ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕋᑦᓭᑦ: $449 000 ᐅᖓᑖᓅᕐᑐᑦ ᓄᓇᕕᒻᒥ ᒪᕐᕈᐃᓂᒃ ᐱᓇᓱᒑᓐᓂᒃ ᑲᔪᓯᑎᑦᓯᒍᑎᑦᓭᑦ

ᓯᐳᑲᒧ ᔫᓓ 12, 2018.- ᑯᐯᑉ ᑲᕙᒪᖓ, ᐊᕐᖁᑎᒋᑦᓱᒍ Fonds d’appui au rayonnement des regions (FARR) ᑐᓴᕐᑎᓯᓯᒪᓕᕐᑐᖅ ᑮᓇᐅᔭᑎᒍᑦ ᐃᑲᔪᕐᓯᐅᑎᐅᓚᖓᔪᓂᒃ $449 000$-ᓂᒃ ᑲᔪᓯᑎᑕᐅᑎᓪᓗᒋᒃ ᒪᕐᕈᐃᒃ ᐱᓇᓱᒑᒃ ᓄᓇᕕᒻᒥ. ᑖᒃᑯᐊ ᓴᐳᑦᔨᒍᑏᑦ ᐱᓯᒪᔪᑦ ᐅᑯᓇᖕᖓᑦ Stratégie gouvernementale pour assurer l’occupation et la vitalité des territoires 2018-2022.

ᔮᓐ ᐳᑦᓴ, ᑯᐯᒃᑯᑦᑲᕙᒪᖓᑕᐅᖃᕐᕕᒪᕆᖓᓂᒃᐅᖓᕙᒥᑭᒡᒐᑐᕐᑎᐊᒻᒪᓗᐱᖁᔭᓕᐅᕐᕕᒥᐃᑲᔪᕐᑎᖓᑐᕐᖃᑕᕐᕕᐅᑉᓇᐹᕐᑐᓕᕆᓂᕐᓄᑦ, ᐆᒪᔪᓄᑦᐊᒻᒪᓗᒥᕐᖑᐃᓯᕐᕕᓄᑦᑐᓴᕐᑎᓯᓚᐅᕐᑐᖅᐱᓇᓱᒉᒃᓇᓪᓕᑳᕐᑕᐅᓯᒪᓕᕐᓂᖏᓐᓂᒃᑭᒡᒐᑐᕐᓱᒋᑦ, ᒪᕐᑌᑯᐃᑐ, ᑐᕐᖃᑕᕐᕕᒃᓄᓇᓕᓕᕆᓂᕐᓄᑦᐊᒻᒪᓗᓄᓀᑦᓇᔪᕐᑕᐅᓂᖏᓐᓄᑦ, ᑐᕐᖃᑕᕐᕕᒃᓄᓇᓕᓐᓂᐊᑦᑕᓀᑦᑐᒦᑦᑎᓯᓂᕐᓄᑦ, ᐊᒻᒪᓗᑐᕐᖃᑕᕐᕕᒃᑲᒪᒋᔭᓕᒃᒪᓐᑐᔨᐊᓪᓄᓇᓕᓕᒫᖓᓂ.

ᑖᒃᑯᐊ ᐱᓇᓱᒑᒃ ᓄᐃᑕᐅᓚᕿᓯᒪᔫᒃ 2017-2018-ᒥ ᓄᓇᓕᓕᒫᓂ ᐅᐃᒪᓇᕐᑐᖁᑎᒋᔭᐅᔪᑦ ᓇᓗᓀᕐᑐᑕᐅᑎᓪᓗᒋᑦ ᐊᐅᓚᑦᓯᓂᕐᓄᑦ ᑲᑎᒪᔨᖏᓐᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ). ᑖᓐᓇ ᐅᐃᒪᓇᕐᑐᖁᑎᒋᔭᐅᔪᖅ ᐃᓄᑐᙯᑦ ᐃᓅᓯᕐᒥᓂ ᐃᓱᕐᕆᓂᕐᓴᐅᑎᑕᒋᐊᖃᕐᓂᖏᓐᓄᑦ. ᓇᓪᓕᑳᕐᑕᐅᓯᒪᔪᖅᑲᒪᒋᔭᐅᓚᖓᑎᓪᓗᒍ 12-ᒍᑎᓪᓗᒋᑦᐱᕙᓪᓕᐊᓂᓕᕆᓂᕐᓂᐅᐃᒪᓇᕐᑐᖁᑎᒋᔭᐅᔪᑦᓇᓗᓀᕐᑐᑕᐅᓯᒪᑦᓱᑎᒃᐸᕐᓇᓯᒪᐅᑎᒃᑐᓴᕐᑎᓯᐅᑎᓅᕐᑕᐅᓯᒪᔪᑦ.

ᐅᖃᐅᓯᕆᔭᐅᓯᒪᔪᑦ:

"FARR ᓴᓇᕐᕈᑎᐅᕗᖅ ᑫᐋᔩᒥᒃ ᓇᓗᓀᕐᓯᒍᑕᐅᒍᓐᓇᓱᓂ ᓇᒻᒥᓂᖅ ᐅᐃᒪᓇᕐᑐᖁᑎᒥᓂᒃ ᐊᒻᒪᓗ ᓴᐳᑦᔨᐅᑎᓂᒃ ᐱᓇᓱᒐᕐᓂᒃ ᓄᐃᑕᐅᒍᒪᓚᕿᓯᒪᔪᓂᒃ ᐃᑉᐱᒋᑦᓱᒋᑦ ᐃᓄᖁᑎᖏᑦᑕ ᑭᖕᖒᒪᔭᖏᑦ ᐊᒻᒪᓗ ᓈᒻᒪᓗᑎᒃ ᐱᕙᓪᓖᓯᐊᕈᓐᓇᓗᑎᒃ ᓄᓇᓖᑦ ᑕᕐᕋᒥ ᐊᑕᐅᓯᐅᑉ ᐅᖓᑖᓅᕐᑐᓂᒃ. ᑖᒃᑯᐊ ᑮᓇᐅᔦᑦ ᐱᔪᓐᓇᓚᖀᔪᑦ ᐱᓇᓱᒐᕐᓂᒃ ᐋᕐᕿᒋᐊᕐᓯᒪᓂᕐᓴᓂᒃ ᐃᖏᕐᕋᓯᑎᑕᐅᔪᑦᓴᓂᒃ ᐃᑉᐱᒋᓗᒋᑦ ᖃᓄᐃᓕᖓᓂᖏᑦ ᓄᓇᕕᐅᑉ."

ᒪᕐᑌ ᑯᐃᑐ, ᓄᓇᓕᓐᓂᐊᓂᕐᓄᑦ ᐊᒻᒪᓗ ᓄᓀᑦ ᓇᔪᕐᑕᐅᓂᖏᓐᓄᑦ ᑐᕐᖃᑕᕐᕕᒃ, ᓄᓇᓕᓐᓂ ᐊᑦᑕᓀᑦᑐᒦᑦᑎᓯᓂᕐᓄᑦ ᑐᕐᖃᑕᕐᕕᒃ, ᐊᒻᒪᓗ ᑐᕐᖃᑕᕐᕕᒃ ᑲᒪᒋᔭᓕᒃ ᒪᓐᑐᔨᐊᓪᒥ ᓄᓇᓕᓕᒫᓂᒃ

"ᐅᐱᒪᔪᖓ ᑕᑯᓐᓇᕆᐊᒥᒃ ᐱᒐᓱᐊᕐᑕᐅᕙᑦᑐᓂᒃ ᐃᓕᔨᒍᑕᐅᓚᖓᓯᔪᓂᒃ ᐃᓄᐃᑦ ᐱᐅᓯᑐᖃᖓᓂᒃ ᓄᐃᑕᖏᓐᓇᑎᑦᓯᒍᑕᐅᓚᕿᓚᖓᑦᓱᑎᒃ ᐊᒻᒪᓗ ᐱᕙᓪᓖᒍᑕᐅᓚᖓᑦᓱᑎᒃ. ᐃᓚᐅᓗᑎᒃ ᑲᔪᓯᓚᖀᑦᓯᐊᓂᕐᒧᑦ ᓄᓇᓕᓕᒫᓂ ᐱᕙᓪᓕᐊᑎᑦᓯᓂᕐᓂᒃ, ᓇᓪᓕᑳᕐᑕᐅᔫᒃ ᐱᓇᓱᒑᒃ ᑕᑯᑦᓴᐅᑎᑦᓯᐅᑕᐅᑦᓯᐊᓚᖓᔫᒃ ᑖᑦᓱᒥᖓ ᐊᑦᔨᐅᖏᑦᑐᒥᒃ ᐃᓗᒡᒍᓯᒥᒃ ᐊᒻᒪᓗ ᐃᓄᑦᑎᑐᑦ ᐅᖃᐅᓯᕐᒥᒃ ᐃᑲᔪᕐᓯᒍᑕᐅᓗᑎᒃ."

ᓘᒃ ᐸᓚᓐᓯᐊᑦ, ᑐᕐᖃᑕᕐᕕᒃ ᓇᐹᕐᑐᓕᕆᓂᕐᓄᑦ, ᐆᒪᔪᓕᕆᓂᕐᓄᑦ ᐊᒻᒪᓗ ᒥᕐᖑᐃᓯᕐᕕᓕᕆᓂᕐᓄᑦ ᑲᒪᒋᔭᓕᒃ Abitibi-Témiscamingue ᐊᒻᒪᓗ Nord-du-Québec

"ᐃᓄᑐᙯᑦ ᓄᓇᕕᒻᒥ ᓯᕗᓕᕐᑎᒋᔭᐅᔪᑦ ᐊᒻᒪᓗ ᓄᓇᖃᖃᑕᐅᓂᕐᒥᓄᑦ ᐃᓚᐅᓂᖏᑦ ᐱᓇᓱᐊᕐᑕᐅᔪᓂ ᐃᓕᑕᕆᔭᐅᒋᐊᖃᕐᓱᑎᒃ. ᑌᒣᒻᒪᑦ ᐱᒋᐊᕐᑕᐅᓚᖓᔪᓂᒃ ᓴᐳᑦᔨᐅᑎᖏᑦ FARR ᐊᑐᕐᓂᖃᓚᖓᕗᑦ ᑐᓂᕐᕈᑎᖏᑦ ᐃᓅᖃᑎᒌᓂ ᐊᒻᒪᓗ ᐃᓗᒡᒍᓯᐅᑉ ᐱᕙᓪᓕᐊᑎᑕᐅᓂᖏᓐᓄᑦ ᐃᓄᐃᑦ ᓄᓇᓕᖏᓐᓂ ᐊᒻᒪᓗ ᓄᓇᓂᒃ ᐊᓯᒥᓂᒃ ᐅᖓᓯᑦᑕᖃᕐᓂᒥᓄᑦ ᐃᓱᐃᓪᓕᖓᐅᑎᖏᑦ ᐃᓱᕐᕆᓇᕐᓂᓴᐅᑎᑕᐅᓚᕿᓚᖓᑦᓱᑎᒃ."

ᔮᓐ ᐳᑦᓴ, ᑯᐯᒃᑯᑦ ᑲᕙᒪᖓᑕ ᐅᖃᕐᕕᒪᕆᖓᓂ ᐅᖓᕙᒥ ᑭᒡᒐᑐᕐᑎ ᐊᒻᒪᓗ ᐱᖁᔭᓕᐅᕐᕕᒥ ᐃᑲᔪᕐᑎᖓ ᑐᕐᖃᑕᕐᕕᐅᑉ ᓇᐹᕐᑐᓕᕆᓂᕐᓄᑦ, ᐆᒪᔪᓄᑦ ᐊᒻᒪᓗ ᒥᕐᖑᐃᓯᕐᕕᓄᑦ

“ᐃᓄᑐᙯᑦ ᓇᔪᕐᑎᖃᕐᑏᑦ ᐃᓅᓂᑦᑎᓄᑦ ᕿᒻᒪᖁᑎᑦᓴᓂᒃ, ᐃᓗᒡᒍᓯᕐᒥᒃ ᐊᒻᒪᓗ ᐅᖃᐅᓯᕐᒥᒃ. ᑫᐊᔩ ᓯᕗᒧᐊᑦᑎᓯᒍᒪᓯᒪᔪᖅ FARR ᓴᐳᑦᔨᐅᑎᖏᓐᓂᒃ ᐱᕙᓪᓕᖁᑎᑦᓴᖏᓐᓂᒃ ᓄᓇᓕᓕᒫᓂ ᐃᓄᑐᙯᑦ ᐊᕐᖁᑎᒋᓗᒋᒃ ᒪᕐᕈᐃᒃ ᐱᒻᒪᕇᒃ ᐱᓇᓱᒑᒃ: ᐃᓚᐅᓂᖏᑦ ᐃᓄᑐᙯᑦ ᑭᒡᒐᑐᕐᑎᖏᑦᑕ ᐱᓯᒪᔪᑦ ᐃᓘᓐᓀᓂᑦ ᓄᓇᕕᒻᒥᑦ ᓄᓇᓕᓐᓂ ᐃᓄᑐᙯᑦ ᑲᑎᒪᓂᖓᓄᑦ ᐊᕐᕌᒍᑕᒫᕐᓯᐅᑎᒧᑦ ᑲᔪᓯᓚᖓᔪᒧᑦ ᐊᐅᔭᖅ ᐊᒻᒪᓗ ᓄᐃᑕᐅᓂᖏᓐᓂᒃ ᓇᓗᓀᕐᑐᐃᒍᑏᑦ ᑕᑯᓐᓇᕋᑦᓭᑦ ᐳᐃᒍᕇᒃᑯᑕᐅᓚᖓᑦᓱᑎᒃ ᐃᓅᓯᕐᒥᓂᒃ ᐊᑑᑎᓯᒪᔭᖏᓐᓂᒃ ᐃᓄᑐᖃᕐᑕ ᐃᓅᓯᒪᒻᒪᑕ ᐊᕐᓱᕈᓐᓇᑐᒃᑯᑦ ᐊᓯᑦᔨᕙᓪᓕᐊᓚᕆᑦᑐᓂᒃ ᑕᑯᓐᓇᓯᒪᑦᓱᑎᒃ. ᑖᒃᑯᐊ ᐱᓇᓱᒑᒃ ᐱᒻᒪᕆᐅᕘᒃ ᐅᕙᑦᑎᓄᑦ ᐃᓅᓂᕐᑎᓄᑦ ᐊᒻᒪᓗ ᑐᑭᓯᓇᕐᑎᓯᓚᕿᐅᑕᐅᓚᖓᑦᓱᑎᒃ ᐱᓯᒪᓪᓚᕆᓐᓂᖏᓐᓂᒃ ᐃᓅᓂᑦᑎᓄᑦ ᐊᓐᓂᓇᕐᑐᖁᑎᕗᑦ ᓇᑭᓂᑕᐅᒻᒪᖔᑕ ᓄᐃᑕᒍᓐᓀᓈᕐᓱᑎᓪᓗ ᐃᓅᖃᑎᒌᓐᓂᐅᕙᓕᕐᑐᒥ ᐅᓪᓗᒥ.”

ᔨᐊᓂᕙ ᒪᓂᒃ, ᑐᑭᒧᐊᑦᑎᓯᔨ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐱᒻᒪᕆᑦᑕᖏᑦ:

  • FARR ᓄᐃᑕᐅᓯᒪᔪᖅ ᐃᓕᖓᑎᓪᓗᒋᑦ ᓄᓇᓕᓕᒫᓂ ᐱᕙᓪᓕᐊᑎᑦᓯᓂᕐᓄᑦ ᑮᓇᐅᔭᖁᑎᓄᑦ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᓂᕈᐊᕐᑕᐅᓯᒪᔪᑦ ᐊᐅᓚᑦᓯᔩᑦ ᓴᐳᑦᔨᐅᑎᑦᓴᕆᔭᖏᓐᓂ ᐱᓇᓱᒐᕐᓂᒃ ᐱᕕᓕᒫᕐᑎᓯᐅᑕᐅᒋᐊᕐᑐᓂᒃ ᓈᒻᒪᑐᓂᒃ ᐃᑲᔪᕐᓯᔭᐅᑦᓯᐊᑎᑦᓯᓂᕐᓂᒃ ᓄᓇᓕᒥᓃᑦᑐᓂᒃ.
  • $449, 000-ᓂᑦ ᐱᓯᒪᔪᑦ, $293,000 ᐅᖓᑖᓅᕐᑐᑦ ᐃᓕᔭᐅᓚᖓᔪᑦ 2017-2018-ᒧᑦ. ᑮᓇᐅᔭᑎᒍᑦ ᐃᑲᔪᕐᓯᐅᑏᑦ ᐃᓕᐅᕐᖃᑕᐅᖃᑦᑕᓚᖓᑎᓪᓗᒋᑦ ᑮᓇᐅᔦᖅ ᐊᕐᕌᒍᖓᑕ ᐊᑕᐅᓯᐅᑉ ᐅᖓᑖᓅᕐᑐᓄᑦ.
  • ᑲᑎᑦᓱᑎᒃ, ᐊᑐᕐᑕᐅᓚᖓᔪᑦ $310 ᒥᓕᐊᓐ ᐊᕐᕌᒍᓂ 5-ᓂ ᐃᓕᔭᐅᖃᑦᑕᓗᑎᒃ ᓄᓇᓕᓕᒫᓂ ᐱᕙᓪᓕᐊᑎᑦᓯᓂᕐᒧᑦ ᐊᕐᖁᑎᒋᓗᒍ FARR. ᐃᓗᐃᒃᑫᑦ ᑐᕌᕐᑐᑦ ᑖᑦᓱᒧᖓ ᐱᓇᓱᒐᕐᒧᑦ ᐃᒣᓕᖓᓚᖓᔪᑦ ᐃᓕᔭᐅᕕᑦᓴᖏᑦ: $30 ᒥᓕᐊᓐ 2017-2018-ᒧᑦ, $45 ᒥᓕᐊᓐ 2018-2019-ᒧᑦ, $60 ᒥᓕᐊᓐ 2019-2020-ᒧᑦ, $75 ᒥᓕᐊᓐ 2020-2021-ᒧᑦ ᐊᒻᒪᓗ $100 ᒥᓕᐊᓐ ᐊᕐᕌᒍᑕᒫᑦ ᐱᒋᐊᕐᕕᒋᓗᒍ $2021-2022.
  • ᖃᕆᑕᐅᔭᒃᑯᑦ ᑕᑯᒐᓱᐊᕋᑦᓭᑦ:

http://www.mamot.gouv.qc.ca/developpement-territorial/programmes/fonds-dappui-au-rayonnement-des-regions-farr/

https://www.mamrot.gouv.qc.ca/ovt/strategie-gouvernementale-2018-2022/

ᑐᑭᓯᒋᐊᓪᓚᕈᒪᒍᕕᑦ ᓄᓇᓕᓐᓂᐊᓂᕐᓄᑦ ᐊᒻᒪᓗ ᓄᓀᑦ ᓇᔪᕐᑕᐅᓂᖏᓐᓄᑦ ᑐᕐᖃᑕᕐᕕᒧᐊᖓᔪᓂᒃ:

https://www.facebook.com/AffairesMunicipalesOccupationTerritoire/

https://twitter.com/MAMOTQC