ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓴᑑᑎᓕᕆᓂᖅ

ᐃᓘᓐᓈᒍᑦ ᓴᑑᑎᑦᓴᓂᒃ KRG-ᑯᑦ ᐊᒻᒪᓗ ᑕᕐᕋᒥ ᓄᓇᓖᑦ ᓂᐅᕕᕐᓯᒪᒍᑎᖏᑦ ᑲᑎᑦᓱᒋᑦ ᑮᓇᐅᔭᖃᕐᖁᑦ $831 433 066-ᓂᒃ. ᐱᓇᓱᓐᓂᖅ ᑖᒃᑯᐊ ᓴᑑᑎᖃᕈᑏᑦ ᐊᐅᓚᑕᐅᓂᖓᓂᒃ ᑲᒪᒋᔭᐅᕗᖅ ᑖᑦᓱᒧᖓ ᐱᑦᔪᔨᕕᒻᒧᑦ, ᐃᓚᐅᑎᓪᓗᒋᑦ ᓄᑕᐅᓪᓕᑎᕐᑕᐅᓂᖏᑦ ᐃᒻᒪᖃᐅᑎᖃᕐᓂᓄᑦ ᒪᓕᒉᑦ. ᐱᓗᐊᕐᓱᒍ, ᑖᓐᓇ ᐱᑦᔪᔨᕕᒃ ᐃᑲᔪᓲᖅ ᐊᓯᒥᓂᒃ KRG-ᒥ ᐱᑦᔪᔨᕕᓐᓂᒃ ᐊᒻᒪᓗ ᑕᕐᕋᒥ ᓄᓇᓕᓐᓂᒃ ᓴᑑᑎᑦᓴᖃᕈᑎᒥᓂᒃ ᓈᓭᑎᓂᒃ ᐊᖑᒪᑦᓯᑎᑦᓯᒐᓱᐊᕐᑎᓗᒋᑦ, ᐊᒻᒪᓗ ᐋᕐᕿᓱᐃᔨᐅᒻᒥᓱᓂ ᓄᐃᑎᑦᓯᔨᐅᑦᓱᓂᓗ ᓴᑑᑖᕈᒪᐅᑏᑦ ᑐᑦᓯᕋᐅᑎᖏᓐᓂᒃ, ᑌᒣᒋᐊᖃᓕᕐᒪᑦ. ᑐᑭᒧᐊᑦᑎᓯᔨᐅᒻᒥᔪᖅ ᓄᑕᐅᓯᓕᑎ- ᕈᑎᓂᒃ ᑕᒪᒃᑯᓄᖓ ᓴᑑᑎᑦᓴᓯᒍᑎᓄᑦ KRG-ᑯᑦ ᐊᒻᒪᓗ ᑕᕐᕋᒥ ᓄᓇᓖᑦ ᑭᒡᒐᑐᕐᓱᒋᑦ. ᑖᓐᓇ ᐱᑦᔪᔨᕕᒃ 2004-ᒥᓂᒃ ᐊᐅᓚᑦᓯᖃᑕᐅᓕᕐᑐᖅ ᑮᓇᐅᔭᖃᐅᑎᒥᒃ ᐱᖕᖏᕖᕈᑎᑦᓴᒥᒃ KRG-ᑯᑦ ᐊᒻᒪᓗ ᑕᕐᕋᒥ ᓄᓇᓖᑦ ᐊᑭᓕᕆᐊᖃᓯᔭᖏᓐᓄᑦ. ᒪᑭᑕᐅᓯᒪᑦᓱᓂ ᑮᓇᐅᔭᓄᑦ KRG-ᑯᑦ ᐊᒻᒪᓗ ᑕᕐᕋᒥ ᓄᓇᓖᑦ ᐃᓕᔭᖏᓐᓄᑦ ᑐᖕᖓᑎᓪᓗᒋᑦ ᖃᓄᐃᓪᓗᐊᑐᓂᒃ ᐃᓛᒃᑯᑦ ᐱᖁᑎᒋᔭᐅᔪᑦ ᐊᑭᑐᓂᖓᑕ ᓄᐃᑕᑦᓯᓂᖓᓂᒃ ᑖᒃᑯᐊ ᐱᖁᑎᓕᒫᑦ ᓴᑑᑎᖃᕐᑎᑕᐅᔪᑦ ᐊᑭᑐᓂᖓᑕ ᐃᓗᐊᓂ, ᑖᓐᓇ ᑮᓇᐅᔭᖃᐅᑎ ᐊᐅᓚᑕᐅᔪᖅ ᐃᒻᒥᓂᕐᓱᑐᓄᑦ ᑲᑎᒪᔨᐊᐱᓐᓄᑦ. ᐊᕐᕌᒎᑉ ᐃᓱᐊᓂ, ᑲᑎᓂᖏᑦ ᐊᑭᖏᑦᑕ ᑮᓇᐅᔭᖃᕐᑎᓯᐅᑏᑦ ᑎᑭᐅᑎᓯᒪᔪᑦ $1 450 000-ᓄᑦ.