ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᓪᓗᓂᒃ ᓯᖁᒥᓯᒪᔪᕐᓂᐊᓂᕐᓄᑦ ᐱᓪᓗᑯᒋᐊᓕᑦᑎ

ᐃᓗᐃᒃᑲᑎᒎᕐᑐᖅ ᐅᓪᓗᓕᒫᕐᑕᑐᖅ, ᑕᐅᕐᓯᑕᕐᑐᖅ

ᑲᒪᒋᔨᖃᕐᓗᓂ ᑐᑭᒧᐊᕐᑎᓯᔨᒥᒃ ᐃᓪᓗᓂᒃ ᓯᖁᒥᓯᒪᔪᓕᕆᕕᒻᒥᒃ, ᐃᓪᓗᓂᒃ ᓯᖁᒥᑦᑌᓕᒪᔪᓕᕆᔨ ᐱᓪᓗᑯᒋᐊᓕᓐᓂᒃ/ ᑐᕐᓱᐊᓕᕆᔨ ᐱᓇᓱᕝᕕᒥ, ᐱᓪᓗᑯᒋᐊᓕᑦᑎᐅᑉ ᐱᓇᓱᒐᖏᑦ ᐃᓚᖃᕐᐳᑦ ᐃᒣᑦᑐᓚᕆᓐᓂᒃ:
• ᑫᐋᔩᑉ ᐃᓪᓗᖁᑎᖏᑦ ᓯᖁᒥᓯᒪᔪᕐᑕᖃᓕᕐᐸᑕ ᐋᕐᕿᓱᕐᑕᐅᑎᑦᓯᖏᓐᓇᓗᓂ: ᓯᖁᒥᓯᒪᔪᑦ ᐋᕐᕿᓱᕐᓗᒋᑦ (ᓴᓇᒋᐊᓖᑦ ᕿᔪᐃᑦ, ᓱᓪᓗᓖᑦ, ᐃᑯᒪᐅᑎᒨᕐᑐᑦ, ᐸᕐᖄᕈᑏᑦ ᐊᒻᒪᓗ ᐃᒪᕐᒥᒃ ᐆᓇᕐᓰᒍᑏᑦ);
• ᓇᓗᓀᕐᑐᐃᕙᓪᓗᓂ, ᓱᓇᒧᑦ ᐱᑦᓯᐊᖏᒻᒪᖔᑕ ᖃᐅᔨᒐᓱᐊᕐᐸᓗᓂ ᐊᒻᒪᓗ ᐋᕐᕿᓱᐃᕙᓪᓗᓂ ᐃᓪᓗᑐᐃᓐᓀᑦ ᐊᒻᒪᓗ ᐱᓇᓱᕝᕖᑦ ᐃᓪᓗᐃᑦ ᐸᕐᖄᕈᑎᖏᑦ;
• ᐃᑲᔪᕐᐸᓗᓂ ᐊᒻᒪᓗ ᐃᓕᓐᓂᐊᑎᑦᓯᕙᓪᓗᓂ ᓄᓇᓕᓐᓂ ᐱᓇᓱᑦᑎᓂᒃ ᐱᔪᓐᓇᓯᐊᖏᓐᓇᑎᑦᓯᐅᑎᓄᑦ ᐱᓇᓱᐊᕐᑎᓗᒋᑦ ᐊᒻᒪᓗ ᓯᖁᒥᓯᒪᔪᕐᓂᐊᑎᓪᓗᒋᑦ ᑕᕐᕋᒥ ᓄᓇᓖᑦ ᐃᓪᓗᖁᑎᖏᓐᓂ (ᐱᓀᓗᑌᑦ ᓱᓇᐅᒻᒪᖔᑕ, ᖃᓄᖅ ᐋᕐᕿᒍᓐᓇᒪᖔᑕ, ᐃᓚᑦᓭᑦ ᑎᑭᓵᕆᔭᐅᓂᖏᑦ, ᐊᓯᖏᓪᓗ);
• ᕿᒥᕐᕈᐸᓪᓗᓂ ᐱᖁᑎᓂᒃ ᐊᒻᒪᓗ ᐊᑐᐃᓐᓇᕈᕐᑎᕆᕙᓪᓗᓂ ᕿᒥᕐᕈᑕᒥᓄᑦ ᑐᓴᕐᑎᓯᐅᑎᓂᒃ;
• ᐊᓯᖏᓐᓂᒃ ᐊᑦᔨᐸᓱᖏᓐᓂᒃ ᐱᓇᓱᖃᑦᑕᕋᔭᕐᒥᔪᖅ, ᐱᖁᔭᐅᒍᓂ, ᐊᖓᔪᖅᑳᒥᓄᑦ.

 

ᐱᔪᓐᓇᐅᑎᖃᕆᐊᓕᒃ ᐃᒣᑦᑐᓂᒃ:
• ᐳᕐᑐᓂᕐᓭᑦ ᑐᖓᓕᖏᓐᓂᒃ ᐃᓕᓴᕐᓯᒪᓂᕐᒧᑦ ᐱᔭᕇᒍᑎᑖᕐᓯᒪᓗᓂ ᐅᑯᐊ ᓇᓪᓕᖏᓐᓂᒃ: ᓱᓪᓗᓕᓕᕆᓂᖅ, ᐃᓪᓗᐃᑦ ᐊᐅᓚᐅᑎᓅᓕᖓᔪᕐᑕᖏᓐᓂᒃ, ᐊᐅᓚᑦᓯᐅᑎᓂᒃ ᐅᕝᕙᓘᓐᓃᑦ ᐃᑯᒪᐅᑎᒨᕐᑐᓂᒃ ᐊᐅᓚᑦᓯᐅᑎᓂᒃ. ᑌᒣᑦᑐᓂᒃ ᐱᓇᓱᐊᓕᓂᐅᒍᓂ ᐃᓱᒪᑦᓴᓯᐅᕈᑕᐅᒐᔭᕐᒥᔪᖅ;
• ᑕᓪᓕᒪᓂᐅᓐᓃᑦ ᐊᕐᕌᒍᓂ ᐱᓇᓱᐊᕐᓯᒪᓗᓂ ᐃᓪᓗᓂᒃ ᓯᖁᒥᓯᒪᔪᕐᓂᐊᑎᐅᓂᕐᒥ;
• ᖃᐅᔨᒪᓂᖃᕐᓗᓂ ᓱᓪᓗᓕᓐᓂᐊᓂᕐᓂᒃ, ᐃᑯᒪᐅᑎᓐᓂᐊᓂᕐᓂᒃ ᐊᒻᒪᓗ ᕿᔪᓐᓂᒃ ᓴᓇᓂᕐᓂᒃ;
• ᖃᕆᑕᐅᔭᑎᒍᑦ ᐱᓇᓱᐊᕈᓐᓇᓗᓂ ᐱᓇᓱᐊᕈᑎᓪᓚᕆᐅᓲᓂᒃ;
• ᖃᐅᔨᒪᓗᓂ, ᐅᖃᕈᓐᓇᓗᓂ ᐊᒻᒪᓗ ᐊᓪᓚᒍᓐᓇᓗᓂ, ᒪᕐᕈᐃᓂᒃ ᐅᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᑦᑎᑐᑦ, ᖃᓪᓗᓈᕐᑎᑐᑦ ᐅᕝᕙᓘᓐᓃᑦ ᐅᐃᒍᐃᑎᑐᑦ (ᐱᓇᓱᐊᕈᑎᒋᒍᓐᓇᓗᒍ ᐃᓄᑦᑎᑑᕈᓐᓇᓗᓂ ᐱᕙᓪᓕᖁᑎᖃᑦᓯᐊᕈᓐᓇᑐᖅ);
• ᐊᕐᕕᑕᕈᓐᓇᓗᓂ ᑕᕐᕋᒥ ᓄᓇᓕᓐᓄᑦ ᐊᒻᒪᓗ ᑐᔪᕐᒥᐅᕕᒻᒦᑉᐸᒃᑲᓗᐊᕈᓂ ᖃᓄᐃᑦᓴᕈᓐᓀᓗᓂ ᐊᑕᐅᓯᕐᒥᒃ ᓂᕐᓯᐅᕕᑦᑕᓕᓐᓂ ᐊᒻᒪᓗ ᑐᙯᕐᓯᔪᑦ ᐃᓱᐊᕐᕈᑎᖏᓐᓂᒃ ᑲᑎᒪᔪᑦ ᖃᓄᐃᑦᓴᕈᓐᓀᓗᓂ;
• ᑭᒡᒐᑐᑦᓯᐊᓂᖃᕈᓐᓇᓗᓂ, ᐃᒻᒥᓂᕿᒍᓐᓇᓯᐊᕐᓗᓂ ᐊᒻᒪᓗ ᐃᑲᔪᕐᓯᒪᑦᓯᐊᕈᓐᓇᓗᓂ;
• ᓇᔪᕐᑎᖃᕐᓗᓂ ᐊᖁᒍᓐᓇᐅᑎᒥᒃ ᐃᓱᓕᓯᒪᖕᖏᑐᒥᒃ.

 

• ᐱᓇᓱᓐᓂᖓᑕ ᐅᓪᓗᖁᑎᖏᑦ ᐊᒻᒪᓗ ᓈᓃᓐᓂᖓᑕ ᐱᓇᓱᕝᕕᖓᑕ: 6-3 ᐃᓇᖏᖃᑦᑕᐅᑎᓂᒃᑯᑦ ᐅᓪᓗᖃᕐᓂᖅ: 6-ᓂᒃ ᐱᓇᓱᐊᕈᓯᕐᓂᒃ ᐱᓇᓱᖃᑦᑕᓗᓂ ᓄᓇᓕᓐᓂᒃ, ᐃᓚᐅᑎᓪᓗᒋᑦ 3 ᐱᓇᓱᐊᕈᓰᑦ ᐊᑭᓕᕐᑐᑕᐅᓗᓂ ᕿᑲᕐᓂᒥᓂᒃ (52.5 ᑫᕙᓪᓚᒍᓰᑦ ᐱᓇᓱᐊᕈᓯᕐᒥᒃ);
ᐅᕝᕙᓘᓐᓃᑦ;
• ᐱᓇᓱᓐᓂᖓᑕ ᐅᓪᓗᖁᑎᖏᑦ ᐊᒻᒪᓗ ᓈᓃᓐᓂᖓᑕ ᐱᓇᓱᕝᕕᖓᑕ: 4-2 ᐃᓇᖏᖃᑦᑕᐅᑎᓂᒃᑯᑦ ᐅᓪᓗᖃᕐᓂᖅ: 4-ᓂᒃ ᐱᓇᓱᐊᕈᓯᕐᓂᒃ ᐱᓇᓱᖃᑦᑕᓗᓂ ᓄᓇᓕᓐᓂᒃ, ᐃᓚᐅᑎᓪᓗᒋᑦ 2 ᐱᓇᓱᐊᕈᓰᑦ ᐊᑭᓕᕐᑐᑕᐅᓗᓂ ᕿᑲᕐᓂᒥᓂᒃ (52.5 ᑫᕙᓪᓚᒍᓰᑦ ᐱᓇᓱᐊᕈᓯᕐᒥᒃ);

 

ᑮᓇᐅᔭᓕᐅᕐᓂᖓ:

$34,778 (ᐃᑭᓐᓂᐹᑦ) - $58,543 (ᐅᓄᕐᓂᐹᑦ) ᐊᕐᕌᒍᑕᒫᑦ (Class 7)


ᐊᓯᖏᑦ ᐱᕙᓪᓕᖁᑎᑦᓭᑦ:

ᑕᕐᕋᒥ ᓄᓇᓕᓐᓂ ᐱᓇᓱᐊᕐᓗᓂ ᑐᔪᕐᒥᐅᒍᑎᖏᑦ ᐊᑭᓕᕐᑐᑕᐅᖃᑦᑕᓗᑎᒃ, ᓂᕆᐅᑎᖏᓪᓗ ᐊᒻᒪᓗ ᓂᕆᐅᓐᓇᖏᑦᑐᓄᑦ ᑮᓇᐅᔭᕐᑑᑎᒋᓚᕿᔭᖏᑦ ᐊᑭᓕᕐᑕᐅᖃᑦᑕᓗᑎᒃ (ᑎᑭᓪᓗᒋᑦ
($455 ᐱᓇᓱᐊᕈᓯᑕᒫᑦ) ᐊᕐᕕᑕᕐᓗᓂ ᓄᓇᕕᒻᒥ;
ᐱᔭᕆᐊᑭᓪᓕᑎᕐᓯᒪᔪᖅ ᐃᓄᑐᖃᐅᓂᕐᒧᑦ ᑲᑎᕐᓱᐊᖃᕐᕕᒃ: 6%-ᓂᒃ ᐱᓇᓱᑦᑎᖁᑎᓕᒃ ᑐᓂᕐᕈᓯᔪᖅ; 4%-ᓂᒃ ᐱᓇᓱᑦᑎ ᑐᓂᕐᕈᓯᔪᖅ;
ᑲᑎᒪᔪᑦ ᐃᒻᒪᖃᐅᑎᖃᕐᑎᑕᐅᒍᑎᖏᑦ;
ᕿᑲᕈᓐᓇᕕᖏᑦ: ᐅᓪᓗᐃᑦ ᐊᕙᑎᑦ ᐊᕐᕌᒍᓕᒫᒥ
ᐅᓪᓗᐃᑦ ᐊᓯᖏᑦ ᕿᑲᕐᓀᑦ: 19 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ ᕿᑲᕐᓀᑦ.

 

ᐱᓇᓱᒍᒪᐅᑎᑎᑦ ᐊᓪᓚᓯᒪᔪᑦ ᐊᐅᓪᓚᑎᓪᓗᒋᑦ ᐅᕗᖓ:

Human Resources Section
Kativik Regional Government
P.O. Box 9, Kuujjuaq QC J0M 1C0
Fax: 819-964-2975, Email:

 

ᑖᒃᑯᐊ KRG-ᑯᑦ ᓇᐅᓕᒫᓄᑦ ᐱᒍᑦᔨᔨᐅᒻᒪᑕ ᐱᓇᓱᒐᖃᕐᑎᑦᓯᔨᐅᑦᓱᑎᒃ, ᔦᒥᔅ ᐯ ᐊᒻᒪᓗ ᑯᐯᓪᓗ ᑕᕐᕋᖓᓂ ᐊᖏᖃᑎᒌᓐᓂᖏᑎᒍᑦ, ᐱᓇᓱᒐᐅᑉ ᖃᓄᐃᑦᑑᒋᐊᖃᕐᓂᖓ ᐊᓯᑦᔨᑕᐅᑐᐃᓐᓇᕆᐊᓕᒃ ᐃᓄᑐᐃᓐᓇᒥᒃ ᐱᓇᓱᒐᕐᑖᕋᓱᐊᕐᑐᖃᕐᐸᑦ
ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐅᔪᑦ ᑖᒃᑯᑐᐊᖅ ᐊᐱᖅᓲᔭᕐᑕᐅᓚᖓᓗᑎᒃ ᖃᐅᔨᑎᑕᐅᒐᔭᕐᑐᑦ.