ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕋᑦᓭᑦ: ᑳᓇᑕᐅᑉ ᑲᕙᒪᖓ ᓄᐃᑦᓯᕗᖅ ᐱᒋᐅᕐᓂᐅᒍᑎᓄᑦ ᐱᒋᐅᕐᓴᐅᑎᓂᒃ ᐊᒻᒪᓗ ᐱᓇᓱᒐᕐᒥᒃ ᐱᔪᓐᓇᓯᒍᑎᓂᒃ ᐃᓅᓱᑦᑐᓄᑦ ᑳᓇᑕᒥᐅᓄᑦ ᓄᓇᕕᐅᑉ ᓄᓇᖓᓂ ᑯᐯᒃ ᐃᓗᐊᓂ

Minister Yvonne Jones visit

ᕕᕈᐊᕆ 20, 2018, ᑰᔾᔪᐊᖅ, ᑯᐯᒃ - ᐱᓇᓱᒐᖃᕐᓂᖅ ᐊᒻᒪᓗ ᐃᓄᓐᓂᒃ ᐱᕙᓪᓕᐊᑎᑦᓯᓂᖅ ᑳᓇᑕ

ᒪᑭᑎᕆᓂᖅ ᓂᑲᓇᖕᖏᑐᓂᒃ ᐊᑯᓐᓈᕿᒥᒃ ᑮᓇᐅᔭᓕᐅᕐᑐᓂᒃ ᐃᓄᖁᑎᓂᒃ ᑐᑭᖃᕐᖁᖅ ᑳᓇᑕᐅᑉ ᐃᓅᓱᑦᑐᖏᓐᓂᒃ ᐱᑎᑦᓯᓂᕐᒥᒃ ᓴᓇᕐᕈᑎᒋᒋᐊᓕᖏᓐᓂᒃ ᓇᕝᕚᓚᖓᓗᑎᒃ ᑎᒍᒥᐊᖏᓐᓇᓚᖓᓗᑎᓪᓗ ᐱᓇᓱᒐᑦᓯᐊᓂᒃ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓭᑦ: ᐅᓈᖅ ᐊᖑᑏᑦ ᑲᑐᑦᔨᖃᑎᒌᓐᓂᖓ ᐃᓄᑦᔪᐊᒥ ᓵᓚᓐᓃᔪᑦ $500ᓴᐅᓴᓂᒃ 2017-ᒥ ᐅᑭᐅᕐᑕᑐᒥ ᐱᔪᑦᓴᐅᔮᕐᑎᓯᓂᕐᓄᑦ ᓵᓚᖃᕐᑎᓯᓂᕐᓄᑦ ᖁᕕᐊᓲᑎᖃᕐᓂᒥ

AIP Unaaq

ᕕᕗᐊᔨ 6, 2018 - ᑰᑦᔪᐊᖅ, ᑯᐯᒃ – ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᓕᐊᒍᑦᔨᕗᑦ ᐅᓈᖅ ᐊᖑᑏᑦ ᑲᑐᑦᔨᖃᑎᒌᓐᓂᖓᓂᒃ ᐃᓄᑦᔪᐊᒥ, ᓄᓇᓕᓐᓂ ᓴᐳᑦᔨᓯᒪᓂᕐᓄᑦ ᐃᓚᒌᑦᑐᓂᒃ ᐱᕙᓪᓖᒋᐊᕐᑎᐅᓱᑎᒃ ᓯᕗᓕᕐᑎᐅᓂᕐᒥᒃ, ᐃᒻᒥᓂᒃ-ᐅᐱᒪᒋᔭᖃᕐᓂᒥᒃ ᐊᒻᒪᓗ ᐱᐅᓯᑐᖃᕐᑎᒍᑦ ᖃᐅᔨᒪᓂᕐᓂᒃ ᑎᒎᓪᓚᔭᐅᑎᑦᓯᓂᕐᓂᒃ, ᓵᓚᖃᓚᐅᕐᒪᑕ ᐅᑭᐅᕐᑕᑐᒥ ᐱᔪᑦᓴᐅᔮᕐᑎᓯᓂᕐᓄᑦ ᖁᕕᐊᓲᑎᖃᑎᖃᕐᓂᖃᕐᑎᓗᒍ ᔭᓄᐊᔨ 31, 2018-ᒥ, ᐊᑐᕗᐊᒥ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓭᑦ: ᐃᓪᓗᓕᕆᓂᐅᑉ ᐅᖄᒍᑕᐅᓂᖓᓄᑦ ᐃᓚᒋᑦᓱᒋᑦ ᑯᐯᒃ ᑲᕙᒪᖓᑕ ᑭᒡᒐᑐᕐᑎᖏᑦ

Ministerial visit

ᔭᓄᐊᕆ 29, 2018 - ᑰᔾᔪᐊᖅ, ᑯᐯᒃ - ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᑦᓯᕙᐅᑕᖓᑦ ᔨᐊᓂᕙ ᒪᓂᒃ, ᑲᑎᕕᒃᑯᑦ ᐳᕐᑐᓂᕐᓴᖏᓐᓄᑦ ᐃᓚᐅᖃᑕᐅᔪᒥᓪᓗ ᐊᒻᒪᓗ ᑕᕐᕋᒥᐅᑦ ᓄᓇᓕᖓᑕ ᑰᔾᔪᐊᒥ ᓯᕗᓕᕐᑎᖓᓗ ᑐᓄ ᓇᐹᕐᑐᖅ, ᐊᒻᒪᓗ ᑲᑎᕕᒃ ᐃᓪᓗᓕᕆᔨᕐᔪᐊᖏᑦᑕᓗ ᐊᖓᔪᕐᖄᖓᑦ, ᓵᒥ ᑕᖕᑲᓐ, ᑲᑎᓯᓚᐅᔪᕗᑦ ᐃᑉᐸᓴᐅᑎᓪᓗᒍ ᐅᓐᓄᓴᒃᑯᑦ ᑐᕐᖃᑕᕐᕕᒥᒃ ᑲᒪᒋᔭᖃᓲᒥᒃ ᓂᐅᕕᕐᓂᐊᓲᑦ ᓴᐳᑦᔭᐅᓯᒪᓂᖏᓐᓂᒃ ᐊᒻᒪᓗ ᐃᓪᓗᓕᕆᓂᕐᒥᒃ, ᓖᔅ ᑎᐊᕆᐅᒥᒃ, ᑐᕐᖃᑕᕐᕕᒥᒃ ᑲᒪᒋᔭᖃᓲᒥᒃ ᓄᓇᓕᑐᖃᓕᕆᓂᕐᒥᒃ, ᔨᐊᕗᕆ ᑭᐊᓕᒥᒃ, ᐊᒻᒪᓗ ᐅᖓᕙᒨᓕᖓᔪᒥᒃ ᑲᕙᒪᒃᑯᓄᑦ ᐃᓚᐅᖃᑕᐅᔪᒥᒃ ᔮᓐ ᐳᓯᐃᒥᒃ.  ᐃᓪᓗᓕᕆᓂᕐᒥᒃ ᐅᖄᒍᑎᖃᓚᐅᔪᕗᑦ, ᒪᑯᓂᖓᓗ ᐃᓪᓗᒥᒃ ᓇᒻᒥᓂᖃᕐᑎᓯᓂᕐᒥᒃ ᐊᒻᒪᓗ ᓴᓇᒋᐊᓪᓛᕆᓂᕐᒧᑦ ᐃᑲᔪᕐᓯᒪᐅᑎᖏᓐᓂᒃ.

ᐊᑐᐊᕆᐊᓪᓚᒐᑦᓴᑦ ...


ᑲᑎᒪᓂᖓ ᑫᐋᔩᒃᑯᑦ ᐊᒻᒪᓗ ᓂᕈᐊᕐᑕᐅᖃᒻᒥᐅᑉ ᒪᑭᕝᕕᑯᑦ ᐊᖓᔪᕐᖄᑖᖃᒥᖓᑕ

First meeting with newly elected Makivik President

ᔭᓄᐊᔨ 25, 2018-ᒥ, ᑫᐋᔩᑉ ᑐᑭᒧᐊᑦᑎᓯᔨᖓ ᔨᐊᓂᕙ ᒪᓂᒃ, ᐳᕐᑐᓂᕐᓭᑦ ᑲᑎᒪᔨᖏᓐᓄᑦ ᐃᓚᐅᔪᖅ ᑐᓄ ᓇᐹᕐᑐᖅ, ᐊᒻᒪᓗ ᑲᒪᔨᒻᒪᕆ ᒣᑯ ᑯᐊᑕ ᑐᖕᖓᓱᑦᑎᓯᓚᐅᕐᑐᑦ ᓂᕈᐊᕐᑕᐅᖃᒻᒥᒥᒃ ᒪᑭᕝᕕᑯᑦ ᐊᖓᔪᕐᖄᕆᓕᕐᑕᖓᓂᒃ ᓵᓕ ᒍᐊᑦᒥ ᑫᐋᔩᑉ ᐊᓪᓚᕕᒻᒪᕆᖓᓂ ᓯᕗᓪᓕᐹᒥ ᑲᑎᑦᓱᒍ. ᑫᐋᔩᑉ ᑭᒡᒐᑐᕐᑎᖏᑦ ᑕᕝᕙᓂ ᐱᕕᑦᓴᖃᑦᓯᐊᓚᐅᕐᑐᑦ ᐅᖃᐅᓯᖃᕐᓱᑎᒃ ᐃᓱᐃᓪᓕᖓᐅᑕᐅᕙᑦᑐᓂᒃ ᐊᒻᒪᓗ ᓵᓕᒥᒃ ᓇᑯᕐᓴᕈᑦᔨᓱᑎᒃ ᓄᑖᒥᒃ ᐱᓇᓱᐊᕐᓂᕆᓂᐊᓕᕐᒥᔭᖓᓂᒃ.


ᑐᓴᕋᑦᓭᑦ: ᑫᐋᔩ ᑐᓴᕐᑎᓯᔪᖅ ᑐᓂᕐᕈᓯᒍᑎᓂᒃ $1 ᒥᓕᐊᓂᒃ ᑐᕌᕐᑐᓂᒃ ᓄᑖᒧᑦ ᐃᓱᐊᕐᓯᕕᒃ ᒪᒥᓴᕐᕕᒧᑦ

Isuarsivik contribution 001 Isuarsivik contribution 002

ᑰᑦᔪᐊᖅ, ᑯᐯᒃ, ᔭᓄᐊᔨ 23, 2018 – ᑭᖑᓂᖓᒍᑦ ᐱᕙᓪᓕᐊᒪᕆᑦᓯᒪᓕᕐᑑᑉ ᐸᕐᓀᓂᓂᐅᑉ ᐃᓱᐊᕐᓯᕕᒃ ᒪᒥᓴᕐᕕᐅᑉ ᓴᓇᔭᐅᓂᑦᓴᖓᓄᑦ ᐊᒻᒪᓗ ᐃᖕᖏᕐᕋᓯᑎᑕᐅᓂᑦᓴᖓᓄᑦ ᓄᑖᑉ ᓄᓇᓕᓕᒫᒥ ᒪᒥᓴᕐᕕᐅᓚᖓᔫᑉ, ᐊᒻᒪᓗ ᑖᑦᓱᒥᖓ ᐅᖃᐅᓯᖃᕐᓯᒪᓂᖏᑦᑕ ᑲᕙᒪᑐᖃᒃᑯᑦ ᐊᒻᒪᓗ ᑯᐯᒃᑯᑦ ᑲᕙᒪᖓᑕ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐊᔩ) ᐊᓕᐊᓕᕐᑐᖅ ᑐᓴᕐᑎᓯᒋᐊᒥᒃ ᒪᓂᔨᓚᖓᓕᕋᒥ ᑲᑎᓂᓕᓐᓂᒃ $1 ᒥᓕᐊᓂᒃ ᐱᖁᑎᒻᒪᕆᐅᑉ ᐊᑭᖏᓐᓄᑦ ᐊᑐᕐᑕᐅᔪᑦᓴᓂᒃ. ᑫᐋᔩ ᑮᓇᐅᔭᖃᕐᑎᓯᓚᖓᔪᖅ ᑖᑦᓱᒥᖓ ᐱᓇᓱᒐᕐᒥᒃ ᐊᕐᕌᒍᓂ 3-ᓂ ᐃᓕᔭᐅᖃᑦᑕᓚᖓᔪᓂᒃ: $350,000-ᓂᒃ 2018-ᒥ ᐊᒻᒪᓗ 2019-ᒥ, ᐊᒻᒪᓗ $300,000-ᓂᒃ 2020-ᒥ.

ᐊᑐᐊᕆᐊᓪᓚᒐᑦᓴᑦ ...