ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᖃᕆᑕᐅᔭᓕᕆᕕᒃ

KRG-ᑯᑦ ᓱᓇᓐᓂᐊᕈᑎᖏᑦᑕ ᐊᒥᓱᖕᖑᐸᓪᓕᐊᓂᖏᑦ ᓴᓇᖏᓐᓇᒥᔪᑦ ᐱᔪᒪᓕᕐᐸᓕᐊᓂᕐᒥᒃ ᑎᒥᐅᑉ ᐅᖓᓯᑦᑐᓄᑦ ᐅᖃᓕᒪᐅᑎᖏᓐᓂᒃ ᐊᒻᒪᓗ ᖃᐅᔨᒪᒍᑎᓂᒃ ᐱᓇᓲᑎᓄᑦ ᐃᑲᔪᕐᑕᐅᓂᕐᒥᒃ. ᑖᓐᓇ ᐱᑦᔪᔨᕕᐊᐱᒃ ᐱᑦᔪᔨᓲᖑᕗᖅ 400 ᐅᖓᑖᓄᑦ ᐱᓇᓱᑦᑎᓂᒃ, ᒪᑭᑕᑦᓯᔨᐅᑦᓱᓂᓗ 37 ᐅᖓᑖᓄᑦ ᒪᓂᑎᕆᐅᑎᖕᖑᐊᓂᒃ ᐃᓗᓕᐅᑎᓪᓗᒋᑦ 12-ᓄᑦ ᑕᖏᓕᓐᓄᑦ ᒪᓂᑎᕆᐅᑎᓄᑦ, ᓱᕐᖁᐃ ᑎᐅᒻᒥᓱᓂᓗ 600 ᐅᖓᑖᓃᑦᑐᑦ ᐱᑐᑦᓯᒪᐅᑎᒍᑏᑦ ᐱᐅᒡᒍᑎᖏᑦᑕ ᐃᖏᕐᕋᓯᐊᕐᓂᖓᓂᒃ. KRG-ᑯᑦ ᒪᓂᑎᕆᐅᑎᖏᑦ ᐃᕐᐸᑎᕆᓲᑦ 3,200 ᐅᖓᑖᓂ ᐊᓪᓚᑖᕐᑎᓯᒍᑎᓂᒃ ᓴᓐᓂᕇᒃᑯᑎᒥᒍᓪᓗ ᖃᐅᑕᒫᑦᓯᐊᖅ ᐲᔦᓲᖑᑦᓱᓂ 250 ᐅᖓᑖᓄᑦ ᑕᒫᖕᙰᓇᖅ ᓇᐅᓕᒫᓄᑦ ᐃᕐᐸᑎᑦᓯᒍᑎᓂᒃ ᐃᑎᕈᓐᓇᓯᓚᐅᕐᑎᓇᒋᑦ ᐊᑐᕐᑏᑦ ᐊᓪᓚᖃᐅᑎᖏᓐᓄᑦ. ᖃᐅᔨᒪᒍᑎᓂᒃ ᐱᓇᓲᑏᑦ ᓴᐳᒻᒥᔭᐅᔪᑦ ᐃᑎᓯᖏᓐᓇᑕᐅᒌᒃᑯᑎᓄᑦ ᐊᒻᒪᓗ ᖃᕆᑕᐅᔦᑦ ᐋᓐᓂᐊᑖᕇᒃᑯᑎᖏᓐᓄᑦ, ᑕᒪᒃᑯᐊᓗ ᓄᑕᐅᓯᓕᑎᕐᑕᐅᖏᓐᓇᓲᖑᑦᓱᑎᒃ.