ᑲᑎᕕᒃ ᓄᓇᓕᓕᒫᑦ ᑲᕙᒪᖓ

SPVM−ᑯᑦ ᐊᒻᒪᓗ KRPF−ᑯᑦ ᐱᓇᓱᐊᖃᑎᒌᓐᓂᖏᒃ ᐊᑦᑕᓇᖕᖏᑐᒦᑦᑎᓯᒋᐊᕐᓂᒧᑦ ᐃᓄᓱᐃᓐᓇᓂᒃ ᖃᓪᓗᓈᓂᒥᐅᓂᒃ

Entente SPVM KRPF

ᒣ 29, 2019, ᐊᐅᐸᓗᒻᒥ - ᒪᓐᑐᔨᐊᒥ ᐳᓖᓯᖏᑦ (SPVM) ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᐳᓖᓯᖏᑦ (KRPF) ᐅᐱᒍᓱᑦᑑᒃ ᑐᓴᕐᑎᓯᒋᐊᒥᒃ ᐱᓇᓱᐊᖃᑎᒌᓛᓕᕐᓂᒥᓂᒃ ᐊᑦᑕᓇᖕᖏᑐᒦᑦᑎᓯᒋᐊᕐᓂᒧᑦ ᐊᒻᒪᓗ ᓴᐳᓐᓂᐊᒋᐊᕐᓂᒧᑦ ᐃᓄᑐᐃᓐᓇᓂᒃ ᒪᓐᑐᔨᐊᒥᐅᖑᓕᕐᓱᓂᒃ.

ᐱᓇᓱᐊᖃᑎᒌᓂᖏᒃ ᐊᒻᒪᓗ ᑐᓴᐅᒪᖃᑎᒌᓐᓂᖏᒃ ᐅᓪᓗᑕᒫᑦ ᐊᑐᓂᑦ ᐳᓖᓯᖏᑦᑕ ᐱᑦᔪᑎᒋᓗᒍ ᐊᓯᐅᒪᔪᐃᑦ, ᑭᓪᓕᓯᓂᐊᕐᑕᐅᔪᐃᑦ ᐊᒻᒪᓗ ᑐᑭᑖᕐᑕᐅᔪᐃᑦ ᐱᓂᕐᓘᑏᑦ ᐃᑲᔪᕐᓯᓂᖃᓚᖓᒻᒪᑦ ᐊᑦᑕᓇᖕᖏᑐᒦᒋᐊᖃᕐᓂᖏᓐᓂᒃ ᐊᒻᒪᓗ ᓴᐳᓐᓂᐊᑕᐅᑦᓯᐊᓂᕐᒥᓂᒃ ᐱᔪᓐᓇᐅᑎᒋᓪᓚᕆᒋᐊᓕᖏᓐᓂ.
ᐃᓕᑕᕐᓯᕗᒍᑦ ᐳᓖᓯᓂᒃ ᐱᓇᓱᐊᕐᓂᒥᒍᑦ ᓄᐃᑕᑎᑦᓯᒪᑕ ᐊᔪᐃᓐᓇᓂᕐᒥᓂᒃ ᐃᑲᔪᕐᑐᓂᕐᒥᒃ ᖃᓄᐃᓕᖕᖓᑕᐅᓯᓐᓇᓂᒃ ᐃᓄᑐᐃᓐᓇᓂᒃ ᒪᓐᑐᔨᐊᒥᐅᓂᒃ ᑭᖕᖒᒪᒋᔭᖏᓐᓂᒃ ᖃᓄᕐᑑᕈᑎᖃᕐᓂᑯᑦ.