ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑐᓴᕋᑦᓭᑦ: ᐳᓖᓯᒃᑯᑦ ᑐᓴᕐᑕᐅᑎᑕᖏᑦ

ᑰᑦᔪᐊᖅ, ᑯᐯᒃ. ᐊᐅᒍᓯᑎ 22, 2017 – ᐊᐅᒍᓯᑎ 15, 2017-ᒥ, ᐅᔭᕋᕐᓂᐊᑐᑦ ᖁᓖᒻᒥᒎᓕᒃᑰᓱᑎᒃ ᑕᑯᔪᕕᓃᑦ ᐃᓄᕕᓂᕐᓂᒃ ᓴᓂᐊᓃᑦᑐᓂᒃ ᕿᒪᑦᑕᐅᓂᑰᑉ ᖃᒧᑎᑲᓪᓚᐅᑉ 25 ᑭᓗᒦᑕᓂᒃ ᐅᖓᓯᓐᓂᓕᒻᒥ ᑕᕐᕋᒥ ᓄᓇᓕᓐᓂ ᐃᕗᔨᕕᒻᒥᑦ.

ᑐᓴᕐᑎᑕᐅᑦᓱᑎᒃ, ᑲᑎᕕᐅᑉ ᐳᓖᓯᖏᑦ ᐁᕕᖃᓚᐅᔫᑦ ᐃᓕᔨᒋᐊᕐᑐᕕᒋᑦᓱᒍ ᐊᕙᑎᖓ ᐁᕕᐅᒌᒃᑯᑎᓂᒃ ᐊᒻᒪᓗ ᕿᒥᕐᕈᓯᐊᕐᓂᖃᕐᓱᑎᒃ ᓱᕐᖁᐃᓯᒐᓱᐊᕐᓱᑎᒃ ᖃᓄᐃᓕᑦᓱᑎᒃ ᑐᖁᓐᓂᒪᖔᑕ. ᕿᒥᕐᕈᓱᑎᓪᓗ ᑐᑭᓯᐅᑎᑦᓴᑕᕐᑕᐅᓯᒪᔪᓂᓪᓗ ᖃᐅᔨᒐᓱᐊᕐᓱᑎᒃ ᑐᑭᓯᐅᑎᑦᓴᑕᕐᕕᒥ ᐃᓄᓐᓂᒃ ᐊᓯᐅᓯᒪᔪᓂᒃ.

 

ᖃᐅᔨᓴᕐᑕᐅᔪᑦ ᓱᓕ ᑭᓯᐊᓂ ᓯᕗᓪᓕᐹᒥ ᑕᑯᔭᐅᑦᓱᑎᒃ ᐳᓖᓯᓄᑦ, ᖃᓄᓕᒫᖅ ᓇᓗᓇᕐᑕᐅᔪᕕᓃᒃ ᐱᖁᔭᕐᓂᒃ ᓯᖁᒥᑦᓯᔪᒧᑦ ᑌᒣᓚᕿᔭᐅᓐᓂᖏᒋᐊᖏᑦ. ᖃᐅᔨᒪᔪᓪᓚᕆᖁᑎᖏᑦ Laboratoire de sciences judiciaires et de médecine légale (ᓱᑯᐃᔦᓂᑎᒍᑦ ᑐᖁᖓᔪᓂᒃ ᖃᐅᔨᒐᓱᐊᕐᕕᒃ) ᕿᒥᕐᕈᓛᕐᑐᑦ ᐃᓄᕕᓂᕐᓂᒃ ᓇᓗᓀᕐᓯᒋᐊᕐᓗᑎᒃ ᑭᓇᒃᑰᓂᕐᒪᖔᑕ. Laboratoire ᐃᒻᒥᒎᕐᑐᑦ ᑲᔪᓯᑎᑦᓯᓲᑦ ᖃᐅᔨᒪᓪᓚᕆᓐᓂᒥᒍᑦ ᑭᒡᒐᑐᕈᑎᓂᒃ ᓱᑯᐃᔦᓂᕐᓂ ᐊᒻᒪᓗ ᐃᓅᒍᓐᓀᕈᑎᕕᓂᕐᓂ ᐱᖁᔭᕐᓄᐊᖓᔪᑎᒍᑦ ᐱᓇᓱᒐᖃᕐᓱᑎᒃ.


–30–

ᐱᕕᐅᔪᖅ:
ᔮᓐ-ᕕᓕᑉ ᑐᐳᐊ                        
ᑐᓴᐅᒪᐅᑎᓕᕆᓂᕐᓂᒃ ᑲᔪᓯᑎᑦᓯᔨ                        
ᑲᑎᕕᒃ ᓄᓇᓕᓕᒫᑦ ᑲᕙᒪᖓ
ᐅᖄᒍᑎᖓ 819-964-2961, ᐱᑐᑦᓯᒪᐅᑎᖓ 2219        
                    

 

ᑲᑎᕕᐅᑉ ᓄᓇᓕᓕᒫᓂ ᐳᓖᓯᖏᑦ ᓄᐃᑕᐅᓯᒪᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ 1996-ᒥ ᐃᑲᔪᕐᑕᐅᓱᑎᒃ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᑐᕐᑎᒪᕆᒻᒧᑦ ᑳᓇᑕᒥ ᐊᒻᒪᓗ Ministère de la Sécurité publique du Québec (ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᕕᖓ). ᑲᑎᕕᐅᑉ ᐳᓖᓯᖏᑦ ᐳᓖᓯᓐᓂᐊᕕᓖᑦ ᐃᓘᓐᓀᓂ 14-ᓂ ᓄᓇᓕᓐᓂ. ᐱᒐᓱᐊᒐᖏᑦ ᑲᑎᕕᐅᑉ ᐳᓖᓯᖏᑦᑕ ᐊᒻᒪᓗ ᐃᓘᓐᓇᖏᑦᑕ ᑖᒃᑯᐊ ᐃᓚᖏᑦᑕ ᒪᓕᓪᓗᒍ ᐳᓖᓯᓐᓄᑦ ᐱᖁᔭᖅ ᓄᐃᑕᖏᓐᓇᑎᑦᓯᓂᖅ ᓄᓪᓚᖓᓐᓇᑐᒥᒃ, ᑐᑮᕈᓯᒪᖕᖏᓂᕐᒥᒃ ᐊᒻᒪᓗ ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᓂᖏᓐᓂᒃ; ᐱᓂᕐᓗᑎᑦᓯᑌᓕᔨᐅᓗᑎᒃ ᐊᒻᒪᓗ ᓄᐃᑎᑦᓯᑌᓕᔨᐅᓗᑎᒃ ᐊᒻᒪᓗ ᐱᖁᔭᕐᓂᒃ ᓯᖁᒥᑕᐅᑎᑦᓯᑌᓕᔨᐅᓗᑎᒃ ᐱᖁᔭᐅᑉ ᐊᑖᒍᑦ ᐊᒻᒪᓗ ᓄᓇᓖᑦ ᐱᖁᔮᐱᖏᑦᑕ ᑲᑎᕕᐅᑉ ᓄᓇᖁᑎᖓᓂ; ᐊᒻᒪᓗ ᐱᖁᔭᕐᓂᒃ ᓯᖁᒥᑦᓯᔪᓂᒃ ᑎᒍᓯᔨᐅᓗᑎᒃ.