ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐃᑲᔪᕐᓯᔭᐅᓂᑦᓴᖏᑦ ᖁᑭᐅᑎᓄᑦ ᓇᓗᓀᔦᑎᑕᐅᓂᕐᓄᑦ

ᑲᑎᕕᒃᑯᑦ ᐳᓖᓯᖏᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑐᓂᓯᔪᕕᓃᑦ ᐃᑲᔪᕐᓯᓂᕐᒥᒃ ᑕᒡᒐᓂ ᐱᓇᓱᐊᕈᓯᕐᒥᒃ ᑰᑦᔪᐊᒥ ᖁᑭᐅᑎᓂᒃ ᓇᒻᒥᓂᓕᓐᓄᑦ ᓇᓗᓀᔦᒋᐊᕐᑐᑎᓪᓗᒋᑦ ᖁᑭᐅᑎᒥᓂᒃ ᑯᐯᒃᑯᑦ ᖁᑭᐅᑎᓂᒃ ᓇᓗᓀᔦᕕᖏᑦᑕ ᐱᔪᔨᕕᖓᓄᑦ. ᐳᓖᓰᑦ ᐃᓄᑦᑎᑑᕈᓐᓇᑐᐃᓪᓗ ᐱᓇᓱᑦᑎᖏᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᖑᕕᒐᒃᑯᖏᑦ ᐊᑐᐃᓐᓇᐅᓚᐅᕐᑐᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᓪᓚᕕᖓᓂᒃ ᑲᑎᑦᑕᕕᒻᒥᓗ ᐊᐱᕆᐅᑎᓂᒃ ᑭᐅᒋᐊᕐᑐᓯᒪᑦᓱᑎᑦ ᐊᒻᒪᓗ ᐃᑲᔪᕐᓯᒋᐊᕐᑐᓯᒪᑦᓱᑎᑦ ᑕᑕᕐᓭᒍᑎᓂᒃ ᓇᓗᓀᔦᑎᑦᓯᒍᑎᓂᒃ. ᐊᑕᐅᑦᓯᑯᑦ, ᐊᑦᓱᖏᐅᑏᑦ ᑐᓂᐅᖅᑲᑕᐅᓚᐅᕐᒥᔪᑦ ᐊᑭᖃᖕᖏᑑᑦᓱᑎᑦ ᖁᕝᕙᒋᐊᕐᑎᑕᐅᓂᖏᓐᓄᑦ ᖁᑭᐅᑎᓄᑦ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᑦ.

ᐃᑲᔪᕐᓯᔭᐅᓂᑦᓴᖏᑦ ᖁᑭᐅᑎᓄᑦ ᓇᓗᓀᔦᑎᑕᐅᓂᕐᓄᑦ ᐸᕐᓇᑕᐅᒻᒥᔪᑦ ᐊᓯᖏᓐᓂᒃ ᓄᓇᕕᐅᑉ ᓄᓇᓕᖏᓐᓂᒃ. ᓇᓗᓀᕐᑕᐅᑎᑦᓯᓚᖓᑐᐊᕈᑎᑦ ᖁᑭᐅᑎᒥᓂᒃ, ᓇᒻᒥᓂᓖᑦ ᓱᖅᑯᐃᑐᓂᒃ ᑭᓇᐅᓂᕐᒥᓂᒃ ᓇᓗᓀᕐᓯᒍᑎᖃᕆᐊᓖᑦ, ᐆᑦᑑᑎᒋᓗᒋᑦ, ᐊᖁᕈᓐᓇᐅᑎᒃ, ᓯᕿᓂᖕᖑᐊᖅ ᐊᑦᔨᖑᐊᓕᒃ, ᐃᑳᕈᓐᓇᐅᑎᒃ, ᖁᑭᐅᑎᓄᑦ ᓓᓴᓐᓯ ᐅᕝᕙᓘᓐᓃᑦ ᐃᓚᐅᔫᔪᐃᑦ ᐃᓕᑕᕐᓯᒪᐅᑎᖓ ᐊᑦᔨᖑᐊᓕᒃ. ᖁᑭᐅᑎᓄᑦ ᓇᓗᓀᔦᒍᑏᑦ ᑕᑕᕐᓴᑕᐅᒍᓐᓇᑐᑦ ᖁᒻᒧᐊᑎᑕᐅᓯᒪᔪᒃᑯᑦ ᐅᕙᓂ: https://siaf.gouv.qc.ca/accueil.html?L=1.