ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐱᓇᓱᑦᑎᓕᕆᓂᖅ

ᐱᓇᓱᑦᑎᓕᕆᔩᑦ ᐊᓪᓚᕕᖓ ᑐᑭᒧᐊᑦᑎᓯᔨᐅᕗᖅ KRG-ᑯᑦ ᐱᓇᓱᑦᑎᓂᒃ ᑲᒪᒍᑎᓕᒫᖏᓐᓂᒃ. ᐅᖃᑦᓯᐊᓂᕐᓴᕆᓗᒍ, ᓄᐃᑕᑦᓯᔪᖅ ᐃᓱᒪᓕᐅᕐᓂᒍᑎᓂᒃ, ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒪᓂᕐᒥᒃ ᐊᒻᒪᓗ ᓴᖑᐊᑦᓯᔨᖃᕐᓂᒥᒃ ᑲᒪᔨᒻᒪᕆᓐᓄᑦ, ᐃᑲᔪᕐᓯᓲᖑᑦᓱᓂᓗ ᑲᔪᓯᓕᕐᑎᓯᔪᓂᒃ ᑎᒥᐅᑉ ᑎᓕᔭᐅᒍᑎᖏᓐᓂᒃ ᐊᕐᖁᑎᖃᓱᓂ ᐱᓇᓱᑦᑎᓴᓂᒃ ᓄᐊᑦᓯᓂᕐᒥᒃ, ᑎᒍᓯᓂᕐᒥᒃ, ᐱᒋᐅᕐᓭᓂᕐᒥᒃ ᐊᒻᒪᓗ ᐱᒋᐅᕐᑎᓯᒋᐊᑦᓯᐊᓂᕐᒥᒃ. ᑖᓐᓇ ᐊᓪᓚᕕᒃ ᑲᒪᔨᐅᒻᒥᔪᖅ ᑮᓇᐅᑦᔭᓵᓂᒃ, ᐱᕙᓪᓕᖁᑎᓕᐊᓂᒃ, ᐱᓇᓱᑦᑏᑦ ᐊᒻᒪᓗ ᑲᑎᒪᔩᑦ ᐊᑕᖏᕐᓯᒪᑦᓱᑎᒃ ᓴᑑᑎᑦᓴᖃᕈᑎᖏᓐᓂᒃ, ᐊᑕᐅᓯᐅᓕᖓᔪᑦ-ᐊᖏᖃᑎᒌᒍᑎᖏᓐᓂᒃ ᐋᕐᕿᓱᐃᓂᕐᒥᒃ ᐊᒻᒪᓗ ᑲᔪᓯᑎᑦᓯᓂᕐᒥᒃ, ᐊᒻᒪᓗ ᐊᑐᕐᑕᐅᑎᑦᓯᓂᕐᒥᒃ ᐱᓇᓱᓐᓂᒨᓕᖓᔪᓂᒃ ᐱᖁᔭᓂᒃ.

ᐱᓇᓱᑦᑎᖃᕈᑎᒋᑦᓱᒋᑦ ᐊᑐᕆᐊᓕᒻᒥᓂᒃ ᑐᓂᔨᓚᖓᓗᓂ ᐱᓂᐊᕐᓂᖃᕈᑎᓕᒫᓂᒃ ᐊᒻᒪᓗ ᐱᒍᑦᔨᓂᓕᒫᓂᒃ ᖃᓗᔭᐅᒪᔪᓂᒃ ᐊᑦᔨᒌᖕᖏᑐᓄᑦ ᐊᖏᖃᑎᒌᒍᑎᓄᑦ ᑕᒪᖏᓐᓂ ᑲᕙᒫᓐᓂ, KRG-ᑯᑦ ᐊᒥᓱᐊᓗᓐᓂᒃ ᐱᓇᓱᑦᑎᓂᒃ ᐱᓇᓱᑦᑎᓖᑦ ᐱᔪᓐᓇᐅᑎᓕᓐᓂᒃ ᐊᑦᔨᒌᖕᖏᑐᒻᒪᕆᐊᓗᓐᓄᑦ ᐱᓇᓱᒐᕐᓄᑦ. KRG-ᑯᑦ ᐱᑦᔪᔨᕕᖏᑦ ᐊᒻᒪᓗ ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯᓂᒃᐱᓇᓱᑦᑎᖃᓚᐅᔪᔪᑦ ᑲᑎᑦᓱᒋᑦ 400 ᐅᖓᑕᓂᒃ ᐱᓇᓱᑦᑎᓂᒃ. ᐅᖃᑦᓯᐊᓂᕐᓴᐅᓗᓂ, KRG-ᑯᑦ ᑕᖏᖃᕐᑎᑕᐅᔪᑦ 340-ᓄᑦ ᐱᓇᓱᑦᑎᓄᑦ (ᐱᓇᓱᑦᑎᑐᐃᓐᓀᑦ ᐊᒻᒪᓗ ᑲᒪᔨᒻᒪᕇᑦ ᑕᐱᑦᓱᒋᑦ), ᑖᒃᑯᐊ 207-ᓂᒃ ᐃᓄᓐᓂᒃ ᐃᓚᖃᕐᑎᓗᒋᑦ ᓄᐃᑕᑦᓯᔪᓂᒃ ᐱᓇᓱᑦᑎᓕᒫᑦ 61%-ᖏᓐᓂᒃ. ᑖᒃᑯᐊ ᐱᓇᓱᑦᑏᑦ 55%-ᖏᑦ ᐱᓇᓱᑦᑐᑦ ᑰᔾᔪᐊᒥ ᐊᒻᒪᓗ 45%-ᖏᑦ ᐱᓇᓱᑦᓱᑎᒃ ᓄᓇᓕᓐᓂ ᐊᓯᖏᓐᓂ. ᐃᒻᒥᒍᑦᑕᐅᖅ, ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯ ᑕᖏᖃᕐᑎᑕᐅᒻᒥᔪᑦ 73-ᓄᑦ ᐱᓇᓱᑦᑎᓄᑦ (ᐳᓖᓰᑦ, ᑲᒪᔨᒻᒪᕇᑦ ᐊᒻᒪᓗ ᐃᓄᑐᐃᓐᓀᑦ ᐱᓇᓱᑦᑏᑦ), ᐃᓚᖃᕐᑎᓗᒋᑦ ᑕᓪᓕᒪᓂᒃ ᐃᓄᓐᓂᒃ ᓄᐃᑕᑦᓯᔪᓂᒃ ᑲᑎᕕᒃ ᓄᓇᓕᓕᒫᓂ ᐳᓖᓯᒃᑯ ᐱᓇᓱᑦᑎᓕᒫᖏᑦᑕ 7%-ᖏᓐᓂᒃ. 32%-ᖏᑦ ᑖᒃᑯᐊ ᐱᓇᓱᑦᑏᑦ ᑰᔾᔪᐊᒥ ᐱᓇᓱᑦᑐᑦ (ᐊᓪᓚᕕᒻᒪᕆᒻᒥ ᐊᒻᒪᓗ ᓄᓇᓕᐅᑉ ᐳᓖᓯᒃᑯᖏᓐᓂ) 68%-ᖏᑦ ᐊᓯᖏᓐᓃᑎᓪᓗᒋᑦ ᑕᕐᕋᒥᐅᑦ ᓄᓇᓕᖏᓐᓂ.