ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑮᓇᐅᔭᓕᕆᓂᖅ

ᑮᓇᐅᔭᓕᕆᓂᕐᒥᒃ ᐊᓪᓚᕕᒃ ᐊᐅᓚᑦᓯᔨᐅᕗᖅ ᐊᓪᓚᑎᐅᑦᓱᓂᓗ ᐃᓘᓐᓇᖏᓐᓂᒃ KRG-ᑯᑦ ᑮᓇᐅᔭᓂᒃ ᐊᐅᓚᑦᓯᓂᓕᒫᖏᓐᓂᒃ ᐊᒻᒪᓗ ᑐᓴᕐᑎᓯᒍᑎᖃᓲᖑᕗᑦ ᑕᒪᑐᒥᖓ ᐱᓇᓱᓐᓂᒥᓂᒃ ᑮᓇᐅᔭᓕᕆᔨᒧᑦ. ᑖᑦᓱᒪ ᐊᓪᓚᕕᐅᑉ ᐃᓂᓪᓚᕆᐊᑦᓯᐊᓂᖓᑕ ᐊᕐᕌᒍᓂ ᐊᒥᓲᖕᖏᑐᓂ ᐊᓂᒍᕐᑐᓂ ᑭᖑᓂᖓᒍᑦ, ᐱᓇᓱᑦᑏᑦ ᒪᕐᕈᐃᓕᑦᓱᒋᑦ ᐊᕕᑦᑐᑕᐅᓯᒪᓕᕐᑐᑦ. ᐊᓪᓚᓕᕆᔩᑦ ᐊᒥᓲᓂᕐᓴᐅᒪᔪᑦ ᐊᐅᓚᑕᐅᑦᓱᑎᓪᓗ ᐊᓪᓛᐱᓐᓂᒃ ᐊᑭᓕᕆᐊᓕᓐᓂᒃ ᐱᓇᓱᑦᑎᐅᖃᑎᒌᑦ ᑲᒪᔨᒻᒪᕆᖓᓄᑦ. ᑐᖓᓕᖏᑦ ᑕᖏᓖᑦ ᐃᓘᓐᓀᓂᒃ ᐃᓘᓐᓈᒍᑦ ᑮᓇᐅᔭᕐᑑᑎᓕᕆᔨᓂᒃ ᑖᒃᑯᐊ ᒥᓇᕋᕐᑎᐅᑎᓪᓗᒋᑦ ᑮᓇᐅᔭᓕᕆᐅᑎᓂᒃ ᑲᒪᔨᒻᒪᕆᒻᒧᑦ. ᑌᒣᓕᖓᔪᒥᒃ ᐃᓂᓪᓚᖓᑎᑦᓱᒋᑦ ᐱᕕᓕᐅᕐᓯᒪᔪᖅ ᑖᑦᓱᒪ ᐊᓪᓚᕕᐅᑉ ᐱᓇᓱᓐᓂᖓᑕ ᐊᐅᓚᑕᐅᑦᓯᐊᓂᕐᓴᐅᓂᖓᓂᒃ ᐊᒻᒪᓗ ᑫᓪᓗᐊᒥᑦᓱᓂ ᐱᓇᓱᑦᑏᑦ ᑭᓯᐊᒐᑐ ᐊᖃᕐᓗᑎᒃ ᐱᓇᓱᖃᑦᑕᓂᖓᓂᒃ. ᓱᓕᐅᒻᒥᔪᖅ, ᑖᓐᓇ ᐊᓪᓚᕕᒃ ᑌᒪᖕᖓᓕᒫᖅ ᑲᒪᒻᒥᔪᖅ ᐱᐅᓯᒋᐊᕆᓂᕐᒥᒃ ᐱᐊᓚᔫᓂᕐᒥᒃ ᐊᒻᒪᓗ ᐱᕕᓕᒫᖓᓄᑦ ᒥᑭᓪᓕᑎᕆᓂᕐᒥᒃ ᐊᒡᒐᒧᑦ ᑭᓯᑦᓯᑎᓂᒃ ᖃᕆᑕᐅᔭᒨᕐᙯᓂᕐᒥᒃ, ᐊᒥᓱᖕᖑᐸᓪᓕᐊᒐᓗᐊᕐᑎᓗᒋᑦ ᒪᓕᒉᑦ ᐊᒻᒪᓗ ᑐᑦᓯᕋᐅᑏᑦ ᑎᑭᑦᑕᑐᑦ ᐊᓯᖏᓐᓂᒃ KRG-ᑯᑦ ᐱᑦᔪᔨᕕᖏᓐᓂᒃ, ᑲᕙᒪᒃᑯᓂᒃ ᐊᒻᒪᓗ ᑕᒻᒪᓯᒪᔪᕐᓯᐅᑎᓂᒃ.