ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓇᓂᓕᒫᒥᐅᑦ ᖃᒧᑎᑲᓪᓚᓂᒃ ᐊᖁᑦᑐᑦ ᐊᑦᑕᓀᑦᑑᒋᐊᖃᕐᓂᖏᑦᑕ ᐱᓇᓱᐊᕈᓯᖓPress Release: International Snowmobile Safety Week

ᑰᑦᔪᐊᖅ, ᑯᐯᒃ, ᔮᓄᐊᔨ 19, 2015 – ᓄᓇᕕᒻᒥ ᓄᓇᓯᐅᑎᐊᕈᐃᑦ ᐊᕐᖁᑎᕐᓚᑰᕐᑐᓴᔭᐅᖕᖏᑐᑦ ᐊᑦᑕᓇᕈᑕᐅᒋᐊᖃᖕᖏᓂᖏᓐᓂᒃ ᐃᑯᓪᓚᑎᑦᓯᒋᐊᕐᕕᒃ ᐊᒻᒪᓗ ᐃᑉᐱᒍᓱᑦᓯᐊᓕᐅᒥᑎᑦᓯᒋᐊᕐᕕᒃ ᐱᓇᓱᐊᕈᓯᖅ, ᐊᕐᖁᑎᑦᓯᐊᑯᑦ ᐊᑦᑕᓇᕿᑦᑌᓕᒋᑦ, ᓄᓇᕕᒻᒥᐅᓄᑦ ᑐᓴᐅᒪᔭᐅᒋᐊᖃᓕᕆᕗᖅ ᔮᓄᐊᔨ 17-ᒥᑦ 25-ᒧᑦ, 2015-ᒥ, ᑲᔪᓯᑎᑕᐅᓛᓕᕐᒥᒪᑕ ᓇᓂᓕᒫᖅ ᖃᒧᑎᑲᓪᓚᓂᒃ ᐊᖁᑦᑐᑦ ᐊᑦᑕᓀᑦᑑᒋᐊᖃᕐᓂᖏᑦᑕ ᐱᓇᓱᐊᕈᓯᖓ ᐊᑑᑎᓂᖃᓛᓕᕐᒥᒪᑦ. ᐃᖏᕐᕋᐅᑎᐊᕈᐃᑦ ᐊᑦᑕᓇᖕᖏᑐᓄᑦ ᐊᖁᑦᑕᐅᒋᐊᖃᕐᓂᖏᓐᓄᑦ ᑐᑭᓯᐅᑎᑦᓭᑦ ᑐᓵᔭᐅᑎᑕᐅᖃᑦᑕᓛᓕᕐᓂᖏᑦ ᐸᕐᓀᑕᐅᒪᔪᑦ ᓄᓇᓕᓕᒫᓂ ᑐᓴᐅᑎᑎᒍᑦ, ᐊᒻᒪᓗ ᓄᓇᓕᓐᓂ ᐃᓗᓯᕐᓱᓯᐊᕐᓂᓄᑦ ᐊᒻᒪᓗ ᐱᖁᔮᐲᑦ ᑲᔪᓯᑎᑕᐅᓂᖏᓐᓂᒃ ᑲᒪᔨᓄᑦ ᑐᓴᕐᑕᐅᑎᑕᐅᒋᐊᒻᒪᕆᖃᑦᑕᓗᑎᒃ ᓄᓇᓕᓐᓂ ᓄᓇᓯᐅᑎᐊᕈᐃᑦ ᖃᒧᑎᑲᓪᓓᑦ ᐊᑦᑕᓇᖕᖏᑐᓄᑦ ᐊᑦᑕᓀᑦᑑᓗᑎᓗ ᐊᖁᑦᑕᐅᒋᐊᖃᕐᓂᖏᓐᓄᑦ ᐱᓇᓱᐊᕈᑎᖃᖃᑦᑕᓂᐊᓕᕐᒥᒪᑕ. ᓈᓚᖃᑦᑕᓚᖓᕗᓯ ᐊᒻᒪᓗ ᐃᑉᐱᒍᓱᒐᓱᐊᕐᓗᓯ ᓱᔪᖃᓕᕐᒪᖔᑦ ᓄᓇᓕᓯᓐᓂ. ᐊᕐᖁᑎᑦᓯᐊᑯᑦ ᐊᑦᑕᓇᕿᑦᑌᓕᒋᑦ ᑖᑦᓱᒧᖓᐅᓕᖓᔪᑦ ᓂᐱᑦᑕᑐᐃᑦ ᐊᑐᐃᓐᓇᐅᑎᑕᐅᖃᑦᑕᓛᕐᒥᔪᑦ ᓄᓇᓖᑦ ᐊᓪᓚᕕᖏᓐᓂ ᐊᒻᒪᓗ ᐃᓕᓴᕐᕕᓂ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ ᓄᐃᑕᐅᕋᑖᖅ: ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦ ᐅᐱᒍᓱᒍᒪᕗᑦ ᐃᓪᓚᓱᒃ ᐸᐅᔪᖏᒥᒃ

ᑰᑦᔪᐊᖅ, ᑯᐯᒃ, ᑎᓯᐱᕆ 11, 2014 ─ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦ (KRG-ᑯᑦ) ᐅᐱᒍᓱᒍᒪᕗᑦ ᐅᓪᓗᒥ ᐃᓅᓯᖓᓂᒃ, ᐱᓇᓱᐊᓚᐅᕐᓂᖓᓂᓪᓗ ᐱᔭᕆᖃᑦᑕᓚᐅᕐᑕᖏᓐᓂᓗ ᐃᓪᓚᓱᒃ ᐸᐅᔪᖏᐅᑉ ᐃᓅᔪᓐᓀᓚᐅᕐᒪᑦ ᐅᓐᓄᐊᒃᑯᑦ ᑎᓯᐱᕆ 7, 2014-ᒥ. ᓇᓪᓕᒋᔭᐅᑦᓯᐊᓚᐅᕐᑐᖅ ᐃᓱᒪᑖᕐᑎᑦᓯᖃᑦᑕᓱᓂᓗ ᑖᓐᓇ, ᐃᓪᓚᓱᒃ ᐃᖅᑲᐅᒪᔭᐅᓚᖓᕗᖅ ᐃᓘᓐᓇᖏᓐᓄᑦ ᐃᑦᔭᕋᑦᓴᓯᐅᖑᓂᖓ ᐊᒥᓱᓂᓪᓗ ᐃᓅᓯᕐᓂᒃ ᐊᑦᑐᓯᖃᑦᑕᓚᐅᕐᓂᖓ, ᓄᓇᒥᓂ ᐊᒻᒪᓗ ᓄᓇᓕᓕᒫᓂ. “ᐃᓪᓚᓱᒃ, ᓂᐱᖃᑦᓯᐊᖃᑦᑕᓚᐅᕐᒪᑦ, ᓴᖕᖏᔫᑦᓱᓂᓗ ᐃᓅᑦᓱᓂ ᐊᕐᓇᐅᑦᓱᓂ; ᐃᓘᓐᓇᖏᓐᓄᑦ ᖃᐅᔨᒪᔨᖏᓐᓄᑦ ᐅᐱᒋᔭᐅᑦᓯᐊᖃᑦᑕᓚᐅᕐᐳᖅ. ᐱᐅᔪᕆᖏᑦᑑᑦᓱᓂ, ᐃᔪᕐᑎᑦᓯᒍᓐᓇᓱᓂ, ᓯᓚᑐᔫᓚᐅᕐᑐᖅ ᑖᓐᓇ. ᐊᖑᒻᒪᑎᑦᓯᐊᕈᓐᓇᓱᓂᓗ ᓯᓚᕐᔪᐊᒥ ᐃᓅᓯᑦᑎᓐᓂ ᐊᓯᑦᔨᐸᓪᓕᐊᔪᒥ ᐃᓅᕕᒋᔭᑦᑎᓐᓂ, ᐃᑲᔪᕐᓯᒪᑦᓱᓂᓗ ᓄᓇᕕᒻᒥᐅᓂᒃ ᑐᑭᓯᑎᑦᓯᓯᒪᑦᓱᓂ ᐅᓪᓗᒥ ᐃᓅᓯᑦᑎᒍᑦ ᓵᖕᖓᒋᐊᖃᖃᑦᑕᑕᑦᑎᓐᓂᒃ. ᐃᓪᓚᓱᒃ ᐊᑯᓂ ᑭᖑᓂᖃᕆᔭᐅᓚᖓᕗᖅ,” ᐅᖃᐅᓯᖃᓚᐅᕐᐳᖅ ᒫᑭ ᐃᒪᕐᓚᒃ, ᑐᑭᒧᐊᑦᑎᑦᓯᔨᐅᔪᖅ KRG-ᑯᓐᓂ.

ᐊᑐᐊᕆᐊᓪᓚᒐᑦᓴᑦ ...


ᑐᓴᕋᑦᓴᖅ ᓄᐃᑕᐅᕋᑖᖅ: ᒪᑭᕝᕕᒃᑯᑦ KRG-ᑯᓪᓗ ᓈᒻᒪᓴᖏᓐᓂᖏᑦ ᓄᖑᔪᐃᑦᑐᒥᒃ ᐱᕙᓪᓕᐊᔭᐅᒐᓱᐊᕐᑐᒥᒃ ᓄᓇᕕᒻᒥ

ᑲᖏᕐᓱᐊᓗᑦᔪᐊᖅ, ᑯᐯᒃ, ᑎᓯᐱᕆ 3, 2014 – ᓇᐅᓕᒫᑦ ᑲᑎᒪᑎᓪᓗᒋᑦ ᐅᑯᓄᖓ ᑲᑎᒪᑎᑕᐅᑎᓪᓗᒋᑦ Bureau d’audiences publiques de l’environnement (ᐊᕙᑎᒥᐅᑕᓄᑦ ᓇᐅᓕᒫᓂᒃ ᑲᑎᒪᑎᑦᓯᓂᖏᑦ ᑲᑎᒪᔨᐊᐲᑦ, BAPE) ᐊᒻᒪᓗ ᑲᑎᕕᒃ ᐊᕙᑎᓕᕆᓂᕐᒧᑦ ᐃᓱᒪᑦᓴᓯᐅᕐᑏᑦ ᑲᑎᒪᔩᑦ (KEAC) ᓵᖕᖓᓯᒋᐊᖃᕐᓂᖅ ᐊᒻᒪᓗ ᐃᓱᐃᓗᑕᖃᕐᓂᖅ ᐱᓇᓱᐊᕐᑕᐅᔪᒥᒃ ᓄᖑᔪᐃᑦᑐᒥᒃ ᐅᔭᕋᓐᓂᐊᓂᒧᑦ, ᔫᐱ ᑕᕐᕿᐊᐱᒃ, ᒪᑭᕝᕕᒃᑯᑦ ᐊᖓᔪᖅᑳᖓᑦ, ᐊᒻᒪᓗ ᒫᑭ ᐃᒪᕐᓚᒃ, ᑐᑭᒧᐊᑦᑎᑦᓯᔨᐅᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᓐᓄᑦ (KRG), ᐅᖃᐅᓯᖃᓚᐅᕐᐴᒃ ᓈᒻᒪᓴᖏᓐᓂᒥᓐᓂᒃ ᓄᖑᔪᐃᑦᑐᒥᒃ ᐅᔭᕋᓐᓂᐊᕈᒪᓂᕐᒧᑦ ᖃᐅᔨᓴᕐᑕᐅᔪᒥᒃ, ᖃᐅᔨᓴᕐᓂᒥᒃ ᐊᒻᒪᓗ ᑯᕕᕋᕐᕕᓕᕆᓂᐅᑉ ᐊᐅᓚᑕᐅᓂᖓᓂᒃ ᓄᓇᕕᒻᒥ.

ᐊᑐᐊᕆᐊᓪᓚᒐᑦᓴᑦ ...


ᐊᖑᒻᒪᑎᑎᑦᓯᒋᐊᕈᑎᖏᑦ: ᐊᒃᑑᐸ 2014

ᓄᓇᕕᒻᒥᐅᑦ ᐊᖑᒻᒪᑎᒍᓐᓇᖁᓪᓗᒋᑦ ᐱᓇᓱᐊᕐᑕᐅᓯᒪᓕᕐᑐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᓐᓄᑦ

krg-update october in


ᓯᑎᒻᐱᕆ ᐊᖕᖑᑎᑎᑦᓯᒋᐊᕈᑏᑦ: ᓄᓂᕚᑦ – ᓄᓇᕕᒻᒥ ᐊᓪᓚᑕᐅᓯᒪᓂᕐᒧᑦ ᐱᓂᐊᕐᓂᐅᔪᑦ

ᖃᐅᔨᓴᕐᓃᑦ ᐊᒻᒪᓗ ᓱᓇᓱᐊᕐᑕᐅᓂᖏᑦ

ᓄᓇᕕᒻᒥ ᐃᓅᒐᓱᐊᕈᑏᑦ ᐊᑭᖏᓐᓂᒃ ᕿᒥᕐᕈᓂᕐᒧᑦ - ᑲᑎᕕᒃᑯᓗ, ᒪᑭᕝᕕᑯᓗ, ᓚᕚᓪ ᐃᓕᓐᓂᐊᕕᒻᒪᕆᖓᓗ ᐊᒻᒪᓗ ᑯᐯᒃᑯᑦ ᑲᕙᒪᖓᑦ ᐊᖏᖃᑎᒌᒍᓐᓇᓯᓚᐅᕐᑐᑦ ᐃᓅᒐᓱᐊᕈᑏᑦ ᐊᑭᖏᓐᓂᒃ ᖃᐅᔨᓴᕐᑕᐅᔪᖃᕐᓂᐊᓕᕐᑎᓗᒍ ᓄᓇᕕᒻᒥ.  ᐅᑦᑐᕋᕐᓂᒥᒃ ᐸᕐᓇᑕᐅᔪᖃᕐᑐᖅ ᓅᕕᒻᐱᕆᒥ ᐊᑕᐅᓯᕐᒥ ᓄᓇᓕᒻᒥ ᐊᒻᒪᓗ ᑭᖑᓪᓕᖃᕐᓂᐊᓱᓂ ᖃᐅᔨᓴᕐᓂᒥᒃ ᐱᖓᓲᔪᕐᑐᓂᒃ ᓄᓇᓕᓐᓂᒃ 2015-ᒥ.  ᐊᑖᒍᑦ ᐅᑯᐊ ᐊᖏᖃᑎᒌᒍᑏᑦ ᑮᓇᐅᔭᖃᕐᑎᓯᒍᑎᓄᑦ ᐃᑯᓪᓚᐅᒥᑎᑦᓯᒋᐊᕈᑎᑦᓴᒧᑦ ᐃᓅᒐᓱᐊᕈᑏᑦ ᐊᑭᖏᓐᓂᒃ ᓄᓇᕕᒻᒥ ᐊᑎᓕᐅᕐᑕᐅᓚᐅᔪᔪᒥᒃ ᑏᓯᒻᐱᕆ 2013-ᒥ, ᒪᑭᕝᕕᒃᑯᑦ, ᑲᑎᕕᒃᑯᓗ ᐊᒻᒪᓗ ᑯᐯᒃᑯᑦ ᑲᕙᒪᖓᑦ ᓯᕗᓂᓕᐅᓚᐅᕐᑐᑦ ᐊᑐᓛᕆᐊᒥᒃ ᖃᐅᔨᓴᕐᑕᐅᔪᕕᓃᑦ ᖃᓄᐃᓕᓂᕕᓂᖏᓐᓂᒃ ᓇᓗᓀᕐᓯᒍᑎᒋᓗᒋᑦ ᐊᑐᕐᓂᖃᑦᓯᐊᑐᓂᒃ ᐊᑯᓃᕐᓂᖃᕐᑐᓂᓪᓗ ᑐᑭᑖᕆᒍᑎᑦᓴᓂᒃ ᑕᒫᓂ ᓄᓇᒥ ᐊᑭᑐᔫᓂᖓᓄᑦ ᐃᓅᒐᓱᐊᕈᑏᑦ.

ᐊᑐᐊᕆᐊᓪᓚᒐᑦᓴᑦ ...