ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᓇᕕᒻᒥ ᐃᑯᐊᓪᓚᑐᕐᓂᐊᑏᑦ ᐱᒋᐅᕐᓴᕕᖓᑕ ᐅᒃᑯᐃᑕᐅᓂᖓ

Inauguration 5

ᓄᓇᕕᒻᒥ ᐃᑯᐊᓪᓚᑐᕐᓂᐊᑏᑦ ᐱᒋᐊᕐᓴᕕᖓ ᐅᒃᑯᐃᑕᐅᓂᖃᓚᐅᕐᑐᖅ ᔫᓂ 5-ᒥ, 2018-ᒥ ᐊᕐᕌᒍᑕᒫᕐᓯᐅᑎᒥᒃ ᑲᑎᒪᓂᖃᕐᑎᓗᒋᑦ ᖃᒥᑎᕆᔩᑦ ᐊᖓᔪᕐᖄᖏᑦ

ᓇᓪᓕᐅᓂᕐᓯᐅᓂᖃᕐᑎᓗᒍ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩᑉ) ᑐᑭᒧᐊᑦᑎᓯᔨᖓ, ᔨᐊᓂᕙ ᒪᓂᒃ, ᑭᐱᓯᓚᐅᕐᑐᖅ ᐃᒪᓕᕐᑐᐃᒍᑎᐅᑉ ᓱᓪᓗᓕᖓᓂᒃ ᐱᒋᐅᕐᓴᕕᐅᑉ ᐅᒃᑯᐃᑕᐅᓂᖓᓂᒃ ᓇᓗᓀᕐᓯᒍᑎᖃᕐᓱᓂ. ᐱᒋᐅᕐᓴᕕᒃ ᐃᓕᓐᓂᐊᑎᑦᓯᕕᐅᖃᑦᑕᓛᓕᕐᑐᖅ ᖃᒥᑎᕆᔨᓂᒃ, ᐃᓄᐃᑦ ᐃᓕᓐᓂᐊᑎᑦᓯᔩᑦ ᐃᓄᑦᑎᑑᕐᓗᑎᒃ ᐃᓕᓭᑎᓪᓗᒋᑦ.

ᓄᑖᒥ ᐱᒋᐅᕐᓴᕕᒻᒥ, ᑰᑦᔪᐊᒦᑦᑐᒥ, ᓄᓇᕕᒻᒥᐅᑦᓇᓗᓀᕐᑕᐅᓯᒪᔪᓂᒃÉcole nationale des pompiers du Québec-ᒧᑦ (ÉPNQ) ᓄᓇᕕᒻᒥ ᐃᓕᓐᓂᐊᑎᑕᐅᖃᑦᑕᓛᓕᕐᑐᑦ. ᐃᓚᐅᑎᓪᓗᒋᑦ ᐃᑯᐊᓪᓚᑐᕐᓂᐊᑎᓂᒃ ᐃᓕᓐᓂᐊᑎᑦᓯᒍᑎᒧᑦ 1-ᒥ, ᐃᓕᓴᕐᑕᐅᖃᑦᑕᓛᕐᒥᔪᑦ ᓱᒃᑯᓇᕐᑐᐃᑦ ᐊᐅᓚᑕᐅᒍᓯᖏᓐᓂᒃ ᐊᒻᒪᓗ ᓄᓇᕐᓚᐅᖏᑦᑐᓂ ᑭᒡᒐᑐᕐᑎᐅᓚᖓᔪᑦ ᐃᓕᓴᕐᑕᐅᖃᑦᑕᒥᑎᓪᓗᒋᑦ.

ᓄᓇᓕᓐᓂ ᐊᑦᑕᓀᑦᑐᒦᑦᑎᓯᓂᕐᓄᑦ ᐱᓇᓱᕝᕕᖓ ᑫᐋᔩᑉ ᐱᓇᓱᐊᕐᓯᒪᓕᕐᑐᖅ ᑖᑦᓱᒥᖓ ᐱᓇᓱᒐᕐᒥᒃ ᐊᕐᕌᒍᑦ ᐱᖓᓱᑦ ᐅᖓᑖᓄᑦ. ᐱᓇᓱᒐᖅ ᐱᒋᐊᕐᑎᑕᐅᓯᒪᔪᖅ ᒥᓯᐊᓪ ᒧᐊᕋᓐᒧᑦ ᐊᒻᒪᓗ ᐱᓄᐊ ᐸᓛᓐᑦ ᓯᖏᑦᓯᖏᓐᓂᖓᓂ ᐱᐊ ᐱᐊᑌᒥᒃ ᐊᐅᓚᑦᓯᕕᒻᒥ ᐊᖓᔪᕐᖄᒧᑦ ᑐᖓᓕᐅᓯᑦᓱᓂ ᐊᒻᒪᓗ ᐱᒋᐊᕐᑎᑕᐅᓯᒪᔪᖅ ᑭᖑᓪᓕᐹᕐᓯᔭᐅᓂᖃᕐᑎᓗᒍ ᐃᑲᔪᕐᓯᒪᑦᓱᓂ.

ᑫᐋᔩᑉ ᐃᓕᓐᓂᐊᑎᑦᓯᓃᑦ ᒪᓂᓯᒪᖃᑦᑕᓂᐊᕐᑕᖏᑦ ᐊᑭᖃᖃᑦᑕᓂᐊᖕᖏᑐᑦ. ᐃᓕᓐᓂᐊᑎᑦᓯᔩᑦ ᐊᒻᒪᓗ ᐱᒋᐅᕐᓴᑎᑦᓯᔩᑦ ᐊᑭᖏᑦ ᐊᑭᓕᕐᑕᐅᓯᒪᖃᑦᑕᓂᐊᕐᒥᑎᓪᓗᒋᑦ, ᐆᑦᑑᑎᒋᓗᒋᑦ ᐊᐅᓚᓂᕐᓄᑦ, ᑐᔪᕐᒥᐅᕕᓐᓄᑦ, ᓂᕿᓄᑦ ᐊᒻᒪᓗ ᓂᕆᐅᓐᓇᖏᑦᑐᓄᑦ. ᐊᒥᓱᑦ ᐱᓇᓱᐊᖃᑕᐅᕙᑦᑐᑦ ᐅᒃᑯᐃᑕᐅᓂᖃᕐᑎᓯᓚᕿᕗᑦ, ᐆᑦᑑᑎᒋᑦᓱᒋᑦ ᑲᑎᕕᐅᑉ ᓄᓇᓕᓐᓂ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓ, ᑰᑦᔪᐊᑉ ᑲᕙᒫᐱᖓ, ᑫᐋᔩᑉ ᐱᓇᓱᕝᕕᖏᑦ ᐊᓯᖏᑦ ᐊᒻᒪᓗ ᑰᑦᔪᐊᒥ ᐃᑯᐊᓪᓚᑐᕐᓂᐊᓂᕐᓄᑦ ᐱᓇᓱᕝᕕᒃ.