ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕈᑎᓕᕆᔩᑦ

ᑐᓴᕈᑎᓕᕆᓂᕐᒥᒃ ᐱᑦᔪᔨᕕᐅᑉ ᐊᑑᑎᒻᒪᕆᖓ ᐃᓕᖓᕗᖅ ᑐᑭᒧᐊᑦᑎᓯᓂᕐᒧᑦ ᓄᐃᑖᑎᕐᓂᖓᓂᒃ ᐊᒻᒪᓗ ᐱᐅᓂᖓᓂᒃ ᖃᐅᔨᒪᔭᑦᓭᑦ ᐊᓂᐊᑕᐅᔪᑦ KRG-ᑯᓂᒃ ᑐᕌᕐᑎᓗᒋᑦ ᑎᒥᐅᑉ ᐃᓗᐊᓄᑦ ᓯᓚᑖᓄᓪᓗ. ᑕᒪᓐᓇ ᐱᓇᓱᑦᓱᒍ, ᐃᑲᔪᓲᖅ ᐋᕐᕿᓱᐃᓂᒃᑯᑦ ᐃᓄᓐᓂᒃ ᑲᒪᓂᕐᒨᓕᖓᔪᓂᒃ ᐊᒻᒪᓗ ᑐᓴᐅᒪᑎᑦᓯᓂᕐᒥᒃ ᐱᓇᓱᐊᕈᑎᓂᒃ ᑕᒪᑐᒪ ᓄᓇᐅᑉ ᐃᓗᐊᓂ, ᐃᑲᔪᓲᖑᑦᓱᓂᓗ ᑐᓴᕋᑦᓴᓂᐊᕐᑏᑦ ᖃᐅᔨᓂᐊᓕᕐᒪᑕ ᓱᓇᑐᐃᓐᓇᓂᒃ KRG-ᑯᑦ ᐱᓇᓱᐊᕐᑕᖏᓐᓂᒃ, ᐱᑦᔪᔨᒍᑎᖏᓐᓂᒃ ᐊᒻᒪᓗ ᐱᓂᐊᕐᓂᖏᓐᓂ ᑖᓐᓇ ᐊᓪᓚᕕᒃ ᒪᑭᑕᑦᓯᔨᐅᒻᒥᔪᖅ ᖃᕆᑕᐅᔦᑦ ᐅᒃᑯᐃᕕᖏᓐᓂᒃ, ᑕᒪᒃᑯᓄᖓ ᐃᓚᐅᑎᓪᓗᒋᒃ ᐅᓇ www.krg.ca ᐊᒻᒪᓗ ᑎᒥᐅᑉ ᐃᓗᐊᓃᓐᓇᖅ ᖃᕆᑕᐅᔦᑦ ᐱᑑᕕᖓ, ᓄᐃᑖᑎᕆᔨᐅᑦᓱᓂᓗ ᑎᒥᐅᑉ ᕿᑎᕐᖃᓵᑕᒫᑦ ᑐᓴᕐᑎᓯ ᒍᑎᖏᓐᓂᒃ, ᐊᕐᕌᒍᑕᒫᓪᓗ ᑐᓴᕐᑎᓯᒍᑎᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐊᓪᓚᓯᒪᔪᓂᒃ, ᐊᒻᒪᓗ ᑐᑭᒧᐊᑦᑎᓯᔨᐅᒻᒥᓱᓂ ᐃᓄᒃᑎᑐᑦ, ᐅᐃᒍᐃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᐅᖃᕕᒎᓕᕐᑎᓯᔩᑦ ᐱᑦᔪᔨᒍᑎᖏᓐᓂᒃ ᐊᒻᒪᓗ ᐊᓪᓚᕕᒻᒧᑦ ᐃᑎᕐᑐᓕᕆᓂᕐᒥᒃ ᑰᔾᔪᐊᒥ.