ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑫᐋᔩᒃᑯᑦ ᑲᑎᒪᔨᑦᑖᖃᒻᒥᖏᑦ ᓯᕗᓪᓕᐹᒥ ᑲᑎᒪᔪᑦ

IMG 7562

ᑰᑦᔪᐊᖅ, ᑯᐯᒃ, ᓅᕕᒻᐱᕆ 27, 2018- ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩᒃᑯᑦ) ᑲᑎᒪᔨᑦᑖᖃᒻᒥᖏᑦᑕ ᑲᒪᒋᔭᕐᖄᑫᓐᓇᑕᖏᑦᑕ ᐃᓚᖓᑦ ᓇᓪᓕᑳᕐᓂᖅ ᐳᕐᑐᓂᕐᓴᐅᓚᖓᔪᓂᒃ. ᑎᓕᔭᐅᔪᑦ ᐅᑯᐊ:

ᔨᐊᓂᕙ ᒪᓂᒃ           ᑐᑭᒧᐊᑦᑎᓯᔨ

ᕼᐃᓪᑕ ᓯᕘᐹ           ᑐᑭᒧᐊᑦᑎᓯᔨᐅᑉ ᑐᖓᓕᐊ

ᔫᐱ ᑕᕐᕿᐊᐱᒃ          ᑰᑦᔪᐊᖅ

ᓴᔪᐃᓕ ᐅᐃᑖᓗᑦᑐᖅ      ᐃᓄᑦᔪᐊᖅ

ᓵᓕ ᐋᕐᖓᖅ           ᑲᖏᕐᓱᔪᐊᖅ

ᑕᓪᓕᒪᓄᑦ ᐃᓚᐅᕕᐅᔪᑦ ᐳᕐᑐᓂᕐᓭᑦ ᑎᓕᔭᐅᔪᑦ ᑫᐋᔩᑉ ᑲᑎᒪᔨᖏᓐᓄᑦ ᑲᑎᒪᓂᖃᕐᓱᑎᒃ ᑐᑭᑖᕐᑕᖏᑦᑕ ᑲᔪᓯᑕᐅᑦᓯᐊᖃᑦᑕᕆᐊᖃᕐᓂᖏᓐᓄᑦ ᐊᒻᒪᓗ ᐊᐅᓚᑕᐅᑦᓯᐊᓗᑎᒃ ᑫᐋᔩᑉ ᑲᒪᒋᔭᑦᓴᔭᖏᑦ. ᑐᑭᒧᐊᑦᑎᓯᔨ ᐊᒻᒪᓗ ᑐᑭᒧᐊᑦᑎᓯᔨᐅᑉ ᑐᖓᓕᐊ ᓄᐃᑕᒋᐊᓖᑦ ᐱᖁᔭᑎᒍᑦ ᓄᓇᓖᑦ ᑲᕙᒫᐱᖏᓐᓄᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᕕᑦᓴᖃᕐᕕᓕᒫᒥᓂ ᑎᒥᒥᒃ ᑭᒡᒐᑐᕐᑎᐅᓚᖓᓗᑎᒃ.

ᐊᓯᖏᑦ ᓄᓇᓖᑦ ᑭᒡᒐᑐᕐᑎᕆᓚᖓᔭᖏᑦ ᑫᐋᔩᒧᑦ ᑲᑎᒪᔨᐅᓗᑎᒃ ᐅᑯᐊ;

ᑰᑦᔪᐊᕌᐱᒃ              ᔨᐊᓂᕙ ᕼᐊᓐᑕ

ᐅᒥᐅᔭᖅ               ᔮᒃ ᓂᕕᐊᕐᓯ

ᐳᕕᕐᓂᑐᖅ              ᑳᓓ ᓇᐹᕐᑐᖅ

ᐊᑯᓕᕕᒃ               ᔪᐊᓇᓯ ᐊᓕᖁ

ᐃᕗᔨᕕᒃ               ᓵᓚᒨᓂ ᖃᕙᕙᐅᖅ

ᓴᓪᓗᐃᑦ               ᒫᒃ ᐊ. ᐅᕿᑦᑐᖅ

ᖁᐊᖅᑕᖅ              ᔫᓯᐱ ᑯᓪᓗᓛ

ᑲᖏᕐᓱᒃ               ᔩᓂ ᓄᖕᖓᖅ

ᐊᐅᐸᓗᒃ               ᓚᓴᔫᓯ ᐊᖑᑎᖕᖑᐊᖅ

ᑕᓯᐅᔭᖅ               ᐱᓕ ᑫᓐ

ᑲᖏᕐᓱᐊᓗᑦᔪᐊᖅ          ᐃᓄᑦᓯᕋᑕᖕᖏᑐᖅ ᓄᑖᖅ ᑎᓕᔨᕕᐅᒋᐊᖃᓚᖓᔪᖅ

ᒐᐅᒐᐅᒑᓯᑲᒪᒃ           ᓄᐊ ᔅᕗᐊᐱ

 

ᐃᓘᓐᓇᑎᒃ 14 ᓄᓇᓖᑦ ᑲᕙᒫᐱᖓᑕ ᓄᓇᖁᑎᖓᓂ ᑎᓕᔨᓲᑦ ᑭᒡᒐᑐᕐᑎᒋᓂᐊᕐᑕᖏᓐᓂᒃ ᓄᓇᓕᒥᑕ ᑲᑎᒪᔨᖏᓐᓄᑦ ᑲᑎᒪᖃᑕᐅᕙᓪᓗᑎᒃ ᑫᐋᔩᑉ ᑲᑎᒪᔨᖏᑦ ᑲᑎᒪᓕᕐᐸᑕ. ᓇᔅᑲᐲᑦ ᓄᓇᓕᖓᑕ ᒐᐅᒐᐅᒑᓯᑲᒪᒃ ᑎᓕᔭᐅᓕᕐᕿᓱᓂ ᑲᑎᒪᔨᓄᑦ ᐃᓚᐅᓚᖓᑎᓪᓗᒍ.

ᓄᑖᑦ ᑫᐋᔩᑉ ᑲᑎᒪᔨᑖᖏᑦ ᑕᕝᕙᓂ ᐱᓇᓱᐊᕈᓯᕐᒥ ᑰᑦᔪᐊᒥ ᑲᑎᒪᓂᑐᐃᓐᓇᒥᒃ ᑲᑎᒪᓂᖃᓚᖓᔪᑦ, ᓅᕕᒻᐱᕆ 26-ᒥᑦ 30-ᒧᑦ. ᑕᒪᓐᓇ ᓄᓇᓕᓕᒫᓂ ᓄᓇᓕᓐᓄᑦ ᓂᕈᐊᕐᑕᐅᓯᒪᔪᑦ ᓯᕗᓪᓕᐹᒥ ᑲᑎᒪᓚᖓᔪᑦ ᓅᕕᒻᐱᕆ ᐱᒋᐊᕐᖃᒥᐅᑎᓪᓗᒍ ᓂᕈᐊᕐᓂᖃᕐᑐᕕᓂᐅᑎᓪᓗᒍ ᑲᑎᒪᓲᒍᒐᒥᒃ. ᐃᓘᓐᓀᓂ ᑲᑎᒪᓂᑐᐃᓐᓇᖏᓐᓂᒃ ᑫᐋᔩᑉ ᑲᑎᒪᓂᖓ ᑲᔪᓯᑎᓪᓗᒍ ᑐᓵᑦᓴᐅᑎᑕᐅᓲᑦ ᐃᓘᓐᓀᓂ ᓄᓇᓕᓐᓂ ᑐᓴᕐᓴᐅᑎᑦᓯᑎᓪᓗᒋᑦ ᑕᕐᕋᒥᐅᑉ ᓂᐱᖓᒃᑯᑦ.