ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᑕᐅᓪᓕᑎᕐᑌᑦ, ᔫᓓ-ᓯᑉᑎᒻᐱᕆ 2016: ᓄᓂᕚᑦ - ᓄᓇᕕᒻᒥ ᑭᑎᑦᓯᓂᑎᒍᑦ ᑐᑭᓯᐅᑎᑦᓴᑕᕐᓂᖅ

ᑌᒣᒍᓐᓇᑎᑦᓯᑎᓪᓗᒋᑦ ᐱᒋᐊᕐᑎᓯᖃᑎᒌᓐᓂᕕᓂᖏᑦ ᐊᑯᓂ ᐃᑲᔪᕐᑎᒌᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᐊᒻᒪᓗ ᓛᕚᓪ ᐃᓕᓴᕐᕕᔪᐊᑉ, ᓄᓂᕚᑦ ᓄᐃᑕᐅᓯᒪᔪᖅ 2005-ᒥ ᓄᐃᑌᓐᓇᓚᖓᑎᓪᓗᒍ, ᐃᓄᓐᓄᐊᖓᔪᖅ ᐊᒻᒪᓗ ᐃᒻᒥᓂᕐᓱᑐᓄᐊᖓᔪᖅ ᑭᑎᑦᓯᓂᑎᒍᑦ ᖃᐅᔨᒪᒐᓱᐊᕐᓂᓄᑦ ᐱᓇᓱᒐᖅ ᐃᓅᖃᑎᒌᓂ ᒪᑭᑕᒐᓱᐊᕐᓂᒥᒍᑦ ᖃᓄᐃᓕᖓᐅᑕᐅᔪᓂᒃ ᓄᓇᕕᒻᒥ. ᓄᓂᕚᑦ ᓯᕗᒧᐊᑦᑎᑕᐅᔪᖅ ᓚᕚᓪ ᐃᓕᓴᕐᕕᔪᐊᒧᑦ ᐊᒻᒪᓗ ᑫᐋᔩᒧᑦ ᑮᓇᐅᔭᖃᕐᑎᑕᐅᑦᓱᓂ.

 

ᖃᐅᔨᓴᕐᓂᖅ ᐊᒻᒪᓗ ᖃᐅᔨᓴᕐᓂᓄᐊᖓᔪᑦ ᐱᓇᓱᒉᑦ

ᖃᐅᔨᓴᕐᓂᖅ ᓄᓇᕕᒻᒥ ᐃᓅᒐᓯᐊᕐᓂᐅᑉ ᐊᑭᖏᓐᓂᒃ – ᑎᓯᒻᐱᕆ 2013-ᒥ, ᑫᐋᔩ, ᒪᑭᕝᕕᑦ ᑯᐊᐳᔦᓴᓐ ᐊᒻᒪᓗ ᑯᐯᒃ ᑲᕙᒪᖓ ᐊᖏᖃᑎᒌᑦᓯᒪᔪᑦ ᑮᓇᐅᔭᖃᕐᑎᑕᐅᓚᖓᑎᓪᓗᒍ ᖃᐅᔨᓴᕐᓂᖅ ᓄᐃᑕᐅᒋᐊᕐᑎᓗᒋᑦ ᑐᑭᓯᐅᑎᑦᓴᓚᕇᑦ ᐊᑐᐃᓐᓇᖑᕐᑕᐅᑎᓗᒋᑦ ᓄᓇᕕᒻᒥ ᐃᓅᒐᓱᐊᕐᓂᒧᑦ ᐊᑭᓄᑦ ᕿᒥᕐᕈᔭᐅᓪᓚᕆᑦᑎᓗᒋᑦ ᐃᓗᐃᒃᑲᑎᒍᑦ ᓂᐅᕕᐊᕆᒋᐊᖃᕐᐸᑕᖏᑦ ᐃᓄᐃᑦ ᐃᓪᓗᓖᑦ ᓄᐃᑕᐅᑎᓗᒋᓪᓗ ᐃᓅᒐᓱᐊᕐᓂᒧᑦ ᐊᑭᐅᕙᑦᑐᓂᒃ ᐆᑦᑐᕋᐅᑎᑦᓭᑦ. ᓄᓂᕚᑦ ᑭᒡᒐᑐᕐᓂᑖᕐᑕᐅᓯᒪᔪᑦ ᖃᐅᔨᓴᕐᓂᒥᒃ ᑲᔪᓯᑎᑦᓯᓚᖓᑎᓪᓗᒋᑦ ᐊᒻᒪᓗ, ᑕᒪᓐᓇ ᐱᑦᔪᑎᒋᑦᓱᒍ, ᑲᔪᓯᑎᑦᓯᓯᒪᔪᑦ ᖃᐅᔨᓴᕐᓂᒥᒃ 450-ᓂᒃ ᐊᓇᕐᕋᕆᔭᐅᔪᓂᒃ ᑕᓪᓕᒣᓂ ᓄᓇᕕᒻᒥ ᓄᓇᓕᓐᓂ ᐊᕐᕌᒍᓂ ᐅᑯᐊ ᐊᑯᓐᓂᖏᓐᓂ 2014 ᐊᒻᒪᓗ 2016 ᐱᒋᐊᕐᕕᖓ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ: ᐊᓐᓄᕌᕐᓗᓯᒪᓇᕐᒥ ᐊᑦᑕᓀᑦᑐᒦᓐᓂᐊᕋᑦᓯ ᐊᓕᐊᖕᖑᐊᓗᓯᓗ: ᐊᑦᑕᓇᕐᑐᒦᑦᑌᓕᒍᑏᑦ ᐁᑦᑐᑐᕐᑕᐅᒋᐊᕐᑐᓱᑎᒃ ᐳᓚᕋᕐᑐᓄᑦ

ᑰᑦᔪᐊᖅ, ᑯᐯᒃ, ᐊᒃᑑᐸ 28, 2016 – ᐊᓐᓄᕌᕐᓗᓯᒪᓇᕐᒥ ᐊᓕᐊᓇᕐᑐᖑᐊᒍᒍᓐᓇᓲᖅ ᐊᒻᒪᓗ ᐊᑦᑕᓈᕿᓚᕿᓇᑐᐃᓐᓇᕆᐊᖃᕐᓇᓱᓂ. ᑲᑎᕕᐅᑉ ᐳᓖᓯᖏᑦ ᑲᒃᑲᓛᑦ ᐊᖓᔪᕐᖄᖏᓐᓂᒃ ᖃᐅᔨᒪᑦᓯᐊᖁᔨᕗᑦ, ᑲᒪᔨᖏᓐᓂᓗ ᐊᒻᒪᓗ ᑲᒃᑲᓛᓂᒃ ᐊᑐᐊᕐᓯᖁᔨᑦᓱᑎᒃ ᐱᔭᕆᐊᑭᑦᑐᓂᒃ ᐊᑦᑕᓇᕐᑐᒦᑦᑌᓕᒍᑎᓂᒃ ᑭᓇᓕᒫᒃᑯᑦ ᓱᒃᑯᐊᕿᑦᑌᓕᒍᑎᖏᓐᓂᒃ:

ᐊᑐᐊᕆᐊᓪᓚᒐᑦᓴᑦ ...


ᓯᕿᓂᐅᑉ ᖃᓄᐃᓕᖓᓂᖓᓄᑦ ᖁᒻᒧᐊᑎᑕᐅᓯᒪᔫᑉ ᓱᕐᕋᑕᐅᓯᒪᓂᖓ - ᐅᑭᐊᑦᓴᖅ 2016

ᖃᐅᔨᒪᔪᑦᓴᐅᒐᑦᓯ, ᐅᑭᐊᖅ ᑎᑭᑦᑎᓗᒍ ᓯᕿᓂᐅᑉ ᑐᑭᓕᕇᖃᑎᖃᕐᕕᖓᓄᑦ ᑎᑭᑉᐸᓕᐊᓕᕐᑐᒍᑦ ᐅᑭᐊᖅ 2016-ᒥ ᓇᓪᓕᐅᑎᕕᑦᓴᖃᕐᒪᑦ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ: ᐃᓄᑦᔪᐊᒥ ᕿᓂᕐᑕᐅᔪᖅ ᒪᙯᑦᑎ

ᑰᑦᔪᐊᖅ, ᑯᐯᒃ, ᐊᒃᑑᐸ 4, 2016 – ᐊᓪᓕᖏᓱᖓᓚᐅᔫᓂᒥᑦ ᓯᑉᑎᒻᐱᕆ 24, 2016-ᒥ ᑲᑎᕕᐅᑉ ᐳᓖᓯᖏᑦ ᐃᓚᐅᖃᑦᑕᑐᑦ ᐃᓄᑦᔪᐊᒥ ᓄᓇᓖᑦ ᐊᖓᔪᕐᖄᖏᓐᓄᑦ ᕿᓂᕐᑕᐅᑎᓗᒍ ᓄᓇᓕᒥᐅᖅ ᔫᐱ ᓄᖕᖓᖅ. ᐊᓯᐅᑎᓪᓗᒍ ᑐᓴᕐᑕᐅᑎᑕᐅᓚᐅᔫᖅ ᒪᙯᖃᑎᖃᕐᓱᓂ ᐱᖓᓱᓂᒃ ᐃᓄᓐᓂᒃ Frazier Island-ᒥ, ᐃᓐᓇᓕᓐᓂ ᐃᓄᑦᔪᐊᑉ ᑕᕐᕋᖓᓂ ᓂᒡᒋᕙᓯᖓᓂ, ᖃᔭᕆᐊᖓ ᓴᕐᕙᐅᔪᕕᓂᐅᑎᓪᓗᒍ. ᖃᔭᕆᐊᒥᒃ ᐁᑦᓯᒍᑎᒋᓂᐊᕐᑕᒥᒃ, ᐊᖑᑎᒃ ᐳᑦᑕᐅᑎᓕᐅᕐᑐᕕᓂᖅ ᐃᓪᓓᒍᑎᑦᓴᔭᓂᒃ ᐃᒪᖃᐅᑎᓂᒃ ᑭᓯᐊᓂ ᑎᑭᓚᐅᕋᓂ ᖃᔭᕆᐊᒧᑦ ᐳᑦᑕᐅᑎᖓ ᖃᔭᐅᔪᕕᓂᖅ. ᔫᐱ ᓄᖕᖓᒥᒃ ᒪᓕᑦᑐᕕᓃᑦ ᖃᓄᐃᖕᖏᑐᑦ ᐅᑎᕐᑎᑕᐅᓚᐅᔪᑦᓱᑎᓗ ᐃᓚᒥᓄᑦ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ: ᓄᓇᕕᒻᒥ ᐃᓄᒃᒍᑎᑦᓭᑦ-ᑮᓇᐅᔭᕐᑐᑐᒻᒪᕆᐅᓂᖏᓐᓂᒃ ᐃᓄᕐᓴᕆᐊᕐᑎᓯᓇᓱᒍᑏᑦ: ᐋᕐᕿᒋᐊᕆᒍᑎᐅᕐᖃᒥᕐᑐᑦ ᐅᕐᓱᐊᓗᓐᓂᒃ ᐊᑭᑭᓕᒋᐊᕐᓯᒪᒍᑎᑦᓴᓂᒃ

 ᑰᒃᔪᐊᖅ, ᑯᐯᒃ, ᓯᑉᑎᒻᐱᕆ 12, 2016 –ᐊᖏᖃᑎᒌᒍᑎᖃᓚᐅᕐᑎᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓗ ᒪᑭᕝᕕᑯᓪᓗ, ᐅᕐᓱᐊᓗᐃᑦ ᐊᑭᖃᕐᐸᑐᑦ 40-ᓴᓐᓯᓂᒃ ᓖᑕᑕᒫᑦ ᐃᓕᖓᑦᓱᓂ ᐃᓄᑐᐃᓐᓇᓄᑦ ᐱᕙᓪᓕᖁᑎᑕᕐᑕᑐᓄᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂ ᓱᕐᕋᓂᖃᓚᖓᖕᖏᓚᖅ ᑕᒡᒐᓂ ᐊᕐᕌᒍᒥ ᑕᒪᓐᓇ ᐅᓄᕐᓯᒋᐊᕐᑎᓯᖏᓐᓂᖅ ᐱᒋᐊᕐᕕᖃᓛᕐᓗᓂ ᓯᑉᑎᒻᐱᕆ 1, 2016-ᒥᑦ. ᐊᒻᒪᓗᒋᐊᓪᓚᑕᐅᖅ, ᐅᕐᓱᐊᓗᐃᑦ ᐊᑭᖏᑦ ᐃᓄᕐᓴᕆᐊᕐᓯᒪᓕᕐᑎᓗᒋᑦ ᑲᓇᑕᒥ ᑌᒣᓚᐅᕐᓱᑎᓪᓗ ᐊᕐᕌᒍᓚᐅᕐᑐᒥ, ᐅᕐᓱᐊᓗᓐᓂᒃ ᐊᑭᓕᐅᕆᓯᒪᒍᑏᑦ ᐃᓕᖓᔪᑦ ᑰᒃᔪᐊᒥᐅᓄᓪᓗ ᓄᓇᕕᐅᓪᓗ ᓄᓇᓕᓕᒫᖏᓐᓄᑦ ᐃᓄᕐᓴᕆᐊᕐᑎᑕᐅᓚᐅᔪᒋᕗᑦ ᐱᒋᐊᕐᕕᓕᐅᑎᕕᖃᕐᓱᑎᒃ ᓯᑉᑎᒻᐱᕆ 1-ᒥᒃ.

ᐊᑐᐊᕆᐊᓪᓚᒐᑦᓴᑦ ...