ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᓄᓇᕚᑦ ᓄᑖᓂᒃ ᑐᓴᕐᑎᓯᐅᑎᖏᑦ, ᓯᕗᓪᓕᐹᓂ 2018-ᒥ ᑕᕐᕿᓂ ᐱᖓᓲᓈᕐᑎᑐᓂ

ᑌᒣᒍᓐᓇᑎᑦᓯᑎᓪᓗᒋᑦ ᐱᒋᐊᕐᑎᓯᖃᑎᒌᓐᓂᕕᓂᖏᑦ ᐊᑯᓂ ᐃᑲᔪᕐᑎᒌᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩ) ᐊᒻᒪᓗ ᓛᕚᓪ ᐃᓕᓴᕐᕕᔪᐊᑉ, ᓄᓂᕚᑦ ᓄᐃᑕᐅᓯᒪᔪᖅ 2005-ᒥ ᓄᐃᑌᓐᓇᓚᖓᑎᓪᓗᒍ, ᐃᓄᓐᓄᐊᖓᔪᖅ ᐊᒻᒪᓗ ᐃᒻᒥᓂᕐᓱᑐᓄᐊᖓᔪᖅ ᑭᑎᑦᓯᓂᑎᒍᑦ ᖃᐅᔨᒪᒐᓱᐊᕐᓂᓄᑦ ᐱᓇᓱᒐᖅ ᐃᓅᖃᑎᒌᓂ ᒪᑭᑕᒐᓱᐊᕐᓂᒥᒍᑦ ᖃᓄᐃᓕᖓᐅᑕᐅᔪᓂᒃ ᓄᓇᕕᒻᒥ. ᓄᓂᕚᑦ ᓯᕗᒧᐊᑦᑎᑕᐅᔪᖅ ᓚᕚᓪ ᐃᓕᓴᕐᕕᔪᐊᒧᑦ ᐊᒻᒪᓗ ᑫᐋᔩᒧᑦ ᑮᓇᐅᔭᖃᕐᑎᑕᐅᑦᓱᓂ.


ᖃᐅᔨᓴᕐᓂᖅ ᐊᒻᒪᓗ ᖃᐅᔨᓴᕐᓂᒧᐊᖓᔪᑦ ᐱᓇᓱᐊᕐᑕᐅᓯᒪᔪᑦ
•    COL – ᐃᓅᒐᓱᐊᕐᓂᐅᑉ ᐊᑭᑐᓂᖓᓂᒃ ᓄᓇᕕᒻᒥ 2016-ᒥ, ᖃᐅᔨᓴᕐᓂᒧᑦ ᑐᓴᕐᑎᓯᐅᑏᑦ - ᐋᕐᕿᒋᐊᕐᑕᐅᓯᒪᔪᑦ ᐊᒻᒪᓗ ᐅᓄᕐᓯᒋᐊᕐᑕᐅᓯᒪᔪᑦ ᑕᑯᔭᑦᓴᖑᕐᑎᑕᐅᓂᖏᑦ. ᖃᕆᑕᐅᔭᒃᑯᑦ ᑕᑯᔭᐅᒍᓐᓇᑐᑦ ᓄᓂᕚᑦ ᖃᕆᑕᐅᔭᒃᑰᑎᑦᓯᕕᖓᓂ. ᑖᒃᑯᐊ ᑐᓴᕐᑎᓯᐅᑏᑦ ᐃᓗᓕᓖᑦ ᖃᒻᒥᓂᑕᐅᓂᕐᐹᓂ ᓂᐅᕕᐊᑦᓭᑦ ᐊᑭᖏᑦᑕ ᓇᓗᓀᕐᑐᑕᐅᒍᑎᖏᓐᓂᒃ ᑭᑎᑕᐅᒪᓂᓕᓐᓂᒃ ᐊᑖᓃᑦᑎᓗᒋᑦ ᑐᖓᓕᖏᑦᑕ ᐱᓇᓱᐊᕐᑕᐅᔪᑦ ᖃᐅᔨᓴᕐᓂᒥ. ᑖᒃᑯᐊ ᓄᑖᒍᓂᕐᐹᑦ ᐱᓯᒪᔪᑦ ᐃᓅᒐᓱᐊᕐᓂᐅᑉ ᐊᑭᑐᓂᖓᓂᒃ ᖃᐅᔨᓴᕐᓂᒥᑦ ᑐᓴᕐᑕᐅᑎᑕᐅᓚᐅᔫᑦ ᑫᐊᔩᑉ ᓄᓇᓕᓕᒫᓂ ᑲᑎᒪᔨᖏᑦ ᑲᑎᒪᓂᕆᕐᖃᒥᖓᓂ ᑰᑦᔪᐊᒥ.
•    ᓂᐅᕕᐊᑦᓴᓂᒃ ᐊᑭᑭᓪᓕᑎᕆᓂᕐᒧᑦ ᐱᓇᓱᒐᖅ ᐱᒐᓱᐊᕐᓗᒍ – ᓄᓂᕚᑦ ᖃᐅᔨᓴᕐᑎᖏᑦ ᑲᔪᓯᑎᑦᓯᔪᑦ ᐱᓇᓱᐊᕐᑕᒥᓂᒃ ᐱᓇᓱᐊᖃᑎᖃᕐᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ, ᒪᑭᕝᕕᒃ ᑯᐊᐳᔦᓴᒥᒃ ᐊᒻᒪᓗ ᑯᐯᒃ ᑲᕙᒪᖓᓂᒃ, ᓴᐳᑦᔭᐅᖁᑦᓱᒍ ᑲᑎᒪᐅᑕᐅᓂᑦᓴᖓ ᐃᓕᒣᓐᓇᓚᖓᔫᑉ ᓂᐅᕕᐊᑦᓴᓂᒃ ᐊᑭᑭᓪᓕᑎᕆᓂᑎᒍᑦ ᐃᑲᔪᕐᓯᒍᑎᑦᓴᐅᑉ.  
•    ᐱᑦᔪᑎᒋᓗᒍ ᐱᓇᓱᐊᕋᑦᓴᖅ – ᐃᓚᐅᑎᓪᓗᒍ ᓄᓇᕕᒻᒥ ᓄᓇᓕᓕᒫᓂ ᐃᓗᓯᕐᓱᓂᕐᓄᑦ ᐸᕐᓀᒍᑎᒧᑦ, ᐃᓚᐅᔪᑦ ᓄᓇᕚᑉ ᐱᓇᓱᐊᖃᑎᒌᑦᑎᖏᓐᓄᑦ ᑲᑎᓯᓚᐅᔫᑦ ᓄᓇᕕᒻᒥ ᐃᓗᓯᓕᕆᓂᕐᓄᑦ ᑲᑎᒪᔨᓂᒃ ᑭᒡᒐᑐᕐᑎᓂᒃ ᒪᓂᔨᕕᒋᑦᓱᒋᑦ ᐃᑲᔪᕐᓯᓂᕐᒥᒃ ᐱᑦᔪᑎᒋᑦᓱᒋᑦ ᑐᑭᓯᐅᑎᑦᓴᐅᒋᐊᓖᑦ ᐱᓇᓱᒐᖓᓄᐊᖓᔪᑦ ᓄᓇᕕᒻᒥ ᐋᓐᓂᐊᕕᒻᒥ ᑭᖕᖒᒪᔭᐅᔪᓄᑦ.
WWW.NUNIVAAT.ORG
•    ᓄᑖᑦ ᑐᑭᓯᐅᑎᑦᓭᑦ
2018-ᒥ ᑕᕐᕿᑦ ᐱᖓᓲᓈᕐᑎᑐᑦ ᓯᕗᓪᓕᐹᖏᓐᓂ, 85 ᒪᖏᑦᑌᑦ ᐃᓕᔭᐅᓯᒪᓕᕐᑐ ᖃᕆᑕᐅᔭᒃᑰᑎᑦᓯᕕᒻᒧᑦ ᐆᒧᖓ Nunivaat.org. ᑖᒃᑯᐊ ᒪᖏᑦᑌᑦ ᐱᓯᒪᔪᑦ 2016-ᒥ ᖃᐅᔨᓴᕐᓂᒥᑦ, ᐃᓚᐅᒍᓐᓀᑎᓗᒍ ᐃᓄᓐᓄᑦ ᑐᑭᑖᕈᑎᒻᒪᕆᒃ ᑕᑯᔭᑦᓴᖑᕐᑎᑕᐅᓯᒪᔪᖅ ᑯᐯᑉ ᑲᕙᒪᖓᓄᑦ. ᐊᒻᒪᓗ, ᑕᑯᔭᑦᓴᖑᕐᑎᓯᓯᒪᔪᒍᑦ ᖃᐅᔨᓴᕐᓂᒥ ᑕᑯᑦᓴᖑᕐᑎᓯᓯᒪᐅᑎᓂᒃ ᓄᓇᕕᒻᒦᑐᑦ ᖃᓄᐃᑦᑑᕙᓐᓂᖏᓐᓂᒃ ᐃᓘᓐᓈᒍᑦ, ᓄᓂᕚᑉ ᑖᒃᑯᑑᑦᓱᑎᒃ ᑌᒣᓯᒪᐅᑎᒋᓕᕐᑕᖏᓐᓂᒃ. ᑖᒃᑯᐊ ᓄᑖᑦ ᒪᖏᑦᑌᑦ ᐃᓗᓕᓖᑦ ᑐᑭᓯᐅᑎᑦᓴᓂᒃ ᐅᑯᐊ ᖃᐅᔨᔭᐅᒍᑎᑖᕈᑕᐅᓯᒪᑎᓪᓗᒋᑦ.
    •    ᐃᓄᓐᓄᑦ ᑐᑭᑖᕈᑎᒻᒪᕆᒃ 2018 - 1 ᒪᖏᑦᑕᖅ (ᓄᓇᕕᓕᒫᒧᑦ)

    •    ᐃᓪᓗᖃᕐᑎᑕᐅᒍᑏᑦ - 28 ᒪᖏᑦᑌᑦ (2 ᒪᖏᑦᑖᒃ ᐃᓘᓐᓀᓄᑦ ᓄᓇᓕᓐᓄᑦ ᐃᓕᒃᑰᑎᕐᑐᓄᑦ)

    •    ᐱᓇᓱᕝᕕᒥ ᐅᖃᐅᓯᖅ- 14 ᒪᖏᑦᑌᑦ (1 ᒪᖏᑦᑕᖅ ᐃᓘᓐᓀᓄᑦ ᓄᓇᓕᓐᓄᑦ ᐃᓕᒃᑰᑎᕐᑐᓄᑦ)

    •    ᐱᓇᓱᒉᑦ - 28 ᒪᖏᑦᑌᑦ (2 ᒪᖏᑦᑖᒃ ᐃᓘᓐᓀᓄᑦ ᓄᓇᓕᓐᓄᑦ ᐃᓕᒃᑰᑎᕐᑐᓄᑦ)

    •    ᓄᓇᕕᒻᒥ ᐃᓄᓕᒫᓄᐊᖓᔪᓂᒃ ᖃᐅᔨᓴᕐᓂᒧᑦ ᓄᐃᑕᐅᓯᒪᔪᑦ - 14 ᒪᖏᑦᑌᑦ (ᓄᓇᕕᓕᒫᒧᑦ) ᐃᓕᖓᔪᑦ ᖃᐅᔨᓴᕈᑕᐅᔪᓄᑦ (ᑲᑎᑎᑕᐅᒪᔪᑦ ᐁᑉᐸᕇᓐᓂᓄᓪᓗ, ᐃᓪᓗᒥᐅᖃᑎᒌᑦ ᐊᒻᒪᓗ ᐃᓚᒌᑦ, ᐃᓕᓴᕐᓂᖅ, ᑮᓇᐅᑦᔭᓵᑦ, ᐱᓇᓱᒉᑦ, ᐃᖏᕐᕋᐅᑎᑦᓴᖃᕐᓂᖏᑦ, ᐅᖃᐅᓯᖏᑦ, ᐊᓯᖏᓪᓗ)
•    ᓄᑖᑦ ᑕᑯᔭᑦᓴᖑᕐᑕᐅᓯᒪᔪᑦ – ᑖᒃᑯᐊ ᑕᑯᔭᑦᓴᖑᕐᑕᐅᓯᒪᔪᑦ ᐃᓕᔭᐅᕐᖃᒦᑦ ᓄᓂᕚᒧᑦ ᖃᓪᓗᓈᕐᑎᑑᕐᑎᓗᒋᑦ ᐊᒻᒪᓗ ᐅᐃᒍᐃᑎᑐᑦ:
    •    (2018) ᐃᓅᒐᓱᐊᕐᓂᐅᑉ ᐊᑭᑐᓂᖓ ᓄᓇᕕᒻᒥ 2016-ᒥ, ᖃᐅᔨᓴᕐᓂᒥᒃ ᑐᓴᕐᑎᓯᐅᑏᑦ - ᐋᕐᕿᒋᐊᕐᑕᐅᓯᒪᔪᑦ ᐊᒻᒪᓗ ᐃᓚᒋᐊᕐᑕᐅᓯᒪᔪᑦ, Robitaille, J., E., Guénard ᐊᒻᒪᓗ G. Duhaime, ᑳᓇᑕᒥ ᖃᐅᔨᓴᕐᓂᓂᒃ ᑐᑭᒧᐊᑦᑎᓯᔨ ᓄᓇᖃᕐᖄᑐᕕᓃᑦ ᖃᓄᐃᓕᖓᓂᖏᑦᑕ ᐊᑦᔨᒌᖕᖏᓂᖏᓐᓂᒃ ᐆᑦᑑᑎᓕᐅᕐᓂᖅ, Université Laval, Québec, 23 ᖁᑉᐱᒉᑦ + ᐃᓚᒋᐊᕈᑏᓪᓗ

    •    (2017) ᓄᓇᖃᕐᖄᑐᕕᓃᑦ ᑳᓇᑕᒥ: 2016-ᒥ ᖃᐅᔨᓴᕐᓂᒥ ᖃᐅᔨᔭᐅᓯᒪᔪᑦ ᐱᒻᒪᕆᑦᑕᖏᑦ, The Daily, ᑳᓇᑕᒥ ᑭᑎᑦᓯᔩᑦ, ᐋᑐᕗᐊ, ᓄᐃᑕᐅᓯᒪᔪᑦ ᐊᒃᑑᐸ 25, 2017-ᒥ, 11 ᖁᑉᐱᒉᑦ.

    •    (2017) ᕿᑐᕐᖓᑖᑲᐱᑉᐸᑐᑦ ᐊᓪᓚᓄᑦ ᖁᒥᐅᑕᐅᓯᒪᔪᑦ ᓄᓀᑦ ᓯᓚᑖᓂᒥᐅᓂ ᓄᓇᓕᑐᖃᑦᓴᔭᓂ, ᒣᑏᓂ ᐊᒻᒪᓗ ᐃᓄᓐᓂ ᐊᕐᓇᓂ, ᑐᑭᓯᓂᐊᕐᓂᐅᓯᒪᔪᖅ ᑳᓇᑕᒥ ᐃᓅᖃᑎᒌᓂᒃ, ᑳᓇᑕᒥ ᑭᑎᑦᓯᔩᑦ, ᐋᑐᕗᐊ, ᓇᓗᓀᒃᑯᑕᖏᑦ no. 75-006-X, 10 ᖁᑉᐱᒉᑦ

•    ᖃᕆᑕᐅᔭᒃᑰᑎᑦᓯᐅᑎᐅᑉ ᐊᓯᑦᔨᑐᕐᑕᐅᓂᖏᑦ NUNIVAAT.ORG – ᓄᓂᕚᑉ ᖃᕆᑕᐅᔭᒃᑰᑎᑦᓯᐅᑎᖏᑦᑕ ᐊᓯᑦᔨᑐᕐᑕᐅᓂᖏᑦ ᐱᒋᐊᕐᑕᐅᓯᒪᓕᕐᑐᑦ. ᓄᑖᖅ ᑕᕐᓴᖓ ᐋᕐᕿᓱᕐᑕᐅᓕᕐᑐᖅ ᐊᒻᒪᓗ ᐱᓪᓗᑯᒋᐊᓕᑦᑎᒍᑦ ᓴᐳᑦᔭᐅᓂᖓ ᖃᕆᑕᐅᔭᒃᑰᑎᑦᓯᐅᑎᐅᑉ ᓄᑕᐅᓪᓕᑎᕐᑕᐅᓕᕐᓱᓂ. ᓄᑖᓂᓪᓗ ᐃᓗᓪᓕᑐᕐᑕᐅᓕᕐᓱᓂ, ᐃᓚᐅᑎᓪᓗᒍ ᐃᓕᒃᑰᓚᖓᔪᖅ ᓄᐃᑕᑎᑦᓯᕕᐅᖃᑦᑕᓚᖓᑦᓱᓂ ᑐᑭᓯᐅᑎᑦᓭᑦ ᕿᒥᕐᕈᔭᐅᕕᒋᓚᖓᔭᖓ, ᐃᓕᔭᐅᓂᐅᔭᓕᕐᑐᖅ. ᓄᑖᖅ ᐊᓯᑦᔨᓯᒪᓕᕐᓗᓂ Nunivaat.org ᑕᑯᑦᓴᖑᕐᑎᑕᐅᓛᕐᑐᖅ ᑕᕝᕙᓂ ᐊᕐᕌᒍᒥ.