ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᓄᐃᑦ ᓄᓇᓕᒻᒥᐅᖑᒋᐊᓪᓚᕋᓱᐊᕐᑎᑕᐅᓂᖓᓂᒃ ᐱᓇᓱᐊᕐᑏᑦ

ᑖᑦᓱᒪ ᐱᓂᐊᕐᓂᐅᑉ ᐱᓇᓱᐊᒐᖓ ᐃᓕᖓᕗᖅ ᑲᑦᓱᙰᓕᑎᑦᓯᓂᕐᒧᑦ ᐱᓂᕐᓗᓯᒪᔪᑦ ᐃᓅᖃᑎᒌᓄᑦ ᐃᓚᒋᓕᐅᑎᒋᐊᓪᓚᓂᖓᓂᒃ ᐅᑎᕈᓐᓇᑎᑕᐅᓕᕐᐸᑕ ᓄᓇᓕᖏᓐᓄᑦ ᐊᒻᒪᓗ ᖃᑕᖕᖑᑎᖏᓐᓄᑦ. ᐃᓄᐃᑦ ᓄᓇᓕᓐᓄᑦ ᐃᓚᒋᓕᐅᑎᒋᐊᓪᓚᓂᕐᒥᒃ ᑲᒪᔨᖏᑦ ᓄᓇᓯᒪᕗᑦ ᑰᔾᔪᐊᒥ, ᐃᓄᒃᔪᐊᒥ, ᐳᕕᕐᓂᑐᒥ ᐊᒻᒪᓗ ᓴᓪᓗᓂ ᐊᒻᒪᓗ ᐱᓇᓱᓲᖑᕗᑦ ᓴᖑᐊᑦᓯᔨᖃᕐᓱᑎᒃ ᐊᓂᒍᓐᓇᑎᑕᐅᔪᓂᒃ ᑲᒪᔨᓂᒃ. ᐃᓄᐃᑦ ᓄᓇᓕᓐᓄᑦ ᐃᓚᒋᓕᐅᑎᒋᐊᓪᓚᓂᕐᒥᒃ ᑲᒪᔩᑦ ᐃᑲᔪᕐᑕᒥᓂᒃ ᐃᑉᐱᒍᓱᓲᖑᕗᑦ ᑲᒪᖃᑦᑕᓱᑎᒃ ᒪᓕᓐᓂᖓᓂᒃ ᐊᓂᒍᓐᓇᑎᑕᐅᑦᓱᑎᒃ ᒪᓕᒐᕐᑖᕕᓂᕐᒥᓂᒃ. ᑐᕌᕐᑎᓯᒍᓐᓇᑐᑦ ᐃᑲᔪᕐᑕᒥᓂᒃ ᐊᑦᔨᒌᑦᑎᖏᑦᑐᓄᑦ ᓴᐳᑦᔨᒍᑎᒧᑦ ᐱᒍᑦᔨᔨᓄᑦ, ᓄᓇᓕᓐᓂ ᐃᓱᐊᖁᑎᑦᓴᓄᑦ ᐊᒻᒪᓗ ᐃᓄᑐᐃᓐᓇᐅᓱᑎᒃ ᑲᒪᔨᓄᑦ ᐃᑲᔪᕋᓱᐊᕐᓗᒋᑦ ᐋᕐᕿᓱᐃᑎᓪᓗᒋᑦ ᐃᒻᒥᒍᑦ ᐹᕐᓯᖓᐅᑎᒍᑎᒥᓂᒃ ᐊᒻᒪᓗ ᐅᑎᕋᓱᐊᕐᑎᓗᒋᑦ ᐃᓅᓯᕐᒧᑦ ᐱᐅᓯᕐᓱᑐᒧ.