ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕋᑦᓭᑦ: ᐃᓪᓗᓕᕆᓂᐅᑉ ᐅᖄᒍᑕᐅᓂᖓᓄᑦ ᐃᓚᒋᑦᓱᒋᑦ ᑯᐯᒃ ᑲᕙᒪᖓᑕ ᑭᒡᒐᑐᕐᑎᖏᑦ

Ministerial visit

ᔭᓄᐊᕆ 29, 2018 - ᑰᔾᔪᐊᖅ, ᑯᐯᒃ - ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᑦᓯᕙᐅᑕᖓᑦ ᔨᐊᓂᕙ ᒪᓂᒃ, ᑲᑎᕕᒃᑯᑦ ᐳᕐᑐᓂᕐᓴᖏᓐᓄᑦ ᐃᓚᐅᖃᑕᐅᔪᒥᓪᓗ ᐊᒻᒪᓗ ᑕᕐᕋᒥᐅᑦ ᓄᓇᓕᖓᑕ ᑰᔾᔪᐊᒥ ᓯᕗᓕᕐᑎᖓᓗ ᑐᓄ ᓇᐹᕐᑐᖅ, ᐊᒻᒪᓗ ᑲᑎᕕᒃ ᐃᓪᓗᓕᕆᔨᕐᔪᐊᖏᑦᑕᓗ ᐊᖓᔪᕐᖄᖓᑦ, ᓵᒥ ᑕᖕᑲᓐ, ᑲᑎᓯᓚᐅᔪᕗᑦ ᐃᑉᐸᓴᐅᑎᓪᓗᒍ ᐅᓐᓄᓴᒃᑯᑦ ᑐᕐᖃᑕᕐᕕᒥᒃ ᑲᒪᒋᔭᖃᓲᒥᒃ ᓂᐅᕕᕐᓂᐊᓲᑦ ᓴᐳᑦᔭᐅᓯᒪᓂᖏᓐᓂᒃ ᐊᒻᒪᓗ ᐃᓪᓗᓕᕆᓂᕐᒥᒃ, ᓖᔅ ᑎᐊᕆᐅᒥᒃ, ᑐᕐᖃᑕᕐᕕᒥᒃ ᑲᒪᒋᔭᖃᓲᒥᒃ ᓄᓇᓕᑐᖃᓕᕆᓂᕐᒥᒃ, ᔨᐊᕗᕆ ᑭᐊᓕᒥᒃ, ᐊᒻᒪᓗ ᐅᖓᕙᒨᓕᖓᔪᒥᒃ ᑲᕙᒪᒃᑯᓄᑦ ᐃᓚᐅᖃᑕᐅᔪᒥᒃ ᔮᓐ ᐳᓯᐃᒥᒃ.  ᐃᓪᓗᓕᕆᓂᕐᒥᒃ ᐅᖄᒍᑎᖃᓚᐅᔪᕗᑦ, ᒪᑯᓂᖓᓗ ᐃᓪᓗᒥᒃ ᓇᒻᒥᓂᖃᕐᑎᓯᓂᕐᒥᒃ ᐊᒻᒪᓗ ᓴᓇᒋᐊᓪᓛᕆᓂᕐᒧᑦ ᐃᑲᔪᕐᓯᒪᐅᑎᖏᓐᓂᒃ.

ᑯᐯᒃᑯᑦ ᑭᒡᒐᑐᕐᑎᖏᑦ ᐃᕐᖃᐅᒪᑎᑕᐅᒋᐊᓚᐅᔪᕗᑦ ᑕᒪᓐᓇ ᐃᓪᓗᒥᒃ ᓇᒻᒥᓂᖃᕐᓂᐅᔪᕐᓗ ᐃᓪᓗᓂᒃ ᓴᓇᒋᐊᓪᓛᕆᓂᕐᒧᑦ ᐃᑲᔪᕐᓯᒪᐅᑏᓪᓗ ᐱᑕᖃᕆᐊᖃᓚᐅᔪᒻᒪᑕ ᓄᓇᓕᓕᒫᑦ ᐊᖏᕈᑎᒋᓂᐊᕐᑕᖏᓐᓄᑦ ᑖᒃᑯᓄᖓ ᒫᓐᓇᓯᐅᑎᓄᑦ ᐊᑦᑕᑐᕈᑏᑦ ᐊᑭᖏᓐᓄᑦ ᐊᑐᓕᕐᑎᑕᐅᓚᐅᔪᔪᓂᒃ ᔪᓓ 2017-ᒥ.  ᑲᕙᒪᒃᑯᑦ ᐱᓂᐊᕐᓂᖃᕆᐊᖃᓕᕐᑐᑦ ᐊᑐᐃᓐᓇᐅᑎᑦᓯᓗᑎᒃ ᓇᒻᒪᓯᐊᕐᑐᓂᒃ ᑮᓇᐅᔭᖃᕐᑎᓯᒍᑎᓂᒃ ᒫᓐᓇᓯᐅᑎᐅᓂᐊᕐᑐᓂᒃ, ᑭᖑᓂᒋᐊᖓᓅᓕᖓᔪᓄᓪᓗ, ᓯᕗᒧᐊᕐᑎᒋᐊᕐᓗᒋᑦ ᐱᐅᓯᓕᐅᒥᑎᑦᓯᒋᐊᕈᑎᐅᓯᒪᓂᖏᓐᓂᒃ ᐃᑲᔪᕐᓯᒪᐅᑎᓄᑦ ᑕᒪᓐᓇ ᐃᓪᓗᒥᒃ ᓇᒻᒥᓂᖃᕐᑎᓯᓂᐅᔪᖅ ᐱᕕᖃᕐᑎᑕᐅᓂᕐᓴᐅᓂᐊᕐᑎᓗᒍ ᓄᓇᕕᒻᒥᐅᓄᑦ ᐊᑭᓖᒍᓐᓇᕕᖃᑦᓯᐊᑐᓄᑦ ᑲᕙᒪᒃᑯᓄᑦ ᐃᓪᓗᖃᕐᑎᓯᒍᑎᖏᓐᓂᒃ ᐊᖏᕐᕋᖃᕈᒪᖕᖏᑐᓄᑦ.  ᑕᒪᓐᓇ ᐃᓪᓗᒥᒃ ᓇᒻᒥᓂᖃᕐᑎᓯᓂᕐᒧᑦ ᐱᓕᐅᒥᑎᑕᐅᓂᐊᕈᓂ ᐃᑯᓪᓚᐅᒥᑎᑦᓯᒍᑎᐅᓂᐊᕐᒥᔪᖅ ᑕᒫᓂ ᓄᓇᒥ ᐃᓪᓗᐃᓂᐊᕐᓂᒥᒃ.

 

- 30 -

 

ᑐᑭᓯᒋᐊᓪᓚᕈᒪᔪᖃᕐᐸᑦ:
ᔮᓐ-ᐱᓕᑉ ᑐᐳᐊ    
ᑐᓴᐅᒪᒐᑦᓴᓕᕆᓂᕐᒥᒃ ᑐᑭᒧᐊᑦᑎᓯᔨᖓᑦ
ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ
ᐅᖄᓚᐅᑎᖓ: 819-964-2961, ᐊᒻᒪᕕᒋᓗᒍ 2219    

www.krg.ca

 

ᑲᑎᕕᒃᑯᑦ ᑖᒃᑯᓄᖓᓪᓗᑯᐊᐱᐅᖏᑐᖅ ᐃᓄᓕᒫᓄᖔᖅ ᑎᒥᖁᑎᒋᔭᐅᕗᖅ ᓄᐃᑕᐅᓯᒪᑦᓱᓂ 1978-ᒥ ᐊᑖᒍᑦ ᐅᑯᐊ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ.  ᑖᓐᓇ ᑎᒥᐅᔪᖅ ᐊᐅᓚᑦᓯᕕᖃᕐᒪᑦ ᑯᐯᒃ ᑕᕐᕋᓕᒪᖓᓂᒃ 55 ᐃᑳᖓᔫᑉ ᑕᕐᕋᖓᓂ ᒪᑯᓄᖓ ᐃᓕᖓᔪᓄᑦ ᒥᓂᓯᐹᓕᑎᓕᕆᓂᕐᓄᑦ, ᐃᖏᕐᕋᐅᑎᓕᕆᓂᕐᓄᑦ, ᐊᕙᑎᓕᕆᓂᕐᓄᑦ, ᐳᓖᓯᓕᕆᓂᕐᓄᑦ, ᐱᓇᓱᒐᑦᓴᓕᕆᓂᕐᓄᑦ, ᐱᓇᓱᒐᕐᒥᒃ ᐃᓕᓐᓂᐊᑎᑦᓯᓂᕐᓄᑦ, ᓂᕿᑖᕈᑎᑖᕐᑎᓯᓂᕐᓄᑦ, ᐯᕆᑦᓯᕕᓕᕆᓂᕐᓄᑦ, ᓄᑕᐅᓯᓕᕈᓐᓇᑐᓂᒃ ᐱᕕᑦᓴᓕᕆᓂᕐᓄᑦ, ᓄᓇᐅᑉ ᐊᑐᕐᑕᐅᒍᓯᖓᑕ ᐸᕐᓇᑕᐅᓂᖏᓐᓄᑦ, ᐃᓄᓕᒫᑦ ᐊᑦᑕᓀᑦᑐᒦᑎᑕᐅᓂᖏᓐᓄᑦ ᐊᒻᒪᓗ ᒪᑭᑕᒐᓱᐊᕐᓂᓕᕆᓂᕐᒥᒃ ᐱᕙᓪᓕᐊᑎᑦᓯᓂᕐᓄᑦ.