ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐱᓂᕐᓗᑕᐅᓯᒪᔪᕕᓂᕐᓂᒃ ᐃᑲᔪᕐᓯᕕᒃ ᓴᐳᒻᒥᔩᑦ

ᓴᐳᒻᒥᔩᑦ ᐱᓂᕐᓗᕈᑎᓄᑦ ᐋᓐᓂᑕᐅᒪᔪᓂᒃ ᐃᑲᔪᕐᑏᑦ ᐊᓪᓚᕕᖓᑦᐱᖕᖑᑎᑕᐅᓯᒪᔪᖅ ᑲᑐᑦᔭᐅᓱᓂ KRG-ᑯᓄᑦ ᐊᒻᒪᓗ ᑐᕐᖃᑕᕐᕕᒧᑦ ᐃᕐᖃᑐᐃᓂᕐᒧᑦ ᑯᐯᒻᒥ 2004-ᖑᑎᓪᓗᒍ. ᓴᐳᒻᒥᔩᑦ ᑎᓕᔭᐅᒪᕗᑦ ᐃᑲᔪᕐᑐᓴᐅᑦᓱᑎᒃ ᐱᓂᕐᓗᕈᑎᓄᑦ ᐋᓐᓂᑕᐅᓯᒪᔪᓂᒃ ᒪᓕᖃᑦᑕᓗᒋᑦ ᐃᕐᖃᑐᐃᓂᐅᑉ ᐃᓗᐊᒍᑦ. ᓴᐳᒻᒥᔩᑦ ᐃᑲᔪᕐᑎᖏᑦ, ᐃᓄᐃᓐᓇᓕᒫᖑᑦᓱᑎᒃ, ᐅᖃᐅᑦᔪᐃᒍᑎᖃᓲᑦ ᐱᔪᓐᓇᓂᖃᕈᑎᓂᒃ ᐊᒻᒪᓗ ᐱᖁᔭᑎᒍᑦ ᒪᒥᒍᑎᑦᓴᓂᒃ ᐊᒻᒪᓗ ᐃᑲᔪᕐᑕᒥᓂᒃ ᑐᕌᕐᑎᓯᓲᖑᒻᒥᓱᑎᒃ ᖃᐅᔨᒪᔨᓪᓗᑯᓄᑦ ᐃᓱᐊᖁᑎᑦᓴᖏᓐᓄᑦ. ᓴᐳᒻᒥᔩᑦ ᐊᓪᓚᕕᓖᑦ ᑰᔾᔪᐊᒥ, ᓴᓪᓗᓂ, ᑰᔾᔪᐊᕌᐱᒻᒥ, ᐃᓄᒃᔪᐊᒥ ᐊᒻᒪᓗ ᐳᕕᕐᓂᑐᒥ, ᐊᒻᒪᓗ ᐱᓇᓱᑦᑎᖏᑦ ᐁᓯᒪᓲᖑᑦᓱᑎᒃ ᐊᑐᓂ ᑎᑭᑦᑕᑐᑦ ᐃᕐᖃᑐᐃᔩᑦ ᐃᑦᓯᕙᓂᖏᓐᓄᑦ.

ᑭᒡᒐᑐᕈᑎᕗᑦ ᖃᓄᐃᑦᑑᒪᖔᑕ ᖃᐅᔨᒋᐊᓪᓚᕈᒪᒍᕕᑦ, ᑐᑭᓯᒋᐊᕐᓗᒋᑦ ᓴᐳᒻᒥᔩᑦ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᓯᒪᔪᑦ ᐃᑲᔪᕐᓯᔭᐅᒍᑎᖏᓐᓄᑦ ᐱᓇᓱᕝᕕᒥᒃ Youtube-ᑎᒍᑦ ᑕᑯᓐᓇᕋᑦᓴᖁᑎᖓᓂ, ᓈᓚᓪᓗᒋᓪᓘᓃᑦ ᑐᓴᐅᑎᑎᒎᕐᓂᕗᑦ ᐅᕝᕙᓘᓐᓃᑦ ᑭᒡᒐᑐᕐᑎᑕ ᐃᓚᖓᑦ ᓯᕙᓂᕐᓗᒍ.

ᑐᑭᓯᒋᐊᓪᓚᕈᒪᒍᕕᑦ ᑭᒡᒐᑐᕈᑎᖏᓐᓂᒃ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᓯᒪᔪᑦ ᐃᑲᔪᕐᑕᐅᕕᖓᓂᒃ.