ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑲᓇᑕᐅᑉ ᐅᑭᐅᕐᑕᑐᖓᓂ ᑎᒻᒥᔫᓂᒃ ᑕᑯᓐᓇᑎᑦᓯᓂᖅ ᖃᖓᑕᓗᑎᒃ ᐊᕐᕕᑕᕐᕕᓕᓐᓂᒃ 2017

ᑲᓇᑕᐅᑉ ᐅᑭᐅᕐᑕᑐᖓᓂ ᑎᒻᒥᔫᓂᒃ ᕿᒥᕐᕈᑎᑦᓯᔪᑦ ᐊᕐᕕᑕᕐᓂᖃᓛᕐᑐᑦ, ᐃᓚᖃᕐᓗᑎᒃ ᐃᑲᔪᕐᓂᖏᓐᓂᒃ ᑲᓇᑕᒥᐅᑦ, ᐃᑲᔪᓛᕐᑐᑦ 15-ᓂᒃ ᑎᒻᒥᔫᕐᑎᓯᐊᓂᒃ ᖃᖓᑕᓛᕐᒪᑕ 16,000 ᒣᓕᓂᒃ (nautical miles) ᐊᒻᒪᓗ ᖃᖓᑕᑎᓪᓗᒋᑦ ᑕᑯᓐᓇᐅᔮᕐᑎᓯᖃᑦᑕᓛᕐᓱᑎᒃ 14-ᓂ ᓄᓇᓕᓐᓂ ᓄᓇᕕᒻᒥ ᐊᒻᒪᓗ 80 ᐅᖓᑖᓅᕐᑐᒋᐊᓪᓚᓂ ᐊᓯᖏᓐᓂᒃ ᓄᓇᓕᓐᓂ ᑕᕐᕋᒥ.

ᐊᑐᐊᕆᐊᓪᓚᒐᑦᓴᑦ ...


ᐱᖁᔭᕐᓂᒃ ᓯᖁᒥᑦᓯᔪᓄᑦ ᐱᓂᕐᓗᕕᐅᓯᒪᔪᑦ ᐊᓐᓇᓯᒪᔪᓪᓗ ᓄᓇᕕᒻᒥ ᐱᓇᓱᐊᕈᓯᖓ

ᑰᑦᔪᐊᖅ, ᑯᐯᒃ, ᒣ 25, 2017 – 2006-ᒥᓂᑦ ᑲᓇᑕ ᓇᓗᓀᕐᓯᕙᑦᑐᖅ ᐱᖁᔭᕐᓂᒃ ᓯᖁᒥᑦᓯᔪᓄᑦ ᐱᓂᕐᓗᕕᐅᓯᒪᔪᑦ ᐊᓐᓇᓯᒪᔪᓪᓗ ᓄᓇᕕᒻᒥ ᐱᓇᓱᐊᕈᓯᖓᓂᒃ. ᑐᕌᒐᖓ ᐃᑉᐱᒍᓱᓕᕐᑎᓯᒋᐊᕐᓂᖅ ᐱᓀᓗᑕᕆᔭᖏᓐᓂᒃ ᓵᖕᖓᒋᐊᖃᕐᐸᓱᒋᑦ ᐱᓂᕐᓗᕕᐅᓯᒪᔪᑦ ᐊᒻᒪᓗ ᐊᓐᓇᓂᑯᐃᑦ ᐱᖁᔭᕐᓂᒃ ᓯᖁᒥᑦᓯᔪᓄᑦ ᐱᓂᕐᓗᕕᐅᑦᓱᑎᒃ ᐊᒻᒪᓗ ᑭᒡᒐᑐᕈᑏᑦ, ᐱᓇᓱᒉᑦ ᐊᒻᒪᓗ ᐱᖁᔦᑦ ᐃᓕᐅᕐᖃᓱᒋᑦ ᐃᑲᔪᕐᓯᐅᑕᐅᓚᖓᑎᓪᓗᒋᑦ ᐱᓂᕐᓗᕕᐅᓯᒪᔪᓂᒃ ᐊᒻᒪᓗ ᐃᓚᖏᓐᓂᒃ. ᐊᕐᕌᒍᑕᒫᑦ, ᐊᒥᓱᑦ ᑲᔪᓯᑎᑕᐅᕙᑦᑐᑦ ᐃᑉᐱᒍᓱᓕᕐᑎᓯᒋᐊᕐᑐᓄᑦ ᐊᒻᒪᓗ ᐱᕙᓪᓖᒋᐊᕐᑐᓄᑦ ᐱᓇᓱᐊᒐᕐᓂᒃ ᑲᔪᓯᑎᑕᐅᔪᓂᒃ ᐊᑦᔨᒌᖕᖏᑐᓄᑦ ᑎᒥᓄᑦ ᑳᓇᑕᓕᒫᒥ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓭᑦ: ᐱᖓᔪᒋᓕᕐᑕᖏᑦ ᑕᒡᒐᐅᑎᑌᑦ ᐱᓇᓱᐊᕈᓯᐅᑉ ᓄᖕᖑᐊᓂ ᒥᕐᖑᐃᓯᕐᕕᒦᖕᖑᐊᓃᑦ

ᑰᑦᔪᐊᖅ, ᑯᐯᒃ, ᒣ 23, 2017 – ᓄᓇᕕᒻᒥ ᒥᕐᖑᐃᓯᕐᕖᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᓕᐊᓕᕐᖁᑦ ᑐᓴᕐᑎᓯᒋᐊᒥᒃ ᐱᓇᓱᐊᕈᓯᐅᑉ ᓄᖕᖑᐊᓂ ᒥᕐᖑᐃᓯᕐᕕᓕᐊᕐᓯᒪᓂᕐᓄᑦ ᐱᖓᔪᐊᓐᓂᐅᓕᕐᑐᖅ ᐊᕐᕌᒍᓂ ᑐᖓᓕᕇᓂ. ᑕᕝᕙᓂ ᐊᐅᔭᖅ, ᓄᓇᕕᒻᒥᐅᑦ  ᓇᓪᓕᑳᕈᓐᓇᕕᖃᓚᖓᓕᕐᑐᑦ 11-ᓂᒃ ᑕᑯᔭᕐᑐᓂᕐᓄᑦ ᓱᖃᑦᓯᐅᑎᑦᓴᓂᒃ ᐃᓗᐃᒃᑲᐅᓈᕐᑎᑐᓂᒃ ᑲᔪᓯᑎᑕᐅᕙᑦᑐᓂᒃ ᐱᖑᐊᓗᓐᓂ, ᑰᕈᕐᔪᐊᒥ ᐊᒻᒪᓗ ᑐᕐᓱᔪᒥ. ᓱᖃᑦᓯᐅᑎᐅᒍᓐᓇᑐᑦ ᐃᒣᑦᑑᑎᓪᓗᒋᑦ ᐱᓱᖕᖑᐊᓂᖅ, ᑲᔭᕆᐊᕐᑐᓂᖅ ᐊᒻᒪᓗ ᖃᔭᕐᑐᓂᖅ, ᓯᓂᑦᑕᕋᕐᓂᖅ, ᐆᒪᔪᓂᒃ ᑕᑯᒋᐊᕐᑐᓂᖅ, ᐃᓪᓗᐊᐱᒻᒥ ᑕᙯᕐᓯᓂᖅ, ᐃᓅᖃᑎᖃᕐᓂᖅ ᓄᓇᓕᒥᐅᓂᒃ ᒪᙯᑦᑎᓯᔨᖁᑎᑦᑎᓂᒃ ᐊᒻᒪᓗ ᐃᒻᒧᐊᓃᓐᓂᖅ ᓇᔪᕐᓗᒋᑦ ᐊᔪᒉᑦᑐᒪᕇᑦ ᓄᓇᕕᒻᒥ ᓄᓀᑦ.

ᐊᑐᐊᕆᐊᓪᓚᒐᑦᓴᑦ ...


Prix Hommage Aînés 2017 – ᑎᓕᔨᖁᔨᐅᑏᑦ

ᐃᓄᑐᖃᕐᒥᒃ ᓄᓇᓕᓯᓐᓂ ᐃᓱᒪᒥᑦᓱᓂ ᐊᑭᓕᕐᑐᑕᐅᒐᓂ ᐃᑲᔪᕐᓯᒪᕆᓲᒥᒃ ᐱᕙᓪᓖᒋᐊᕈᑏᑦ
ᐃᓕᑕᕆᔭᐅᖁᒧᑦ ᐃᑲᔪᒻᒪᕆᓲᑦ ᐃᓄᑐᙯᑦ ᐃᓱᒪᒥᑦᓱᑎᒃ ᑐᓂᕐᕈᓯᑦᓯᐊᓂᖃᓲᑦ ᐱᐅᓯᓚᖀᒋᐊᕐᓱᑎᒃ ᐃᓅᒡᒍᓯᒥᒃ ᐊᒻᒪᓗ ᐃᓅᖃᑎᒋᔭᐅᓂᖏᓐᓂᒃ ᐃᓄᑐᙯᑦ ᓄᓇᓕᓯᓐᓂ, ᑐᕐᖃᑕᕐᕕᒃ ᑲᒪᒋᔭᓕᒃ ᐃᓄᑐᖃᕐᓂᒃ ᐊᒻᒪᓗ ᓱᓇᐅᑦᓴᖏᒻᒧᑦ ᓵᓚᕐᖄᖃᕐᓂᓂᒃ ᐃᕐᓯᓇᕐᕕᖃᕐᓱᑎᒃ ᓄᕐᖃᑎᑦᓯᒋᐊᕐᓂᓂᒃ, ᕗᔮᓐᓰᓐ ᓴᕐᐸᓄ, ᓄᐃᑦᓯᓚᐅᕐᑐᖅ ᒣ 15-ᒥ ᑎᓕᔨᖁᔨᐅᑎᓂᒃ ᐊᑦᓯᔭᐅᖁᔨᑦᓱᓂ ᑭᒡᒐᑐᕐᓱᒍ Prix Hommage Aînés 2017.

ᐊᑐᐊᕆᐊᓪᓚᒐᑦᓴᑦ ...


ᐳᓖᓯᒃᑯᑦ ᑐᓴᕋᑦᓴᖏᑦ: ᐋᖓᔮᓐᓇᑐᕐᓄᐊᖓᔪᑦ ᐃᖏᕐᕋᑎᑕᐅᔪᑦ

ᑰᑦᔪᐊᖅ, ᑯᐯᒃ. ᒣ 5, 2017 – ᑲᑎᕕᐅᑉ ᐳᓖᓯᖏᑦ ᐱᓇᓱᐊᖃᑎᖃᕐᓱᑎᒃ ᐋᓰᐃᐊᒻᐲᒃᑯᓂᒃ (A-CFSEU) ᐊᒻᒪᓗ ᑯᐯᑉ ᐳᓖᓯᖏᓐᓂᒃ ᑲᔪᓯᑎᑦᓯᖃᒻᒦᑦ ᐱᒻᒪᕆᓐᓂᒃ ᓰᑲᔨᐊᕐᓗᓂ ᒪᔨᔪᐊᓇᓂ ᑎᒍᔨᓐᓂᓚᕿᑦᓱᑎᒃ ᑰᑦᔪᐊᒥ.

ᐊᑐᐊᕆᐊᓪᓚᒐᑦᓴᑦ ...