐅᕝᕙᓘᓐᓃᑦ ᑕᕐᕋᒥᐅᑦ ᓄᓇᓕᖓᓄᑦ ᓱᓕᕕᐅᓂᕋᕐᓂᒥᓂᒃ ᐱᖁᔭᒥᒃ ᓯᖁᒥᑦᓯᒍᑎᒧᑦ ᐊᑭᓕᕐᓗᒍᓗ ᐋᕐᕿᒌᕐᓯᒪᔪᖅ ᐊᑭᓖᑎᑕᐅᒍᑎᖓ ᑕᕐᕋᒥᐅᑦ ᓄᓇᓕᖓᓄᑦ. ᐃᓄᒃ ᐅᖃᕐᐸᑦ ᓱᓕᕕᐅᖕᖏᓂᕐᒥᓂᒃ ᐅᕝᕙᓘᓐᓃᑦ ᑕᒪᑐᒨᓇ ᐅᖃᕈᑎᒥᓂᒃ ᓄᐃᑦᓯᖏᑉᐸᑦ ᐱᕕᖃᕐᑎᑕᐅᓂᖓ ᐃᓱᓕᓚᐅᕐᑎᓇᒍ, ᐱᓂᕐᓗᕈᑎᓂᒃ ᐊᐅᓚᑦᓯᔩᑦ ᐊᓪᓚᕕᖓ ᐊᓪᓚᓕᕆᐅᑕᐅᓂᖓᓂᒃ ᑐᓂᔨᓚᖓᔪᑦ ᑯᐯᒃᑯᑦ ᐃᕐᖃᑐᐃᕕᖓᓄᑦ ᑕᒪᑐᒪ ᐱᑦᔪᑎᖓ ᑌᑰᓇ ᑐᓵᒍᑕ ᐅᓂᐊᓕᕐᒪᑦ. ᐊᑭᓖᑎᑦᓯᒍᑏᑦ ᓄᐊᑕᐅᔪᑦ ᑐᓂᔭᐅᓲᑦ ᑕᕐᕋᒥᐅᑦ ᓄᓇᓕᖏᓐᓄᑦ ᐱᓂᕐᓗᕈᑎᒥᒃ ᐊᑐᕐᕕᐅᓯᒪᔪᓄᑦ

ᐊᑐᕆᐊᓖᑦᓇᓪᓕᑭᑕᕐᓂᖏᑦ

1- ᑕᕐᕋᒥᐅᑦ ᓄᓇᓕᖏ ᐊᑐᓕᕐᑎᓯᓂᖃᓲᑦ ᐱᖁᔮᐱᒻᒥᒃ ᐃᓱᐃᓪᓕᖓᐅᑎᒧᑦ ᒪᓕᒐᓕᐅᕈᑎᒋᑦᓱᒍ ᐊᒻᒪᓗ ᐊᑭᓖᑎᑦᓯᒍᑎ ᐋᕐᕿᑕᐅᓲᖑᕗᖅ ᖃᓄᒐᓚᒃ ᐱᖁᔮᐱᒻᒥᒃ ᒪᓕᙱᒍᑎᒧᑦ.

2- ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯᑦ ᐅᕝᕙᓘᓐᓃᑦ ᐱᖁᔮᐲᑦ ᒪᓕᒍᑕᐅᓂᖏᓐᓂᒃ ᑲᒪᔨ ᐅᖃᕈᑎᒥᒃ ᓄᐃᑦᓯᒍᓐᓇᑐᖅ ᓇᐅᓕᒫᒧᑦ ᐃᓄᒻᒧᑦ ᓯᖁᒥᑦᓯᔪᒧᑦ ᔭᐅᔪᒥᒃ ᐱᖁᔮᐱᒻᒥᒃ.

3- ᐃᓄᒃ ᐊᕙᑎᓪᓗ ᖁᓕᓪᓗᓂᒃ ᐅᓪᓗᓂᒃ ᐱᕕᖃᕐᑎᑕᐅᔪᖅ ᐅᖃᕈᑎᒥᒃ ᓄᐃᑦᓯᕕᑦᓴᒥᓂᒃ (ᓱᓕᕕᐅᓂᕋᕐᓗᓂ ᐅᕝᕙᓘᓐᓃᑦ ᓱᓕᙱᑑᓂᓗᓂ). ᐊᓱᐃᓛᒃ ᐃᓄᒃ ᓱᓕᕕᐅᓂᕋᕈᓂ, ᑖᓐᓇ ᐃᓄᒃ ᐊᑭᓖᒋᐊᓕᒃ ᐋᕐᕿᓯᒪᒌᕐᑐᒥᒃ ᐊᑭᓖᑎᑦᓯᒍᑎᒥᒃ ᑕᕐᕋᒥᐅᑦ ᓄᓇᓕᖏᓐᓄᑦ ᐱᓗᑲᒍᑎᒥᒃ ᐊᑐᕐᕕᒥᓄᑦ.

4- ᐃᓄᒃ ᐅᖃᕈᑎᒥᒃ ᓄᐃᑦᓯᖏᑐᐊᕐᒪᑦ ᐊᕙᑎᓪᓗ ᖁᓕᓪᓗ ᐅᓪᓗᐃᑦ ᐃᓗᐊᓂ ᐅᕝᕙᓘᓐᓃᑦ ᓱᓕᙱᓂᑦᓱᓂ ᐅᖃᕐᒪᑦ, ᐊᓪᓚᖁᑎᖓ ᑐᕌᕐᑎᑕᐅᓲᖅ ᐃᕐᖃᑐᐃᕕᒻᒧᑦ.

5- ᐃᕐᖃᑐᐃᕕᒃ ᐊᑐᐃᓐᓇᐅᓕᕐᒪᑦ, ᐱᖁᔭᓕᕆᓂᕐᒥᒃ ᐱᑦᔪᔨᕕᒃ ᐃᕐᖃᑐᐃᑎᑦᓯᔨᑎᑐᑦ ᐱᓇᓱᐊᓲᖅ ᑕᕐᕋᒥᐅᑦ ᓄᓇᓕᓕᒫᖏᓐᓄᑦ ᑭᒡᒐᐅᓱᓂ. ᐃᕐᖃᑐᐃᒍᑏᑦ ᐅᖃᓕᒪᐅᑎᒃᑯᑦ ᑲᑎᒪᔪᓄᑦ ᐊᑐᕐᑕᐅᒍᓪᓕᐅᔪᑦ, ᐃᓄᒃ ᐱᑦᔪᑕᐅᔪᖅ ᐱᐊᕋᐅᙱᑐᐊᕐᒪᑦ.

6- ᓱᕐᖁᐃᕈᑎᑦᑦ ᐃᕐᖃᑐᐃᔨᐅᑉ ᓯᕗᕌᓅᕐᑕᐅᓯᒪᔪᑦ ᑐᙵᕕᐅᑎᓪᓗᒋᑦ, ᐃᕐᖃᑐᐃᔨ ᑐᑭᑖᓲᖅ ᐃᓄᒃ ᓱᓕᕕᐅᒻᒪᖔᑦ ᐅᕝᕙᓘᓐᓃᑦ ᓱᓕᕕᐅᙱᒪᖔᑦ.

7- ᓱᓕᕕᐅᒋᐊᖓ ᖃᐅᔨᒍᑕᐅᒍᓂ, ᐃᓄᒃ ᐃᕐᖃᑐᐃᔨᒧᑦ ᑐᑭᑖᕐᕕᐅᒍᑎᒥᒃ ᖃᐅᔨᒍᑎᓂᒃ ᐊᓪᓚᑖᕐᓂᐊᑐᖅ ᐊᑭᓖᒋᐊᖃᕐᓗᓂᓗ ᐊᑭᓖᑎᑦᓯᒍᑎᒥᒃ ᐊᒻᒪᓗᒋᐊᓪᓚᒃ ᑮᓇᐅᔭᕐᑐᕆᐊᓪᓚᑖᑎᑦᓯᒍᑎᓂᒃ ᐊᓪᓚᕕᒻᒥᒃ ᐱᓗᑲᒍᑎᓕᕆᓂᕐᒧᑦ ᐊᒻᒪᓗ ᒪᒥᒍᑎᓕᕆᓂᕐᒧᑦ. ᑮᓇᐅᑦ ᑎᒍᔪᑦ ᒪ ᑐᓂᔭᐅᓯᓲᑦ ᑕᕐᕋᒥᐅᑦ ᓄᓇᓕᖏᓐᓄᑦ ᐱᓗᑲᒍᑎᒥᒃ ᐊᑐᕐᕕᐅᓯᒪᔪᒧᑦ.

8- ᐃᕐᖃᑐᐃᔨᒧᑦ ᑲᐅᑦᑕᐅᒪᔪᖅ ᐃᓄᒃ ᐊᑭᓖᙱᑐᐊᕐᒪᑦ, ᐊᓪᓚᖁᑎᖓ ᑐᓂᔭᐅᓲᖅ ᑯᐯᒃᑯᒃ ᑲᕙᒪᖓᑕ ᐊᑭᓖᑎᑕᐅᒍᑎᓂᒃ ᑎᒍᓯᔨᖓᓄᑦ ᑖᓐᓇᓗ ᑎᒍᔨᓐᓂᒍᑎᒥᒃ ᐃᖏᕐᕋᓯᑎᑦᓯᑐᐃᓐᓇᕆᐊᖃᕐᓱᓂ.

9- ᓱᓕᕕᐅᙱᒋᐊᖓ ᖃᐅᔨᒍᑕᐅᒍᓂ, ᐃᓄᒃ ᐃᕐᖃᑐᐃᔨᒧᑦ ᑐᑭᑖᕐᕕᐅᒍᑎᒥᒃ ᖃᐅᔨᒍᑎᓂᒃ ᐊᓪᓚᑖᕐᓂᐊᑐᖅ ᐊᑭᓖᒋᐊᖃᕐᓂᐊᕋᓂᓗ ᐊᑭᓖᑎᑦᓯᒍᑎᒥᒃ.